Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- NIGRÁN- Ao son das campás de Parada. II Certame de Campás e Campaneiros. Martes 17 de xullo ás 18:30h.

O vindeiro martes 17 de xullo ás 18:30h terá lugar a cuarta xeira de verán polo concello de Nigrán (Parada) Ao son das campás de Parada. II Certame de Campás e Campaneiros, dentro do programa das xeiras de verán 2018 do IEM, e coa colaboración deste concello, que será guiada por Anxo Rodríguez Lemos.

O punto de encontro será na Igrexa de Santiago de Parada de Miñor:

HABERÁ DOUS INTÉRPRETES EN LINGUA DE SIGNOS PARA XORDOS.

Rosalía de Castro choraba co seu maxín, plasmado na súa obra Cantares Gallegos, as nostálxicas campás de Bastavales que atronaban co seu tocar o ceo do Val da Maía. Eran as campás un dos elementos sonoros que cada un levaba consigo no seu pensar xunto ás cantigas e pezas musicais aprendidas dende a nenez, rexedoras dun mundo daquela sen a sofisticada tecnoloxía actual pero ben regulado por un tocar encargado de marcar as horas de traballo, anunciar nacementos, casamentos, mortes, festas ou quizáis afastar as temerosas treboadas da comunidade. Modernas maquinarias a base de mazos electrónicos substitúen, aos poucos nas nosas parroquiais, ás mans daquelas persoas encargadas de facer falar as campás. Seguindo ás xornadas iniciadas no ano 2007 pola Asociación Cultural Os Chichisos de Pontevedra, o Instituto de Estudos Miñoráns iniciou en 2015 un certame na vila de Baiona chamado a continuar polas igrexas do Val de Miñor co fin de recoller, da man dos seus campaneiros, aqueles toques antigos en vías de desaparecer para sempre. Este ano serán dúas as campás, do século XIX e XX, as que, dende a igrexa parroquial de Santiago de Parada de Miñor, serán tocadas por Esther Nande Figueroa, sancristana e campaneira do lugar do Sobreiro, a partir das 18:30 na cuarta xeira do IEM.

Está en:  Inicio
Skip to content
Antonio Soliño Troncoso recibirá o Premio Gran de Area 2012 do Colexio de Arquitectos de Galicia. PDF Imprimir Correo-e

O IEM - Novas
Escrito por IEM   
Xoves, 25 Outubro 2012 02:47
antonio-xeira-iem
maqueta-antonio
  • Anterior
  • 1 of 2
  • Seguinte

As delegacións co Colexio Oficial de Arquitectos de Galicia de Pontevedra e Vigo, entregarán os premios Gran de Area 2012, de achegas á Arquitectura este venres 26 de outubro, ás 18 horas no Salón de Plenos do Concello de Campo Lameiro. Entre os galardoados atópase o noso compañeiro do IEM, Antonio Soliño Troncoso, polo seu proxecto "Rehabilitación e ampliación de vivenda unifamiliar en A Barga - Donas -Gondomar" . O seu traballo foi escollido entre 69 proxectos presentados para esta nova edición dos premios, e compartirá o recoñecemento do Colexio xunto con outras once creacións arquitectónicas visadas en Vigo e Pontevedra.


A decisión do Xurado premiou este ano oito obras executadas e tan só tres proxectos. Entre estes últimos, atópase o que Soliño Troncoso está a desenvolver nunha antiga finca rural do barrio de A Barga. O recoñecemento do Colexio tamén abrangue á familia Costas - Collazo, propietarios da finca, aos que se lle entregará un certificado coa distinción. Feito que o Colexio realiza con todos os titulares de obras ou proxectos premiados, ca fin de salientar a súa sensibilidade e aposta polo valor arquitectónico dos mesmos.
Este recoñecemento á obra de Antonio ten lugar por segunda vez e de forma consecutiva, xa no 2011 tamén recibira a distinción Gran de Area na categoría "Obra Nova" (agora xa executado), por "Casa para un músico xove e parella", na parroquia de Saíans (Vigo).

 

Compartimos a boa-nova con tódolos socios e amigos desta casa, e achegamos os nosos parabéns! a Antonio.