Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio Arqueoloxia Artigos Fíxose a primeira captura en 3D dun petróglifo do Val Miñor, na parroquia de Couso.
Skip to content
Fíxose a primeira captura en 3D dun petróglifo do Val Miñor, na parroquia de Couso. PDF Imprimir Correo-e

Arqueoloxía - Novas
Martes, 30 Agosto 2011 23:35

{youtube width="250" height="200"}4trZexN08TI{/youtube}

Os petróglifos do Sobral (Couso) ten dende esta madrugada unha réplica dixital en 3D. Trátase da primeira peza de arte rupestre miñorano que poderá ser arquivada e reproducida ad infinitum cunha precisión micrométrica. Esta verdadeira achega tecnolóxica - científica posibilitará aos investigadores  pescudar coas vantaxes  da tecnoloxía 3D: hologramas a tamaño real, proxección en pantallas multitáctiles, reprodución das pezas en diversos materiais, etc.

Ao longo do vindeiro mes de setembro os traballos conxuntos entre a Sección Arqueolóxica do IEM e mais os especialistas da Fundación ITMA  Instituto Tecnológico de Materiales de Asturias proseguirán noutros complexos de arte rupestre da bisbarra (Auga da Laxe, Outeiro dos Lameiros e Monte Tetón), co fin de materializar a primeira parte do proxecto " ESCANEO EN 3D SEN CONTACTO E MDT DE PETRÓGLIFOS DO VAL MIÑOR", no que  tamén participa o Instituto de Cerámica de Galicia (ICG).

A primeira xornada de traballo, contou coa participación dos especialistas da ITMA Luis Rovés e Pablo de Arquer, membros do Departamento de Óptica e electrónica. Os mesmos salientaron a riqueza do traballo conxunto que dende a tardiña do pasado luns e ata a madrugada deste martes, mantiveron cos arqueólogos e expertos do IEM. A actividade contou coa colaboración de membros da Comunidade de Montes de Couso, institución que leva adiante importantes traballos de investigación, recuperación e posta en valor do patrimonio cultural do monte desta parroquia do concello de Gondomar.

Este proxecto foi seleccionado (13/12/2010) pola Secretaría Xeral da Consellería de Economía e Industria da Xunta de Galicia e no DOG 246 de 24/12/2010 (páx 20.848) pola que se adxudican as subvencións correspondentes á tecnoloxía dos materiais e da construción dos programas sectoriais de investigación aplicada, PEME I+D e I+D Suma do Plan Galego de Investigación, Desenvolvemento e Innovación tecnolóxica cofinanciadas polo Fondo Europeo de Desenvolvemento Rexional (Feder), no marco do Programa operativo Feder Galicia 2007-2013. O custe do proxecto é de 103.717,55 € e a subvención cubre o 70%.