Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio Arquivos
Skip to content
O Castelo, patrimonio arqueolóxico da Serra do Galiñeiro. PDF Imprimir Correo-e

Xeografía e Historia - Novas
Escrito por IEM   
Martes, 22 Febreiro 2011 20:19
castillo
Download this file (informe_castelo_galinheiro.pdf)
  • Anterior
  • 1 of 2
  • Seguinte

A Xunta de Galicia aprobou un anteproxecto de parque eólico na Serra do Galiñeiro. Pero neses montes existen varios relevantes xacementos de especial importancia para a Historia de Galicia. Un deles é o Castelo do Galiñeiro.
O xornalista Manuel Gago, o historiador da arte Rafael Rodríguez, o arqueólogo Xurxo Salgado e mais a fotógrafa e xornalista Soledad Felloza, elaboraron un documento de carácter divulgativo para amosar a relevancia deste sitio arqueolóxico de importancia clave para comprender unha época convulsa da nosa Historia. Moi pouca xente da zona, incluso, é consciente da súa posible importancia nun axitado período da Historia do noso país. Por desgraza, os estudos sobre a tardorromanidade e a primeira Idade Media están moi pouco avanzados en Galicia, malia existir un certo número de xacementos que polas súas dimensións e características orográficas só se poden definir como espectaculares. Os autores queren recuperar estes xacementos para o imaxinario e a cultura colectiva do mundo contemporáneo, como unha singularidade especial e altamente valiosa do noso patrimonio histórico.
Este documento quere axudar a comprender a toda a poboación a relevancia histórica dun sitio arqueolóxico que se verá directamente afectado pola construción do parque eólico.
Achegamos o artigo en PDF para a súa descarga.
Attachments:
Artigo Castelo Galiñeiro[ ]1866 Kb