Skip to content

IEM - Instituto de Estudos Miñoranos

Increase font size Decrease font size Default font size

Destacados

Volta dos Nove. Sábado 13 de outubro

Volta dos Nove

O Instituto de Estudos Miñoráns (IEM) e a Comisión da Volta dos Nove convídavos ós actos de lembranza do asasinato dos Ineses, a señora Dolores Samuelle e Os Nove de Baiona e Panxón o vindeiro sábado 13 de outubro.Hai xa 82 anos.

Ás 11h30'-no cemiterio civil de Sabarís unha lembranza oral e floral para Xosé e Luís López Luís e Dolores Samuellle, tamén coa compaña musical dos da Foz.

Ás 11h45'-na Volta dos Nove palabras, música e flores para os nove homes asasinados a noite do 15 para o 16 de outubro de 1936.

 

Foi no 24 de xullo, a media mañá, festas en Santa Cristina.

Entraron as tropas que viñan de acalmar Vigo.

O comandante militar de Baiona: Ramón Blanco Linares. Requisa na sociedade obreira de Sabarís, na Porta do Sol, socialista e anarquista. Fichas de afiliación, revistas pornográficas, correspondencia, ...

Ducias de homes fuxidos. Foron aparecendo todos, pero entre outros, faltaban Pepe e Luís, Os Ineses. Descubertos o 13 de outubro de 1936 agochados na casa de Ventura Pérez, cego, axudado por Dolores Samuellle que compraba moitos víveres para o vello, ou o xornal. Delación e entrada de falanxistas, e garda civil a mañá do 13. Defensa propia e ferido (Luís Refojo Mariño, camisa nova). Luís morto a tiros nunha viña camiño da Ladeira, Pepe no muro do cemiterio. Exposición pública e asasinato de Dolores Samuellle, por encubridora.

En Vigo o 15 morre o ferido e esa noite van buscar veciños do Val de Miñor os cárceres de Vigo, traen nove que matan antes da amañecida e á tarde enterran o camarada caído.

Herminio Ramos lembrounos:

1936 Octubre 16. En el día de hoy aparecen muertos a la orilla de la carretera más allá de la fuente de San Roque nueve hombres que resultaron ser vecinos desta villa, calificados de rojos presos en Vigo.

Está en:  Inicio Arqueoloxia Artigos Inicio da 3ªc campaña de escavacións arqueolóxicas no xacemento do Paleolítico Antigo d'O Cabrón (Arbo).
Skip to content
Inicio da 3ªc campaña de escavacións arqueolóxicas no xacemento do Paleolítico Antigo d'O Cabrón (Arbo). PDF Imprimir Correo-e

Arqueoloxía - Novas
Escrito por IEM   
Venres, 13 Xullo 2012 20:17
traballos-2011-b
traballos-2011-a
machada-de-man-2
machada-de-man-1
  • Anterior
  • 1 of 4
  • Seguinte

Por terceiro ano consecutivo inícianse traballos arqueolóxicos no xacemento do Paleolítico Antigo d'O Cabrón (Concello de Arbo). Este xacemento é o máis antigo dos coñecidos en Galicia, podéndose remontar máis aló dos 300.000 anos de antigüidade, e o que presenta unhas mellores condicións de conservación. Durante uns 10 días, un grupo de arqueólogos colaboradores da sección de Etnografía e Arqueoloxía do Instituto de Estudos Miñoranos (IEM), baixo a dirección de Eduardo Méndez Quintas, realizarán traballos de escavación nos diferentes niveis de ocupación deste xacemento.

O Cabrón, unha chave para coñecer o posible hábitat do homo heildelbergensis ou homo neanderthal arcaicos.

A campaña deste ano ten como obxectivo principal a escavación en extensión dun dos niveis que ofrece mellor e maior concentración de materiais arqueolóxicos. Este nivel foi escavado de forma parcial en campañas precedentes e o estudo dos materiais recuperados na súa interior mostra notables diferenzas tecnolóxicas con respecto a outros niveis do xacemento, teoricamente máis antigos. Todo parece indicar que estamos nunha ocupación recorrente deste  lugar por parte de grupos diferente dun mesmo tipo de homínido (homo heildelbergensis ou homo neanderthal arcaicos*) que desenvolveron actividades diferenciadas (talla de ferramentas de pedra, consumo de animais e/ou vexetais,?) cunha tecnoloxía de tipo achelense, pero que parece mostrar compoñentes funcionais e cognitivas diferentes ao longo do tempo.

Outros dos obxectivos é recuperar conxunto de materiais arqueolóxicos máis amplos e significativos, que permitan ampliar os nosos coñecementos sobre as habilidades motrices e cognitivas destes grupos humanos, así como profundar nas actividades desenvolvidas no xacemento.

Como en anos precedentes realizásense diversas actividades de divulgación de forma paralela aos traballos arqueolóxicos, consistentes en xornadas de portas abertas, experiencias de elaboración e uso de artefactos paleolíticos ou conferencias.

Os traballos de datación poderían situar o xacemento entre 300 e 500 mil anos de antigüidade.

Finalmente este ano vanse a tomar as mostras para a datación absoluta do xacemento mediante o procedemento da Resonancia Paramagnética Electrónica (ESR), polo que ao longo do ano que vén teremos as primeiras datas absolutas para un xacemento Paleolítico Antigo de Galicia. Aínda que, desde a prudencia das investigacións en marcha, apúntase unha cronoloxía estimada próxima aos 300.000 anos, estudos recente doutras zonas próximas, permiten aventurar a posibilidade de que estas datacións poidan retroceder no tempo, aproximándose cara aos 500.000 anos. De confirmase este extremo, estariamos ante un dos xacementos con ferramentas de pedra de tipo achelense máis antigos da península ibérica. Estas datacións serán realizadas nos laboratorios de Geocronología do Centro Nacional de Investigación sobre la Evolución Humana (CENIEH) de Burgos. Estas medicións serán realizadas polo Dr. Mathieu Duval, responsable de grupo de investigación sobre Resonancia Paramagnética Electrónica do CENIEH.

Como en campañas precedentes, as investigacións están avaladas cientificamente polos doutores Manuel Santonja e Alfredo Pérez-González do CENIEH de Burgos. Así mesmo, os traballos de investigación non poderían realizarse desta forma, se non fose pola xenerosa axuda fornecida polo Concello de Arbo.