Skip to content

IEM - Instituto de Estudos Miñoranos

Increase font size Decrease font size Default font size

Destacados

Laura Ramos Cuba gaña o XIº Premio de poesía VictorianoTaibo coa obra presentada baixo o título de A situación actual

O xurado do certame poético VictorianoTaibo que convoca o Concello de Gondomar en colaboración co Instituto de Estudos Miñoráns, integrado polos escritores e escritoras Iria Misa, Gonzalo Navaza, Miguel Anxo Mouriño, Marta Dacosta en nome do IEM e Rafa Vilar, gañador da Xª edición, resolveu que o libro gañador desta XIª edición era o presentado co título de A situación actual que, unha vez aberta a plica, resultou ser da autoría de Laura Ramos Cuba.

O xurado valorou que se trata dunha obra absolutamente contemporánea en que atopamos unha voz intimista moi forte. Unha voz dunha grande radicalidade, capaz de reflectir unha situación límite, unha crise emocional. Destaca a capacidade de poetizar o cotián con sinxeleza e fondura a un tempo. O xurado tamén salientou a unidade do libro, que mantén ao longo da lectura o pulso e o ritmo.

Laura Ramos Cuba, é unha moza burelá graduada en xornalismo e comunicación audiovisual pola Universidade de Santiago de Compostela. Este é o seu primeiro premio e, será, o seu primeiro libro publicado, co que o certame Victoriano Taibo ten a satisfacción de permitir que saia á luz esta voz actualísima que nos fala desde as súas propias coordenadas inseridas neste século XXI.

A entrega do premio será o día 17 de novembro nun acto que decorrerá no Auditorio Lois Tobío de Gondomar.

 

Está en:  Inicio
Skip to content
I Mostra de teatro afeccionado de Baiona PDF Imprimir Correo-e

O IEM - destacados
Escrito por IEM -Sec   
Xoves, 17 Novembro 2016 00:28
img-20161116-wa0004

 

A partir do vindeiro sábado 19 de novembro o Auditorio V Centenario de Baiona acollerá a I Mostra de teatro afeccionado de Baiona. Organizado polo Instituto de Estudos Miñoráns co apoio do Concello de Baiona. Esta mostra vén desenvolvéndose dende o 4 de novembro .

"Polos pelos" será a obra que abrirá está parte da mostra organizada polo IEM, a cargo de A Moura de Chaín a partir das 21:00h. no Auditorio V Centenario Baiona.

 

O programa continuará o domingo 20 de novembro con "Sopa de pedra" a cargo de Xente daquí e dacolá (Mañufe) a partir das 18:00h. no Auditorio V Centenario Baiona.

O grupo de Xesta vermella (Borreiros) sairá a escena con "Todos á escola!" ás 21:00h. e para finalizar o día 27 de novembro unha segunda obra de Xente daquí e dacolá, "Quen nos manda facer teatro?" ás 18:00h no Auditorio V Centenario Baiona.