Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio
Skip to content
IEM - Instituto de Estudos Miñoranos
Aínda quedan prazas para participar na Xeira Nocturna en barco polo mar de Baiona e Nigrán. PDF Imprimir Correo-e
Xeiras - Información
Escrito por IEM -Sec   
Venres, 08 Xullo 2016 15:42

Aínda quedan prazas para participar na Xeira Nocturna en barco polo mar de Baiona e Nigrán.

A vindeira xeira do IEM en barco por Baiona e Nigrán contará coa presenza do noso guía Xosé Lois Vilar. O punto de encontro será o Porto de Baiona ás 22 h e, para participar hai que facer unha reserva de praza tal como se recolle nas bases destas xeiras (http://iem.gal/xeiras/calendario/1299-2016-07-01-16-53-04 ) e pode facerse no teléfono 986 36 05 75 dende 18:00 h a 21:00 h.

Nota: Nestas rutas marítimas a organización resérvase o dereito de anular a saída de non acadarse o mínimo de 100 viaxeiros.

 
Contos saharauís en galego PDF Imprimir Correo-e
Publicacións do IEM - Outras publicacións
Escrito por IEM -Sec   
Venres, 26 Agosto 2016 00:31

Mañá venres os nenos e nenas saharauís e as súas familias acolledoras serán recibidos no IEM para facer entrega duns agasallos, e presentar o conto saharauí gañador. Algúns destes nenos e nenas compartiron con nós os seus contos de tradición oral para traducilos á nosa lingua galega ( “Río de bágoas”, “ Hadala”, “ A manta da jaima”, “O paxariño da jaima e as tres nenas”, “ Os tres irmáns e o mendigo” ) Todos estes contos serán publicados na páxina web da Biblioteca Virtual da Asociación de Tradutores Galegos.

Dende o IEM queremos agradecer ás familias miñoranas este intercambio cultural e recibimos o seu exemplo solidario como un agasallo máis nestes tempos de crise, desexando que o próximo verán poidamos agrandar a colaboración destes nenos e nenas, que son a mellor semente dun futuro en paz.

 

O acto de presentación será na sede do IEM ás 18:30h.

a

c

b

 
Boletín de actividades IEM 2015-2016 PDF Imprimir Correo-e
Publicacións do IEM - Artigos
Escrito por IEM -Sec   
Venres, 21 Outubro 2016 23:26

 

 

https://issuu.com/marialemos/docs/bolet__n_actividades__iem-

 
Concerto de Son do Val na Santa Casa de Paz e Misericordia PDF Imprimir Correo-e
Axenda - Calendario
Escrito por IEM -Sec   
Luns, 05 Setembro 2016 00:28

O Instituto de Estudos Miñoráns (IEM) e a Santa Casa de Paz e Misericordia de Baiona organizan un concerto do grupo de corda e voz Son do Val na Capela da Misericordia o sábado 10 de setembro ás 20:00 horas, dando así continuidade ó proxecto de colaboración destas dúas entidades na programación de actos culturais.

son do val

 
Aínda quedan prazas para a 8ª Xeira Alén Miñor por Terras de Covelo. PDF Imprimir Correo-e
Xeiras - Calendario
Escrito por IEM -Sec   
Sábado, 19 Novembro 2016 01:16
Aínda quedan prazas para a 8ª Xeira Alén Miñor que terá lugar por Terras de Covelo o vindeiro sábado 3 de decembro. Animádevos a compartila.
A nova xeira alén Miñor ten un carácter sobranceiramente etnográfico, como é a relación do home cun animal que dende séculos lle proporciona un alimento extraordinario, a garantía de polinización de moitísimas especies vexetais e, neste caso que nos ocupa, luz para alumar os fogares e sobre todo unha relación co máis alá, coa espiritualidade e a devoción, grazas a un elemento fundamental que as abellas melíferas europeas (Apis mellifera L.), e especialmente as novas, de entre 10 e 20 días de vida, producen dentro das colmeas: A cera.
Ler máis...
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 6 de 260