Skip to content

IEM - Instituto de Estudos Miñoranos

Increase font size Decrease font size Default font size

Destacados

Convocatoria Asemblea Xeral Socios/as. Luns 25 de marzo.
Por medio da presente, convócase aos socios/as á Asemblea Xeral de Socios/as da asociación Instituto de Estudos Miñoráns con CIF: G-36867471 que se celebrará no lugar, data e hora abaixo indicados, segundo a orde do día que se especifica.

TIPO DE REUNIÓN: ASEMBLEA XERAL

DATA DA REUNIÓN: Luns 25 de marzo de 2019

HORA DA SESIÓN, 1ª convocatoria: 19:30 HORAS

HORA DA SESIÓN, 2ª convocatoria: 20:00 HORAS

LUGAR: Aula de Cultura Ponte de Rosas, sede do IEM, Avda. da Feira, 10 Baixo 36380 Gondomar.

ORDE DO DÍA:

1. Lectura e aprobación, se procede, da acta da reunión anterior, correspondente á Asemblea Xeral do 7 de febreiro de 2018.

2. Informe director.

3. Aprobación se procede das Contas anuais 2018 da asociación.

4. Informe actualizado do número de socios/as e altas no ano 2018.

5. Informe actualizado sobre as diferentes convocatorias de axudas solicitadas aos distintos organismos institucionais.

6. Presentación da Memoria de actividades 2018 da asociación.

7. Proxectos para o ano 2019.

8. Rogos e preguntas.

Informámoslles que están a súa disposición, no local do IEM, as actas nomeadas na orde do día para a súa aprobación e as contas do IEM.

Está en:  Inicio
Skip to content
IEM - Instituto de Estudos Miñoranos
Xeira Alén Miñor: tras os pasos do conde de Gondomar PDF Imprimir Correo-e
Xeiras - Calendario
Escrito por IEM   
Venres, 17 Abril 2015 22:25

1024px-Palacio_del_Conde_de_Gondomar_estado_actual

Comezamos unha nova etapa presentando unha actividade que esperamos sexa do agrado dos socios e amigos do IEM. Alén Miñor móstrase coma unha variante das exitosas "Xeiras", tentando combinar cultura e viaxe con espazos de convivencia. O responsable e coordinador desta nova actividade é Pablo Casal, membro do IEM. A primeira proposta cremos que ten unha compoñente moi especial, xa que está relacionada directamente coa historia de Gondomar e o Val Miñor. Renderemos homenaxe á figura do persoeiro máis relevante da bisbarra, Diego Sarmiento de Acuña, I Conde de Gondomar.

A súa sona traspasou as fronteiras do imperio dos Austrias, chegando a diversos lugares do continente, sobre todo como figura política e diplomática da época.  Era, ademais, un intelectual. Posuía unha cultura vasta, pouco usual para a época na que viviu, e como bibliófilo reuniu unha biblioteca persoal das más importantes do seu tempo. Nesta xeira visitaremos algúns dos lugares onde viviu, traballou e pasou parte da vida.

Ler máis...
 
O Escritor na súa Terra: Xosé María Álvarez Cáccamo. Vilaboa PDF Imprimir Correo-e
O IEM - Novas
Escrito por IEM   
Martes, 16 Xuño 2015 21:25

1434108200796LetraECaccamo-

O pasado sábado 6 de xuño tiveron lugar en Vilaboa os actos da homenaxe "O Escritor na súa Terra" que lle correspondeu este ano ao poliédrico Xosé Mª Álvarez Cáccamo, entre cuxas múltiples facetas destaca, sobranceiramente, a de poeta. A primeira parte destes actos desenvolveuse no parque público situado á beira do colexio de Riomaior, entre este centro e o peirao de Sta Cristina, mesmo a carón do mar de San Simón, onde un espírito sensible pode talvez esculcar nos átomos da airexa eferente os salaios da namorada de Mendiño. Parque público que, dende ese día, ostenta orgulloso o nome do poeta. Neste marco excepcional inaugurouse un monumento conmemorativo, unha espiral en pedra, ideado polo escultor Ánxel Huete como símbolo da poesía, esa poesía sempre igual e sempre diferente, pasando sempre polos mesmos lugares pero a distinta altura, sempre vella e sempre nova, efémera e eterna.

Ler máis...
 
Presentación de Contos Pequenos na Casa das Campás de Pontevedra PDF Imprimir Correo-e
Premio Victoriano Taibo - Artigos
Escrito por IEM -Sec   
Luns, 07 Novembro 2016 23:27

 

PRESENTACIÓN DE CONTOS PEQUENOS

O vindeiro xoves día 10 de novembro, ás 20:00 horas, organizado polo Ateneo, terá lugar na Casa das Campás de Pontevedra o acto de presentación do volume titulado Contos pequenos, un manuscrito inédito de Victoriano Taibo, consistente en oito contos, que o Instituto de Estudos Miñoráns acaba de sacar do prelo. No acto, presentado por Miguel Anxo Mouriño, participarán Xesús Alonso Montero, Camiño Noia Campos e Gonzalo Navaza Blanco, autores de senllos artigos que tratan diversos aspectos do texto.

p61110-203951

p61110-204229

Ler máis...
 
Continúa a mostra de teatro afeccionado do IEM no Auditorio Lois Tobío de Gondomar. PDF Imprimir Correo-e
Filoloxía e literatura - Artigos
Escrito por IEM   
Mércores, 18 Novembro 2015 22:36
bertorella
O elenco "O mellor de cada casa" de Oia porá en escena Picnic, unha comedia con textos de Fernando Arrabal. A obra dará comezo ás 21:30 horas deste venres 20 de novembrono Auditorio Municipal de Gondomar Lois Tobío.
Ler máis...
 
Semana 12-18 de febreiro. PDF Imprimir Correo-e
Escrito por IEM -Sec   
Domingo, 18 Febreiro 2018 23:11

IEM Proxecto EQUUS Laxe da Coutada Taboexa TVG A revista

Emisión do 15 de febreiro de 2018 no programa "A REVISTA" da TVG dando conta do achado dunha das mellores superficies gravadas da arte rupestre galega na LAXE DA COUTADA, en Taboexa, concello das Neves.

https://www.youtube.com/watch?v=TnXjQUkjBw0&t=3s

 

IEM: GALICIA 2017-2010. Ana Pontón (BNG) 16/02/18

As problemáticas do territorio. Lei de Montes e Lei de Fomento de Iniciativas Empresariais.

https://www.youtube.com/watch?v=fz9kt2mwA3A&t=54s

 

Xosé Lois Vilar (As Neves 17/02/2018)

Intervención de Xosé Lois Vilar Pedreira (IEM) na presentación do audiovisual "E VEU O LUME" no auditorio municipal de As Neves. Sábado 17 de febreiro de 2018

https://www.youtube.com/watch?v=AfELE3LMOAc&t=33s

 

Tino Baz (As Neves 17/02/2018)

Intervención de Tino Baz na presentación do audiovisual "E VEU O LUME" no auditorio municipal de As Neves.

https://www.youtube.com/watch?v=cPcQCmOo6n4&t=5s

 
<< Inicio < Anterior 61 62 63 64 65 66 67 68 69 70 Seguinte > Final >>

Páxina 70 de 264