Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio
Skip to content
"Curriculum Vitae", comedia con humor de actualidade se porá en escena esta fin de semana en Gondomar. PDF Imprimir Correo-e

O IEM - Novas
Escrito por IEM   
Xoves, 22 Novembro 2012 22:40
CV_cartel-300

-A obra inclúe "Puntocom", texto da guionista e membro do IEM, Araceli Gonda.
-Os actores Mónica García e Guillermo Carbajo porán en escena "Curriculum Vitae", unha comedia dirixida polo director Alex Sampayo, este sábado ás 22 horas no Auditorio Municipal de Gondomar Lois Tobío.
Definida pola crítica como unha comedia de "rabiosa actualidade", a obra teatral "Curriculum Vitae", xira entorno a un escenario por demais coñecido nestes tempos: ás entrevistas de traballo. Dirixida por Alex Sampayo (El Internado, Padre Casares, entre outras) conta cos actores Mónica García ("Citizen", "Moito conto") e Guillermo Carbajo (El Internado, Matalobos), todos eles membros de Redrum, unha das compañías máis novas e creativa do país.
A comedia está articulada sobre cinco textos de escritores e realizadores de coñecida traxectoria. Con "Traballo lixo", de Diego Ameixeiras, gañador do "Premio Xerais" de novela en 2006 dará comezo a obra. Araceli Gonda ( veciña de Morgadáns e membro do IEM), coñecida xornalista e guionista de series de éxito como Padre Casares, advertirá sobre os perigos de mentir nos currículos con "Puntocom". Avelino González, premiado con dous María Casares, ensinará con "Si e non", que ás veces un "enchufe" vale máis que mil palabras. Manolo Cortés, a través de "A espera"presentará a dous candidatos que agardan a súa quenda nunha estraña ETT. Finalmente o broche de ouro chega co texto de José Prieto (Premio Max), "Executiva Vs. Bolseiro), que introduciranos no marabilloso mundo dos bolseiros e as candidatas bipolares.
O espectáculo forma parte da programación da Concellaría de Cultura de Gondomar e ten un custe de 3,5 euros. Non hai escusa para perderlla.