Skip to content

IEM - Instituto de Estudos Miñoranos

Increase font size Decrease font size Default font size

Destacados

Acto de entrega do XI Premio de Poesía Victoriano Taibo. inicio tamén da I Semana poética Victoriano Taibo.

O Auditorio Lois Tobío acolle o acto de entrega do XI Premio de Poesía Victoriano Taibo

Desde este sábado, dá inicio tamén a I Semana poética Victoriano Taibo que enmarca a entrega do premio

 

Organizado polo Concello de Gondomar e o Instituto de Estudos Miñoráns.

E para achegarnos á data no ambiente poético propicio, o IEM inicia, este sábado día 10, a I Semana poética Victoriano Taibo, que encherá de versos a vila de Gondomar, unha festa poética que terá un fermoso ramo o día 17 coa entrega do premio desta décimo primeira edición a Laura Ramos Cuba.

I Semana poética Victoriano Taibo:

O sábado 10, ás 21:00 h. no Café Rañolas comeza esta celebración poética e será cun Slam poético, un recital aberto en que pode participar quen quixer co único requisito de que os textos que recite, dous, sexan de autoría propia e estean na nosa lingua. Cómpre tan só inscribirse previamente no correo electrónico do IEM (oficina@iem.gal). Un xurado escollido entre o público asistente seleccionará ao gañador ou gañadora da noite.

O luns día 12 a poesía tomará os balcóns e as fachadas de Gondomar, ondeando os seus versos en lonas que reproducirán, entre outros, poemas de autores premiados co Victoriano Taibo.

Nesa semana repartiranse tamén entre 14 establecementos hosteleiros manteis ilustrados con poemas.

E no medio da semana, nun lugar céntrico e frecuentado, podermos gozar dunha sorpresa poético-musical que non poderá ser máis anunciada para que, efectivamente, sexa unha sorpresa.

E así chegaremos ao sábado 17, data de entrega do XI Premio Victoriano Taibo.

A banda de gaitas Balcón do Miñor, de Morgadáns, amenizará o acto en que a autora recibirá o galardón da man do alcalde de Gondomar, Francisco Ferreira, e recitará algúns poemas da súa obra. No acto tamén intervirá o director do IEM, Xulián Maure. Á saída, no vestíbulo, estará agardando un albaroque de confraternización durante o cal a autora asinará libros para quen o desexe.

O premio está dotado con 3000€ e unha peza escultórica da autoría de Fino Lorenzo.

Está en:  Inicio
Skip to content
IEM - Instituto de Estudos Miñoranos
2º Premio Telearqueoloxía 2016: Equus ferus atlanticus PDF Imprimir Correo-e
Arqueoloxía - Novas
Escrito por IEM -Sec   
Sábado, 17 Decembro 2016 00:23

15591058_1156090894439944_5764443003477547655_o

Vénse de fallar o concurso de premios para vídeos de temática arqueolóxica promovido polo Museo de Pontevedra e baixo o patrocinio da Deputación de Pontevedra.

Nesta primeira edición concorreron ao premio un total de 49 curtas, 25 e 24 respectivamente, que participaron en dúas categorías: Lascas , para menores de 18 anos, e Bifaces para maiores.

O IEM participou na categoría Bifaces cunha curta que non podía sobrepasar os 15 minutos, e que titulou Equus ferus atlanticus, logrando o segundo premio da categoría, despois da curta titulada "Os restos do pasado: unha viaxe pola Lanzada", que se fixo co diploma e 3000€ de premio.

A curta do IEM, que foi presentada en colaboración con Arraianos producións e Zinemusic producciones, que se encargaron da parte técnica e do son do vídeo, logrou 2000 € de premio que serán compartidos polas asociacións que colaboraron na realización.

A curta é un resumo breve dun traballo que o equipo do IEM vén realizando sobre o estudo dos garranos da Serra da Groba e a súa representación gráfica nos gravados rupestres que se teñen atopado na nosa contorna e na bacía do río Miño, tanto na beira portuguesa como galega.

 

Ler máis...
 
Presentación da Toponimia de Camos "Os nomes de Camos: Do Outeiro dos enforcados ao Sampiaio" PDF Imprimir Correo-e
Toponimia - Artigos
Escrito por IEM -Sec   
Mércores, 29 Marzo 2017 19:54
Este sábado, 1 de abril ás 19:00h da tarde, no centro cultural de Camos " A Camoesa" terá lugar a presentación "Os nomes de Camos: Do Outeiro dos enforcados ao Sampiaio".

