Skip to content

IEM - Instituto de Estudos Miñoranos

Increase font size Decrease font size Default font size

Destacados

Presentación do documental “O lado escuro do carbón”. Venres 7 de decembro ás 20:30h na Aula de Cultura Ponte de Rosas. IEM -Gondomar

Día: venres 7 de decembro
Hora: 20:30h
Lugar: Aula de Cultura Ponte de Rosas. IEM -Gondomar

 

Presentado e realizado por Greenpeace.

O carbón deixa un escuro rastro tras de si. A súa queima en centrais térmicas como as de Meirama e As Pontes xera inxentes emisións de CO2, converténdoo no principal causante do cambio climático e de graves problemas sociais e de saúde.

O documental "O lado escuro do carbón" (Título orixinal: El lado oscuro del carbón) fai unha recompilación dos impactos da súa extracción e combustión en diferentes localizacións do Estado. As desgarradoras testemuñas de médicos, exmineiros, activistas e asociacións veciñais de zonas con centrais térmicas de carbón e zonas de extracción relatan todo o que agacha o carbón: destrución da contorna, contaminación, problemas sociais, doenzas graves... Estas voces, case que sempre ignoradas e silenciadas, son as protagonistas dunha loita chea de dificultades pero tamén de esperanza.

 

Está en:  Inicio
Skip to content
IEM - Instituto de Estudos Miñoranos
Xeira escolar ao petróglifo As Portaxes, no Monte Tetón. PDF Imprimir Correo-e
Proxectos pedagóxicos - Novas
Venres, 08 Xuño 2012 17:16

coles-tomino-as-portaxes


Máis de 70 alumnos de 6º dos colexios de Tomiño CEIP Pedro Caselles Beltrán, CEIP de Barrantes e CEIP de Tebra, visitaron o petróglifo "As Portaxes", no ecoparque Monte Tetón. Coa guía do arqueólogo Xosé Lois Vilar (IEM), os cativos contemplaron -moitos deles por primeira vez- a rocha con gravados de círculos concéntricos máis grande da arte rupestre coñecida. A visita fíxose no marco das xornadas "Por fin Turonia de 6º", organizada polos equipos docentes dos devanditos institutos de Tomiño.

Ler máis...
 
As Perseidas na noite das Bágoas de San Lourenzo. PDF Imprimir Correo-e
Ciencias Físico - Naturais - Documentos
Escrito por IEM   
Xoves, 09 Agosto 2012 20:18

observando-o-ceo

O vindeiro venres 10 de agosto terá lugar un dos fenómenos astronómicos que maior atención esperta a nivel popular e mediático: a choiva de meteoritos coñecida como As Perseidas. Para a tradición popular, trátanse das Bágoas de San Lourenzo, en relación ao martirio sufrido polo diácono Laurientius queimado nunha fogueira no ano 268 por orde do emperador romano Valeriano. O noso compañeiro Gustavo Sanromán, membro do IEM e da Agrupación Astronómica Rías Baixas, elaborou un material informativo que compartimos , cara a un maior goce e compresión deste acontecemento astronómico que viviremos xuntos na Xeira "Noite de estrelas e lobos" este venres 10 de agosto na Serra da Groba.

Ler máis...
 
Breve historia das "Bágoas de San Lourenzo" PDF Imprimir Correo-e
Xeografía e Historia - Novas
Escrito por IEM   
Xoves, 08 Agosto 2013 22:39
bagoas-de-san-lourenzo
Calquera afeccionado/a ouviu falar desta choiva de verán. As Perseidas son tamén coñecidas co nome de Bágoas de San Lourenzo, porque o 10 de agosto é o día deste santo. Na Idade Media e o Renacemento as Perseidas tiñan lugar a noite en que era lembrado, de tal maneira que se asociaron coas bágoas que verteu San Lourenzo ao ser queimado na fogueira, concretamente nunha grella.
Ler máis...
 
O antigo hospital de Sancti Spiritus de Baiona e a súa arquitectura barroca, por Xaime Garrido. PDF Imprimir Correo-e
Etnografía - Patrimonio material
Escrito por IEM   
Venres, 21 Setembro 2012 20:14

santi-h-1

Texto orixinal publicado na Revista Nº2 do IEM(ano 2002) da autoría do arquitecto Xaime Garrido.

A NOTICIA.

O correspondente de La Voz de Galicia, Vicente Montejano, dicía no seu xornal o 3 de xuño de 1979: "DEMOLIDO EL HOSPITAL DE BAYONA PARA HACER LA CASA DE LA CULTURA. Instituído en 1645, era uno de los monumentos bayoneses con más tradición. Experimentó sucesivas reformas en 1679, 1759 Y 1806 ... ". O mesmo correspondente, o 14 de agosto de 1979, co título "Con la demolición del Hospital de Caridad desaparece una pieza importante del patrimonio histórico baionés", esténdese en máis detalles tomados de Crónicas Históricas de la Villa de Bayona, de Herminio González Ramos. Ao confusionismo do seu relato histórico, súmanse os erros de impresión e, o que é peor, a procura nos titulares dun sensacionalismo que non se corresponde exactamente coa realidade posterior.

Ler máis...
 
O IEM restaura a lápida do represaliado descoñecido soterrado no cemiterio civil de Nigrán. PDF Imprimir Correo-e
Memoria histórica - Fosas de San Xian
Escrito por IEM   
Mércores, 06 Novembro 2013 23:18

Colaboradores-traballan-na-

Os restos do represaliado descoñecido exhumado en 2009 na fosa número 2 de San Xián descansan novamente no cemiterio civil de Nigrán. Grazas ó labor de colaboradores e voluntarios do Instituto de Estudos Miñoranos foi posible dignificar e restaurar a sepultura onde foi depositado no ano 2010, tras aparecer esta meses atrás, desfeita e en malas condicións .

Ler máis...
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 10 de 261