Skip to content

IEM - Instituto de Estudos Miñoranos

Increase font size Decrease font size Default font size

Destacados

Volta dos Nove. Sábado 13 de outubro

Volta dos Nove

O Instituto de Estudos Miñoráns (IEM) e a Comisión da Volta dos Nove convídavos ós actos de lembranza do asasinato dos Ineses, a señora Dolores Samuelle e Os Nove de Baiona e Panxón o vindeiro sábado 13 de outubro.Hai xa 82 anos.

Ás 11h30'-no cemiterio civil de Sabarís unha lembranza oral e floral para Xosé e Luís López Luís e Dolores Samuellle, tamén coa compaña musical dos da Foz.

Ás 11h45'-na Volta dos Nove palabras, música e flores para os nove homes asasinados a noite do 15 para o 16 de outubro de 1936.

 

Foi no 24 de xullo, a media mañá, festas en Santa Cristina.

Entraron as tropas que viñan de acalmar Vigo.

O comandante militar de Baiona: Ramón Blanco Linares. Requisa na sociedade obreira de Sabarís, na Porta do Sol, socialista e anarquista. Fichas de afiliación, revistas pornográficas, correspondencia, ...

Ducias de homes fuxidos. Foron aparecendo todos, pero entre outros, faltaban Pepe e Luís, Os Ineses. Descubertos o 13 de outubro de 1936 agochados na casa de Ventura Pérez, cego, axudado por Dolores Samuellle que compraba moitos víveres para o vello, ou o xornal. Delación e entrada de falanxistas, e garda civil a mañá do 13. Defensa propia e ferido (Luís Refojo Mariño, camisa nova). Luís morto a tiros nunha viña camiño da Ladeira, Pepe no muro do cemiterio. Exposición pública e asasinato de Dolores Samuellle, por encubridora.

En Vigo o 15 morre o ferido e esa noite van buscar veciños do Val de Miñor os cárceres de Vigo, traen nove que matan antes da amañecida e á tarde enterran o camarada caído.

Herminio Ramos lembrounos:

1936 Octubre 16. En el día de hoy aparecen muertos a la orilla de la carretera más allá de la fuente de San Roque nueve hombres que resultaron ser vecinos desta villa, calificados de rojos presos en Vigo.

Está en:  Inicio Arqueoloxia Artigos Asínase convenio para a investigación e divulgación do xacemento paleolítico en Arbo.
Skip to content
Asínase convenio para a investigación e divulgación do xacemento paleolítico en Arbo. PDF Imprimir Correo-e

Arqueoloxía - Novas
Domingo, 17 Xullo 2011 12:38
edu-carlos-xavier-simon-paula-lima

 
O alcalde de Arbo, Xavier Simón, e o director do IEM, Carlos Méixome, asinaron esta mañá, no salón de plenos da casa do concello de Arbo, un convenio de colaboración para iniciar unha segunda fase de escavación e investigación do importante xacemento paleolítico situado na finca d´O Cabrón, no concello de Arbo, así como realizar unha serie de actividades de divulgación dos resultados.

Na próxima semana un equipo de oito arqueólogos do Instituto de Estudos Miñoranos iniciará esta segunda fase de escavacións coa apertura de catro novas catas que ampliarán substancialmente a superficie escavada o pasado verán que achegou uns resultados espectaculares. Os investigadores consideran que esta segunda fase pode fornecer novos datos para coñecer os primeiros poboadores de Galicia.
O concello de Arbo achegará a cantidade de 1.000€ para sufragar os gastos de transporte e manutención dos arqueólogos voluntarios do IEM. O convenio abre as portas a futuras accións conxuntas entre o IEM e o concello. De forma inmediata contempla a realización de dúas xornadas de portas abertas a fin de que os veciños e veciñas de Arbo, ou outras persoas interesadas, poidan non só coñecer os traballos arqueolóxicos senón tamén recibir as explicacións dos investigadores sobre os achados. Así mesmo, ao remate desta nova fase de investigación, celebrárase, no Museo do Viño de Arbo, unha conferencia para dar conta dos resultados. Posteriormente realizarase unha exposición sobre os traballos arqueolóxicos e os seus resultados e elaboraranse unidades didácticas para os distintos niveis educativas.
Na rolda de prensa estiveron tamén presentes a concelleira de Cultura de Arbo, Paula Lima Casas, e o investigador Eduardo Méndez Quintas quen expresou o seu agradecemento tanto ao propietario dos terreos que facilitou en todo momento o labor dos investigadores como ao prospector arqueolóxico Manuel Ledo que descubriu o xacemento.
O alcalde de Arbo, Xavier Simón, sinalou a importancia deste convenio para coñecer os tempos máis recuados tanto no concello de Arbo como en todo o NO peninsular e amosou a disposición do goberno municipal a facilitar e impulsar os traballos arqueolóxicos que permitiran non só subliñar a particularidade de Arbo senón tamén abrir novos camiños de actividade económica.
O xacemento d´O Cabrón foi escavado polo IEM no verán de 2010 e permitiu definir un dos lugares de habitación humana máis antiga de Galicia e en mellor estado de conservación. A falta dunha datación máis precisa a tipoloxía instrumental permite situar o xacemento na tecnoloxía achelense que o situaría entre os 200.000 e o medio millón de anos. A comezos deste ano o arqueólogo Manuel Santonja e o xeólogo Alfredo Pérez González, ambos do Centro Nacional de Investigación en Evolución Humana (CNEIH) de Burgos visitaron o xacemento d´O Cabrón e amosáronse moi esperanzados polos datos que xa achegou e polo que poida fornecer.