Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio
Skip to content
Presentación da recollida de topónimos na parroquia de San Martiño de Borreiros PDF Imprimir Correo-e

O IEM - destacados
Escrito por IEM   
Venres, 29 Novembro 2013 03:21
top-borreios
O vindeiro sábado 30 de novembro ás 12:30 horas no Centro Cultural de San Martiño de Borreiros serán presentados nun acto público os resultados da recollida dos nomes dos lugares da parroquia. O proxecto que permitiu a recuperación de máis de 600 topónimos foi desenvolvido polo Instituto de Estudos Miñoranos grazas á colaboración de 34 informantes locais e contou co apoio do Concello de Gondomar.
Durante o encontro o arqueólogo Xosé Lois Vila explicará o proxecto de recuperación dos nomes dos lugares que está a impulsar o IEM en acordo con distintos colectivos socias e administracións públicas. A continuación Anxo Rodríguez Lemos, técnico de campo encargado da recollida, dará conta dos resultados nunha presentación que incluirá unha cartografía confeccionada en soporte dixital, xunto cunha serie de dispositivos que facilitarán a súa utilización para fines científicos ou divulgativos os que serán accesibles a través das webs oficias do Concello de Gondomar e o IEM.
Latino Rodríguez Areal (CC de MM de Borreiros) e "Lito da Pousa" (AA de VV de Borreiros), achegarán as súas impresións sobre o proxecto no marco dos traballos de posta en valor do rico patrimonio cultural da parroquia que ambos os dous colectivos desenvolven no territorio. Neste senso se proxectarán algúns vídeos que recollen lendas, oficios tradicionais e a explicación dalgúns nomes de lugares vencellados á historia de Borreiros que tamén estarán incluídos nos soportes para divulgación.
A presentación dun "Caderno de Campo" da recollida e máis a transcricións de documentos históricos relativos á parroquia, completarán o acto que pechará coa intervención do alcalde de Gondomar, Fernando Guitián Guitián.