Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio
Skip to content
A norteamericana Rachel Ceasar visitou o IEM no marco do seu doutoramento en antropoloxía forense. PDF Imprimir Correo-e

O IEM - Novas
Martes, 23 Agosto 2011 20:26
rachel-ceasar

O silencio que a psicóloga Rachel Ceasar atopou sobre a situación das vítimas da guerra civil e a represión franquista na súa primeira visita a España en 2004 levouna a elixir os actuais traballos de exhumacións nas fosas, como tema para o seu doutoramento en antropoloxía forense que cursa na Universidade de Berkeley, California. Nunha curta charla mantida na sede do IEM, Rachel informounos que dentro dese marco de estudo, elixiu centrar as súas pescudas en Galicia, onde atopou unha particular confluencia do interese científico coas necesidades de identidade e xustiza dunha parte da sociedade.
"A exhumación é unha forma tacto - física para sacar a luz a historia e a identidade de España", sinala esta moza, licenciada en psicoloxía pola UCLA en Os Anxos (Estados Unidos). A investigadora entende que estes esforzos permiten contar unha historia "aínda que os manuais de estudo non falen do que realmente pasou en España".
Este doutoramento estase a desenvolver dende 2009 e terá á investigadora ata o próximo verán 2012 na tarefas de campo. Con apoio loxístico de expertos de toda Galicia, Rachel tamén contará co asesoramento e apoio do equipo de investigadores na área de Memoria Histórica do IEM, a que conta con arqueólogos, historiadores e expertos que levan traballado en varias intervencións en distintos puntos de Galicia.