Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio
Skip to content
IEM - Instituto de Estudos Miñoranos
Libros dixitais do IEM: “O tranvía en Vigo” de María Álvarez-Blázquez PDF Imprimir Correo-e
Filoloxía e literatura - Textos literarios
Escrito por IEM   
Luns, 03 Agosto 2015 20:45

tranvia

Presentamos hoxe un interesante e completo traballo de investigación da autoría de María Álvarez-Blázquez Fernández, un dos últimos, ata o momento, elos daquela irrepetible saga de homes e mulleres do mundo da cultura que, empezando en Gregorio Álvarez, de Sanabria, encadeou apelidos tan significados como Álvarez Giménez, Álvarez Limeses, Álvarez Gallego, Álvarez Blazquez, Álvarez Gándara e Álvarez Cáccamo , entre outros.

Ler máis...
 
Xornadas educativas “ A arte rupestre como recurso didáctico” PDF Imprimir Correo-e
Proxectos pedagóxicos - Novas
Escrito por IEM -Sec   
Venres, 30 Outubro 2015 21:50

Este xoves remataron as xornadas " A arte rupestre como recurso didáctico" realizado a través dun convenio de colaboración entre o IEM ( Instituto de Estudos Miñoranos) e CFR de Vigo ( Centro de Formación e Recursos de profesorado). Baseadas estas xornadas nun proxecto de desenvolvemento realizado a través dun proxecto intercentros " A arte rupestre e a súa aplicación na aula" no CEIP de Barrantes, Ceip Humberto Juanes, CEIP da CRUZ e Centro Juan María.

Ler máis...
 
Día Internacional dos Arquivos PDF Imprimir Correo-e
Arquivos - Artigos
Escrito por IEM -Sec   
Domingo, 05 Xuño 2016 13:55

 

captura de pantalla 2016-06-05 a las 14.03.13CONFERENCIA

ARQUIVOS, TOPONIMIA E TRADICIÓN ORAL

Impartida por D. Xosé Lois Vilar Pedreira, Licenciado en Xeografía e Historia pola USC, membro da xunta directiva do Instituto de Estudos Miñoráns e membro de Agon (Asociación Galega de Onomástica). Gran coñecedor da toponimia, como o demostran as súas múltiples publicacións e conferencias, e pioneiro no estudo da talasonimia.

 

Mostra de documentos sobre o tema.

 

VELADA MUSICAL

Para rematar, contaremos coa participación das violinistas Da. Antía García Diz e Da Montserrat Vilasante Ferreiro, que interpretarán:

- Dúos, Op. 87 de CH. de Bériot: Moderato, Adagio, Andantino, Andante

- Sonata nº 5, Op. 12 de Jean-Marie Leclair: Allegro ma poco, Andante, Presto

- Dúo nº2, Re Mayor de Francesco Geminiani: Allegretto, Adagio, Allegretto

 
En defensa do Premio de Poesía Victoriano Taibo PDF Imprimir Correo-e
Filoloxía e literatura - Victoriano Taibo
Escrito por IEM   
Xoves, 03 Decembro 2015 22:25

Fino_VT

No ano 2007 o Instituto de Estudos Miñoranos decidiu que era tempo de recuperar a memoria do mestre galeguista, escritor, lingüista e académico Victoriano Taibo, inxustamente relegado a un recanto escuro do esquecemento. Como os vinte anos máis activos da súa vida transcorreron impartindo docencia en Morgadáns, acordamos confeccionar un anteproxecto de homenaxe e presentarllo ao presidente da Entidade Local menor da citada parroquia, Urbano Esmerode, cuxa sensibilidade percibiu inmediatamente a importancia da proposición e aceptou asumir o mecenado de todos os gastos inherentes á institución e mantemento do Premio de Poesía Victoriano Taibo, que levaría como apelido o engadido Entidade Local de Morgadáns. A principios do ano seguinte estivemos preparados para a convocatoria do I Premio, cuxa gala de entrega, en novembro de 2008, estivo arroupada por moitos outros actos nos que participaron un número  non pequeno de persoas vinculadas ao eido da cultura, ademais de moitísimos asistentes e espectadores; a presentación do poemario gañador estivo acompañada pola de de varios libros editados con motivo de tal evento: a reedición de Da Agra Aberta, contos e lendas, unha revista monográfica dedicada ao noso persoeiro e, nun só volume, a primeira publicación dos poemarios, ata aquel momento inéditos, Abicedo e Cabrinfollas, edición acometida pola editorial Follas Novas en edición ao coidado de Armando Requeixo. Un convenio asinado entre o IEM e a Entidade aseguraba a prórroga automática anual do compromiso se antes, cun mes de antelación, non era denunciado por ningunha das dúas partes. O Premio espertou, dende o primeiro momento, o interese dos poetas e da crítica, acadou sempre unha participación notable, comprendida entre os corenta e os cincuenta orixinais, e forneceu, ata o día de hoxe, o noso espazo cultural de nove importantes libros de poemas debidos á pluma e ao estro de dez poetas.

Ler máis...
 
Presentación do libro "Tras os pasos do Conde de Gondomar. Unha viaxe alén Miñor PDF Imprimir Correo-e
Publicacións do IEM - Monografías
Escrito por IEM -Sec   
Domingo, 12 Xuño 2016 23:12

img_01

O vindeiro venres 17 de xuño, ás 8:30 da tarde, na sede do IEM –n.º 10, baixo, da Avda. da Feira, en Gondomar-, nun acto aberto a quen desexe asistir, Antonio Soliño Troncoso, arquitecto e membro da xunta de goberno do IEM, presentará un libro de viaxe por terras de León e Castela escrito baixo o pseudónimo X Mourisca. O libro, que abrangue personaxes, paisaxes, historia, historias, gastronomía e lendas dos territorios atravesados mesturadas con diferentes vivencias dos compoñentes da viaxe, ten como fío condutor a don Diego Sarmiento de Acuña (1567-1626), I conde de Gondomar.

Ler máis...
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 5 de 261