Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio
Skip to content
Pase do filme “Con pés de cemento” : A crise da burbulla inmobiliaria analizada dende o Val Miñor. PDF Imprimir Correo-e

O IEM - Novas
Escrito por IEM   
Luns, 21 Setembro 2015 20:49
Cartel-Con-pes-de-cemento

Entre os anos 2007 e 2014 os documentalistas Juan Forti  e mais Manuel Pedrosa fixeron un percorrido polo Val Miñor e contorna procurando respostas, pistas que axudaran a entender o fenómeno da “burbulla inmobiliaria” no país. Co eco das protestas que impediron a aprobación do PXOM especulativo de Nigrán de 2007; as resistencias aos intentos de abrir campos de golf e urbanizacións na Serra da Groba e as promesas de milleiros de empregos para levantar Porto do Molle; vai desenvolvéndose o relato do filme documental Con pés de cemento. Obra que teremos o pracer de presentar da man dos seus autores o vindeiro xoves 24 de setembro ás 20:30 horas na Aula de Cultura Ponte de Rosas (Avda. da Feira, 10 baixo, Gondomar).

Sinopse dos autores

“Con peś de cemento recolle as voces que se opoñen a un sistema político económico e ideolóxico que fai prevalecer o lucro das grandes empresas sobre as necesidades máis básicas das persoas; prestando especial atención á dependencia da economía española coa produción de cemento.

O documentario arranca con entrevistas aos protagonistas dos movementos veciñais que se opuxeron a aprobacións de plans xerais corruptos, na etapa final da burbulla inmobiliaria. Seguindo este fío explora as causas e as consecuencias do despoboamento do rural, o sobredimensionamento dos infraestruturas e a necesidade dunha mudanza do noso xeito de organizar e xestionar o común”.

Ficha

Título: Con pés de cemento.

Produción: Porlanfit producións.

Dirección: Juan Forti e Manuel Pedrosa Sánchez

Duración: 30 minutos