Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio
Skip to content
Presentación do libro 6 POEMAS 6 PDF Imprimir Correo-e

O IEM - Novas
Escrito por IEM -Sec   
Mércores, 17 Febreiro 2016 02:02
sinttulo

O Instituto de Estudos Miñoráns, IEM, presenta en Gondomar o libro colectivo "6 poemas 6. Homenaxe a Federico García Lorca". Trátase dunha homenaxe aos 6 poemas galegos do poeta granadino, poemario que contribuíu a prestixiar a literatura galega do século 20 dada a importancia literaria do autor e a súa universalidade. Pero tamén é unha homenaxe a Ánxel Casal, o editor, con quen o poeta compartiu a aventura de dar a luz este libro e outra aventura incomprensible e tráxica: o seu asasinato en agosto do 1936, unidos para sempre por unha mesma data. E, non podía ser doutro xeito, este libro é tamén unha homenaxe ao editor.


A idea de Suso Díaz, compartida con Helena Villar Janeiro, era reeditar os 6 poemas de Lorca con novas achegas que lles fixesen homenaxe, para o cal conseguiron reunir 6 grupos de 6 poetas cada un. Cada grupo apadriñaría un dos poemas e faría unha composición comunitaria inspirada nel; ademais, coa mesma inspiración, cada poeta achegaría o seu propio texto. En total 42 novos poemas para Lorca. Ao final, unha composición colectiva mediante un acróstico con estas letras capitais: A ÁNXEL CASAL EDITOR DE SEIS POEMAS GALEGOS. 36 letras, 36 poetas, 36 versos para quen tanto fixo polas letras galegas nunha situación nada doada.
Podedes ver unha información sobre todos os participantes na páxina http://www.susodiaz.gal/search... .
O acto de presentación en Gondomar terá lugar o vindeiro venres, 19 de febreiro, ás 20:30 horas na sala de conferencias do IEM, aula Ponte de Rosas, situada na avenida da Feira, 10, baixo, e nel participarán Marta Dacosta, Ledicia Costas, Miriam Ferradáns e Irene Silva, que nos ilustrarán sobre a xestación deste orixinal e importante libro e recitarán algúns dos seus poemas.
Esperamos e agradecemos a vosa asistencia.