Skip to content

IEM - Instituto de Estudos Miñoranos

Increase font size Decrease font size Default font size

Destacados

Conferencia da artista e educadora interdisciplinaria Cristina Pato "Transcendendo disciplinas: artista sostible do século XXI". Venres 22 de xuño Ás 20:30h no Auditorio de Nigrán

O vindeiro venres 22 de xuño, ás 20:30 horas, o Instituto de Estudos Miñoráns organiza a conferencia de Cristina Pato "Transcendendo disciplinas: artista sostible do século XXI". Será presentada por Camiño Noia Campos. Nas breves interpretacións musicais será acompañada polo acordeonista miñorán, Premio Grammy, Roberto Comesaña. Terá lugar no Auditorio de Nigrán.

 

Cristina Pato (Ourense, 1980)

Artista e Educadora Interdisciplinaria.
Membro e Asesora de Educación do Silk Road Ensemble de Yo-Yo Ma

Blodgett Distinguished Artist in Residence na Universidade de Harvard (Departamento de Música).

 

Cristina Pato é unha gaiteira, pianista, produtora e educadora apaixonada. Aclamada como “unha virtuosa explosión de enerxía” polo The New York Times, e como “un dos mestres vivos da gaita” polo The Wall Street Journal, a súa vida profesional está adicada ao intercambio cultural e a forxar novos camiños para a Gaita Galega. Cristina ten actuado en grandes escenarios de todo o mundo e ten lanzado e producido seis discos como gaiteira solista e dous como pianista, e colaborado en máis de 40 gravacións como artista invitada.

 

A educación xoga un papel esencial na vida persoal e profesional de Cristina. Traballa como Asesora de Educación do Silkroad, e é artista residente na Universidade de Harvard e na Universidade de California Santa Barbara, onde desenrola proxectos educativos interdisciplinares sobre o papel das artes na sociedade.

 

Cristina posúe un Doutorado en Musical Arts pola Rutgers University (EUA) os títulos superiores de Piano, Teoría da Música e Música de Cámara polo Conservatorio de Musica do Liceu, e un Master en Artes Dixitais (Música Dixital) da Universitat Pompeu Fabra de Barcelona. Foi a fundadora do festival Galician Connection, e escribe unha columna semanal para La Voz de Galicia.

 

En 2017 Cristina Pato foi nomeada Blodgett Distinguished Artist in Residence na Universidade de Harvard (Departamento de Música).

 

Está en:  Inicio
Skip to content
Presentación da REM, o venres 1 de xullo na Casa da Misericordia de Baiona PDF Imprimir Correo-e

Publicacións do IEM - Revista do IEM
Escrito por IEM -Sec   
Mércores, 29 Xuño 2016 17:12
rem-14-15-iem

O venres 1 de xullo, ás 20:00h na Casa da Misericordia en Baiona, presentarase a revista REM do Instituto de Estudos Miñoráns.

O acto contará coa colaboración e actuación de alumnas do Conservatorio Elemental de Música de Gondomar e a intervención de Xulián Maure Rivas, director do IEM, Anxo Rodríguez Lemos, Xilberte Manso de la Torre, Marta Dacosta e Gonzalo Navaza, que farán unha breve presentación das súas colaboracións. Presenta o acto María Lemos Cerqueira.

Neste número de REM recóllense tamén artigos dos catedráticos Historia da Universidade de Santiago de Compostela, Ofelia Rey Castelao e Gerardo Pereira Menaut (+). Hai ademais colaboracións de Antonio Valverde (+) e Natalia Jorge; un fermoso traballo sobre os fentos do Val Miñor, asinado por Alfredo López, Afonso Rodríguez e Xosé Ramón García.

O apartado Especial Arte está dedicado a artista baionesa Lula Goce. Traballos de Ramón Chao Rego (pai de Manu Chao), Anxo Ratel, Fino Lorenzo, Xosé Mª Álvarez Cáccamo e Marta Dacosta completan o contido desta entrega da revista REM, na que nas primeiras páxinas Fino Lorenzo xustifica o novo logo do IEM.