 

En caso de bo tempo, haberá unha saída dende o centro cultural con visita toponímica polo lugar das Pedras, A Bandeira e Muiño do Grilo ás 17:30 h.

jpg

 
Eduardo Méndez Quintas, arqueólogo e doutor en Evolución Humana no faladoiro " Pasado e presente no coñecemento das primeiras ocupacións humanas de Galicia", o venres 30 de xuño ás 20:30H. PDF Imprimir Correo-e
Arqueoloxía - Actividades
Escrito por IEM -Sec   
Domingo, 25 Xuño 2017 17:49
O Instituto de Estudos Miñoráns organiza o vindeiro venres 30 de xuño ás 20:30H o faladoiro "Pasado e presente no coñecemento das primeiras ocupacións humanas de Galicia" por Eduardo Méndez Quintas, arqueólogo e doutor en Evolución Humana e membro do IEM, que se desenvolverá na Aula de Cultura Ponte de Rosas, Avenida da Feira Nº 10 baixo, Gondomar.
eduardo

PASADO E PRESENTE NO COÑECEMENTO DAS PRIMEIRAS OCUPACIÓNS HUMANAS DE GALICIA

O coñecemento sobre o “cando” e o “como” da orixe do poboamento humano do que hoxe coñecemos como Galicia sufriu un forte retraso na investigación con respecto a outros períodos da nosa Prehistoria. É máis as escasas nocións que se tiñan sobre este período esbozaban unha imaxe de atraso e de conservadorismo anacrónico, que sustentaban o a decimonónica idea do “atraso secular e Galicia”. Na actualidade as investigacións desenvoltas en diferentes puntos de Galicia, nomeadamente na bacía do rio Miño permite ter unha idea totalmente diferente desta época.Estes traballos permítennos falar do intre no que os primeiros grupos humanos establécense na rexión fai algo máis de 300.000 anos. As mostras das actividades destes primeiros galegos as podemos observar en xacementos tan representativos como as Gándaras de Budiño, O Cabrón ou Porto Maior. En Porto Maior temos as primeiras mostras seguras de presenza humana en Galicia, datadas en cerca de 300.000 anos. Tamén atopamos un escenario de ocupación, caracterizado por unha grande acumulación de útiles, a cal non atopa paralelo estrito en todo o continente europeo. Gándaras de Budiño e O Cabrón nos falan dos últimos grupos que empregan unha forma de traballar a pedra que chegou de África miles de anos antes. Os humanos que habitaban estes dous xacementos son dos últimos exemplos das xentes que usaban esta tecnoloxía e xa son
Ler máis...
 
Félix Rodrigo Mora no faladoiro "A crise das megalópoles e o movemento da nova ruralidade" o venres 19 de maio ás 20:30h. PDF Imprimir Correo-e
Tertulias - Calendario
Escrito por IEM -Sec   
Mércores, 10 Maio 2017 19:45

flix r

O vindeiro venres, 19 de maio ás 20:30h, terá lugar o faladoiro "A crise das megalópoles e o movemento da nova ruralidade" por Félix Rodrigo Mora e presentado por César Lema.
Organizado pola Rede Galega de Sementes ( Val Miñor) coa colaboración do IEM, que se desenvolverá na Aula de Cultura Ponte de Rosas, Avenida da Feira Nº 10 baixo, Gondomar.

"Tras decenios dun crecemento patolóxico das grandes cidades agora asistimos á posta en evidencia da súa irracionalidade e disfuncionalidade. Se ata hai pouco eran a expresión mesmo do óptimo, fronte a unha ruralidade estigmatizada de mil maneiras, hoxe son consideradas pola maioría dos seus habitantes como un espazo cada día máis negativo para facer nel a vida. Moitos desexan abandonalas e unha minoría atrévese xa facelo. Todo iso constitúe un dos problemas máis palpitantes do noso tempo"

Félix Rodrigo Mora

Escritor, historiador, filósofo e político nado en Soria en 1951. Autodidacta e alleo ao mundo académico.

Estudoso crítico das formas de estado, os sistemas de goberno e investigador da sociedade rural popular e a natureza negativa do estado de benestar.

Autor de 23 libros relacionados coa historia, a política, a economía e a ética, entre eles: Pensar o 15M e outros textos, O xiro estatolátrico, Repudio experiencial do Estado de Benestar, Seis estudos sobre política, historia, tecnoloxía, universidade, ética e pedagoxía, Crise e utopía no século XXI. Natureza, ruralidade e civilización.

 
Charla- inauguración da exposición fotográfica “Donbass, a triste verdade” Xoves 8 de febreiro, ás 20:00 H. PDF Imprimir Correo-e
Sala exposicións - Sala Exposicions Marzo 2016 - Hoxe
Escrito por IEM -Sec   
Luns, 05 Febreiro 2018 03:01
img-20180203-wa0019
O vindeiro xoves 8 de febreiro, ás 20:00 H, o IEM acolle a charla- inauguración da exposición fotográfica "Donbass, a triste verdade", sobre a catástrofe humanitaria no Leste de Ucraína.
A exposición estará aberta ata o 9 de marzo e poderá visitarse todos os xoves e venres de 18H a 21H na sede do IEM, Avda. da Feira, 10 Baixo (Gondomar).
Organiza a exposición a asociación sen ánimo de lucro Blagoe Delo, dedicada a labores humanitarias para a poboación civil da rexións de Donbass en Ucraína.
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 7 de 260