Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio
Skip to content
Hoxe finou Xosé Reigosa Solleiro. PDF Imprimir Correo-e

O IEM - Novas
Escrito por IEM   
Martes, 21 Febreiro 2012 23:27
xose-reigosa

O Instituto de Estudos Miñoranos informa aos seus socios/as , amigos/as da triste nova do falecemento de Xosé Reigosa Solleiro, ocorrido no día de hoxe, 21 de febreiro de 2012. Coa súa partida pérdese a un home que durante toda a súa vida traballou arreo na defensa do medio ambiente, así como en innumerables loitas polos dereitos do noso país e a súa xente.
Xosé Reigosa foi activista social e ecoloxista. Fundador e membro de SOS Groba, A Ría non se vende, Galiza non se vende, aínda que a súa grande ferramenta de traballo nos derradeiros anos foi o movemento Salvemos Monteferro.
Gañador, xunto cos seu irmán Anxo Reigosa do V Premio Nano Cambeiro de Xornalismo, outorgado polo IEM polo seu desenvolvemento na web www.salvemosmonteferro.org. Daquela, o xurado informaba que "Esta decisión foi unánime na Xunta de Goberno do Instituto, sentíndose orgullosa de que este grupo de persoas -sensibilizadas coas graves agresións sufridas no entorno natural de Monteferro, paraxe costeira única na ría de Vigo-, fosen quen de artellar a primeira web ecoloxista do Val Miñor en torno a cal se concentrou a gran mobilización social que conseguiu a paralización do proxecto de urbanización de Monteferro."
Foi para nós un gran fornecedor de ideas e actitudes en defensa dos valores e patrimonio da bisbarra do Val Miñor. No noso recordo permanente continuará a selo. Ata sempre Xosé!