Skip to content

IEM - Instituto de Estudos Miñoranos

Increase font size Decrease font size Default font size

Destacados

Volta dos Nove. Sábado 13 de outubro

Volta dos Nove

O Instituto de Estudos Miñoráns (IEM) e a Comisión da Volta dos Nove convídavos ós actos de lembranza do asasinato dos Ineses, a señora Dolores Samuelle e Os Nove de Baiona e Panxón o vindeiro sábado 13 de outubro.Hai xa 82 anos.

Ás 11h30'-no cemiterio civil de Sabarís unha lembranza oral e floral para Xosé e Luís López Luís e Dolores Samuellle, tamén coa compaña musical dos da Foz.

Ás 11h45'-na Volta dos Nove palabras, música e flores para os nove homes asasinados a noite do 15 para o 16 de outubro de 1936.

 

Foi no 24 de xullo, a media mañá, festas en Santa Cristina.

Entraron as tropas que viñan de acalmar Vigo.

O comandante militar de Baiona: Ramón Blanco Linares. Requisa na sociedade obreira de Sabarís, na Porta do Sol, socialista e anarquista. Fichas de afiliación, revistas pornográficas, correspondencia, ...

Ducias de homes fuxidos. Foron aparecendo todos, pero entre outros, faltaban Pepe e Luís, Os Ineses. Descubertos o 13 de outubro de 1936 agochados na casa de Ventura Pérez, cego, axudado por Dolores Samuellle que compraba moitos víveres para o vello, ou o xornal. Delación e entrada de falanxistas, e garda civil a mañá do 13. Defensa propia e ferido (Luís Refojo Mariño, camisa nova). Luís morto a tiros nunha viña camiño da Ladeira, Pepe no muro do cemiterio. Exposición pública e asasinato de Dolores Samuellle, por encubridora.

En Vigo o 15 morre o ferido e esa noite van buscar veciños do Val de Miñor os cárceres de Vigo, traen nove que matan antes da amañecida e á tarde enterran o camarada caído.

Herminio Ramos lembrounos:

1936 Octubre 16. En el día de hoy aparecen muertos a la orilla de la carretera más allá de la fuente de San Roque nueve hombres que resultaron ser vecinos desta villa, calificados de rojos presos en Vigo.

Está en:  Inicio
Skip to content
IEM - Instituto de Estudos Miñoranos
Presentación do libro: " Non des a esquecemento" de Luís Bará Torres. Xoves 30 de marzo ás 20:30h PDF Imprimir Correo-e
Ciclos conferencias e obradoiros - Artigos
Escrito por IEM -Sec   
Xoves, 23 Marzo 2017 18:45
O xoves 30 de marzo ás 20.30h, terá lugar a presentación do libro " Non des a esquecemento" de Luís Bará Torres na Aula de Cultura Ponte de Rosas, Avenida da Feira, 10 baixo en Gondomar.
Intervirán ademais do autor, Montse Fajardo e Xosé Lois Vilar e gozaremos da actuación musical do guitarrista Fernando Blanco.
"Este libro é unha compilación dos artigos publicados no blog Non des a esquecemento ao longo de case tres anos, desde comezos de 2014 a setembro de 2016. Mais sobre todo é a resposta a unha necesidade vital: a procura da verdade e da xustiza arredor das vítimas da represión franquista en Galiza, a vontade de contar o que pasou nun relato emocional, subxectivo, belixerante, impregnado da memoria oral, receoso dos informes oficiais e afastado tamén da neutralidade e da distancia de moitos estudos académicos.
Porque a crónica de acontecementos como os que aquí se relatan só ten sentido se forma parte dunha arela ética e política fundamental: a da reivindicación dos ideais e valores polos que loitaron e foron perseguidas tantas persoas ao longo de décadas; a militancia na causa da liberdade, da xustiza social, da igualdade; o compromiso por construír unha Galiza dona de si, próspera, solidaria, respectada. Esa é a mellor maneira de rescatalos do silencio das gavias e dos cemiterios; a victoria última contra a inxustiza, o terror e a mentira do franquismo; a verdadeira e definitiva homenaxe despois da amnesia e a amnistía decretadas na transición e no tempo que veu despois."

Fragmento do Epílogo do libro Non des a esquecemento
lus bar 22 non des a esquecemento22
 
Xogos populares Galicia- Sáhara. Xoves 10 de agosto ás 18:00h. PDF Imprimir Correo-e
O IEM - destacados
Escrito por IEM -Sec   
Domingo, 06 Agosto 2017 11:45

captura de pantalla 2017-08-06 a las 11.43.19

O vindeiro xoves 10 de agosto, con motivo das actividades que o IEM está a levar coas familias acolledoras de nenos e nenas saharauís, terá lugar unha xornada de xogos populares galegos e saharauís, nos que participaremos dun intercambio deste patrimonio cultural. Os elementos característicos que nos achegan a cooperación, á diversidade, a tomar conciencia da propia identidade e axuda a incorporar as regras promovendo o respecto polos/as outros/as.

Estas xornadas van dirixidas tanto ás familias acolledoras, nenos e nenas como a aquelas familias que queiran compartir estes momentos lúdicos con nós.

O lugar da celebración dos xogos será no Parque Ponte de Rosas ás 18:00h. O enlace do punto de encontro é o seguinte:

https://drive.google.com/open?id=1xlBx3q2g98anByfVy3-6s0rndVU&usp=sharing

A organización dos xogos estará a cargo de: María Lemos, Alba Costas, Nano Portela e Begoña Martínez.

Os xogos populares galegos serán os seguintes.: Chave, Zancos, e Corda, e o Pano como final colectivo.

Os xogos populares saharauís serán os seguintes.: Pisu, Dama, Talbat e o Ometsalvi como colectivo final.

 
Suspensión da presentación de “ Os nomes do terror” mañá martes 17 de outubro. PDF Imprimir Correo-e
Memoria histórica - Novas
Escrito por IEM -Sec   
Luns, 16 Outubro 2017 22:23

8551473339712-bandera-de-galicia-con-lazo-negro

Como consecuencia da declaración polo Concello de Nigrán de tres días de loito oficial, quedan suspendidas tódalas actividades organizadas polo Concello, e polo tanto tamén a presentación de “Os nomes do terror” mañá martes 17 de outubro.

 
Catro finalistas optan ao Premio de poesía Victoriano Taibo na súa Xª edición PDF Imprimir Correo-e
Premio Victoriano Taibo - Artigos
Escrito por IEM -Sec   
Martes, 12 Setembro 2017 19:52
O xurado da X edición do certame poético VictorianoTaibo que convoca o Concello de Gondomar, en colaboración co Instituto de Estudos Miñoráns, reunido o 11 de setembro, de entre as 49 obras presentadas, elixiu como obras finalistas, as que ostentaban os seguintes títulos por orde alfabética:

Ø As cinzas de Pasolini

Ø Erosións

Ø Laxa negra

Ø Saint Pièrre et Michelon

O veredicto definitivo darase a coñecer nos próximos días, momento en que se fará público o gañador ou gañadora desta décima edición.

A entrega do premio será o día 18 de novembro nun acto que decorrerá no Auditorio Lois Tobío de Gondomar.

 
CHARLA-COLOQUIO "O LUME NOS MONTES GALEGOS" Serafín González Prieto o venres 1 de decembro no IEM. PDF Imprimir Correo-e
Tertulias - Calendario
Escrito por IEM -Sec   
Mércores, 29 Novembro 2017 00:50
ty
 
<< Inicio < Anterior 31 32 33 34 35 36 37 38 39 40 Seguinte > Final >>

Páxina 39 de 259