Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio
Skip to content
Nova revista do IEM PDF Imprimir Correo-e

Publicacións do IEM - Revista do IEM
Escrito por IEM   
Martes, 23 Febreiro 2010 12:19
Amigos e amigas do IEM
Achegamos relación de traballos recollidos no novo número da Revista de Estudos Miñoranos:

*A prehistoria miñorá I: O paleolítico*, Eduardo Méndez Quintas

*O Outeiro dos Lameiros, o longo camiño da musealización, *Xosé Lois Vilar Pedreira e Eduardo Méndez Quintas

*A Cova da Moura no Foral da Groba, Baiona. Patrimonio inmaterial, xeomorfolóxico e prehistórico nun punto da Serra da Groba*, Clube Espeleolóxico Maúxo
*Escrituras de vendas inmobiliarias na Baiona dos séculos XIII e XIV. Documentación das letras e * , Xulián Maure Rivas 

*Intervención arqueolóxica subacuática, ampliación do peirao de porto de Baiona, Pontevedra, *Miguel San Claudio Santa Cruz e Raúl González Gallero

* A casa de Balinfra. Feudo dos Troncoso de Ulloa no Val Miñor*, Rafael Rodríguez Fernández-Broullón

*I Conde de Gondomar no espello de Lois Tobío*, Francisco Fidel Maseda Maseda
*Dous foxos de lobo na Serra da Groba. Apuntamentos para un inventario do patrimonio*, Xilberte Manso de la Torre* *

*Notas etnohistóricas sobre o aproveitamento do argazo na costa suroeste de Pontevedra (de Silleiro ao Miño*), Roberto Rodríguez Álvarez

*Proposta para a conservación do Cabalo Ceibe da Groba. Un patrimonio etnográfico en perigo de extinción*, SOS* *Groba

*Un músico miñorán: Germán Lago Durán, *Antonio Valverde Alonso

*Antropoloxía, crenzas, supersticións e lendas de Chandebrito, *Carlos Gómez Costas

*Os de Priegue en Canido. Da resistencia como ilusión á represión como sistema*, Carlos Méixome Quinteiro

*Patrimonio construído do Val Miñor. Reflexións veniais*, Antonio Soliño Troncoso

*Consideracións sobre o emprazamento da obra no territorio e a afección ao mesmo*, Alfonso Soliño Troncoso

*O xornalismo de Carlos Casares*, Iago Martínez Durán

ESPECIAL ARTE

*Digresións 2004-2008*. Fino Lorenzo

O QUE DE NÓS DIXERON

*Entre o Miñor e o Miño,* Ramón Otero Pedrayo. Edición e estudo de Alberto Valverde Otero

O MEU VAL MIÑOR

*Relatos*, VeigaCasás

*Máis Xabarín*, Víctor Iglesias Viqueira

*Setestralos. Fogos no ceo da aldea*, Santiago Márquez Pérez

RETRINCOS

*Os conxurados*, Rexina Vega

*Homenaxe a Victoriano Taibo*, Sección de Lingua e Literatura do IEM

*As nosas plantas*, Xilberte Manso

*A revolución dos globos*, Henrique Porto

Saúdos e contamos coa vosa presenza o sábado 27 ás 20:30h. na Aula de Culura Ponte de Rosas