Skip to content

IEM - Instituto de Estudos Miñoranos

Increase font size Decrease font size Default font size

Destacados

Volta dos Nove. Sábado 13 de outubro

Volta dos Nove

O Instituto de Estudos Miñoráns (IEM) e a Comisión da Volta dos Nove convídavos ós actos de lembranza do asasinato dos Ineses, a señora Dolores Samuelle e Os Nove de Baiona e Panxón o vindeiro sábado 13 de outubro.Hai xa 82 anos.

Ás 11h30'-no cemiterio civil de Sabarís unha lembranza oral e floral para Xosé e Luís López Luís e Dolores Samuellle, tamén coa compaña musical dos da Foz.

Ás 11h45'-na Volta dos Nove palabras, música e flores para os nove homes asasinados a noite do 15 para o 16 de outubro de 1936.

 

Foi no 24 de xullo, a media mañá, festas en Santa Cristina.

Entraron as tropas que viñan de acalmar Vigo.

O comandante militar de Baiona: Ramón Blanco Linares. Requisa na sociedade obreira de Sabarís, na Porta do Sol, socialista e anarquista. Fichas de afiliación, revistas pornográficas, correspondencia, ...

Ducias de homes fuxidos. Foron aparecendo todos, pero entre outros, faltaban Pepe e Luís, Os Ineses. Descubertos o 13 de outubro de 1936 agochados na casa de Ventura Pérez, cego, axudado por Dolores Samuellle que compraba moitos víveres para o vello, ou o xornal. Delación e entrada de falanxistas, e garda civil a mañá do 13. Defensa propia e ferido (Luís Refojo Mariño, camisa nova). Luís morto a tiros nunha viña camiño da Ladeira, Pepe no muro do cemiterio. Exposición pública e asasinato de Dolores Samuellle, por encubridora.

En Vigo o 15 morre o ferido e esa noite van buscar veciños do Val de Miñor os cárceres de Vigo, traen nove que matan antes da amañecida e á tarde enterran o camarada caído.

Herminio Ramos lembrounos:

1936 Octubre 16. En el día de hoy aparecen muertos a la orilla de la carretera más allá de la fuente de San Roque nueve hombres que resultaron ser vecinos desta villa, calificados de rojos presos en Vigo.

Está en:  Inicio
Skip to content
Asemblea Xeral de socios/as do IEM 2016 PDF Imprimir Correo-e

O IEM - destacados
Escrito por IEM -Sec   
Venres, 21 Outubro 2016 22:43

A Xunta Xeral de Socios/as do IEM quere ser algo máis ca unha xuntanza anual obrigada polos nosos estatutos. A Xunta Directiva queremos non só dar conta das nosas actividades e presentar o estado de contas deste Instituto de Estudos Miñoráns.
Cremos todos nós que é unha obriga achegarnos todos os socios/as para agradecer todo tipo de colaboración que fai posible as distintas creacións culturais deste instituto.
Temos a esperanza de que destes encontros xurdan novas posibilidades que poidan suplir as deficiencias que as crises económicas ocasionaron nos últimos anos.
Coñecernos a nós mesmos e a nosa historia será o mellor instrumento para planificar unha vida colectiva, presidida pola alegría de compartir o patrimonio natural e cultural do noso Val de Miñor.


CONVOCATORIA ASEMBLEA XERAL 2016


Convócase aos socios/as da Asemblea Xeral da asociación Instituto de Estudos Miñoráns con CIF: G-36867471 á reunión que se celebrará no lugar, data e hora abaixo indicados, segundo a ORDE DO DÍA que se especifica.

TIPO DE REUNIÓN: ASEMBLEA XERAL

DATA da REUNIÓN : 25 de OUTUBRO de 2016

HORA da SESIÓN, 1ª convocatoria: 19:30 HORAS

HORA da SESIÓN, 2ª convocatoria: 20:00 HORAS

LUGAR:“AULA DE CULTURA PONTE DE ROSAS” sede do IEM
Avda. da Feira, 10 Baixo 36380 Gondomar

 

ORDE DO DÍA:

 

  • Lectura e aprobación, se procede, da acta da reunión anterior, correspondente ao 23 de outubro de 2015 (AnexoI).
  • Aprobación dos novos Estatutos do IEM.
  • Presentación da Memoria de Actividades 2015-2016 da Asociación (Anexo III).
  • Aprobación, se procede, das Contas Anuais 2016 da Asociación (Anexo IV).
  • Informe actualizado do número de socios/as e altas no ano 2016.
  • Informe actualizado sobre as diferentes convocatorias de axudas solicitadas aos distintos organismos institucionais.
  • Previsión das actividades para o ano 2017.
  • Rogos e preguntas.