Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRA IEM-Nigrán (Ramallosa)- "San Pedro da Ramallosa. Monumentos, lendas e paisaxes." Luns 14 de agosto, ás 18:30 h.

O vindeiro luns 14 de agosto, gozaremos dunha nova xeira polo concello de Nigrán na parroquia da Ramallosa "San Pedro da Ramallosa. Monumentos, lendas e paisaxes.", dentro do programa das xeiras de verán 2017 do IEM, e coa colaboración do concello de Nigrán, que será guiada polo especialista Antonio Soliño Troncoso.

A xeira ten como punto de encontro a Capela de San Campio na Ramallosa ás 18:30h.

Enlace ao punto de encontro:

https://drive.google.com/open?id=1N-J6l4qswZsjkAPwG1WpUFat8b8&usp=sharing

AS XEIRAS DO IEM. VERÁN 2017
SAN PEDRO DA RAMALLOSA. MONUMENTOS, LENDAS E PAISAXES.

Guiada por
ANTONIO SOLIÑO TRONCOSO

A XEIRA. APROXIMACIÓN.
A parroquia de San Pedro da Ramallosa era coñecida no século XII como San Pedro de Filgueira, transformándose máis tarde en Filgueiras, denominación que segundo os libros parroquiais aínda mantiña a mediados do XVIII, antes de mudar para a actual. Durante o Antigo Réxime integrou o Partido de Val de Miñor polo que no político e gobernativo se debía ao Procurador Xeral do devandito Partido mentres que no contencioso estaba baixo xurisdición do Xuíz do reguengo de Baiona. Coa chegada dos concellos constitucionais San Pedro pasa a integrar o de Nigrán o 7 de decembro de 1836, ratificado mediante R.O. en febreiro do ano seguinte.
Esta xeira pretende complementar a que con final en Panxón realizou o IEM polos areais da parroquia o ano pasado. Aquela tivo como fío condutor o Rexionalismo arquitectónico e a repercusión que sobre algunhas das intervencións exerceron indianos nados nela. A presente, cunha motivación máis variada, atenderá a parámetros históricos, monumentais, paisaxísticos, etnográficos,... e rematará enlazando co tema da pretérita citada, o Rexionalismo e os indianos. Entre outras pezas comentaremos a capela e cruceiro de San Campio emprazadas a carón do esteiro do río Miñor; a medieval ponte da Ramallosa, unha das máis belas de Galicia; as distintas edificacións do pazo de Pías; a murada granxa da Robaleira, de século XVI; un tramo da antiga Estrada Real ao Val da Louriña; a parroquial de orixe románica e o cemiterio hixienista no que asentan monumentais panteóns; a primeira adega de viño espumoso do Val de Miñor; cruceiros do XVI e XVII; e arquitectura rexionalista construída por indianos en emprazamentos de privilexio. Tamén falaremos de encrucilladas e lendas, de persoeiros e algúns dos seus soños, de árbores senlleiras e paisaxes feridas. Todo durante as aproximadamente tres horas e cuarto que nos levará percorrer os cómodos catro quilómetros e medio de trazado previsto.

 

Está en:  Inicio
Skip to content
IEM - Instituto de Estudos Miñoranos
Colaboracións Literarias: “A bola” de Mª Goretti Fariña. PDF Imprimir Correo-e
Filoloxía e literatura - Artigos
Escrito por IEM   
Martes, 01 Outubro 2013 23:01

Mª Goretti Fariña tráenos hoxe o agasallo suculento do pan, no formato máis tradicional, a bola saborosa, bocado exquisito aínda que sexa sen compango, nin viño, nin friame; elixe, tamén, unha estrofa, os tercetos encadeados, que remontan a súa tradición ata o divino Dante, e amósasenos poboada de moi ilustres cultivadores en todos os tempos e lugares. E, para completar a adxectivación do seu poema, levar os alimentos á poesía é un feito que podemos rastrexar xa dende Homero e que se estende por todos os países e épocas, con exemplos egrexios como Baudelaire (viño), Gabriela Mistral (pan) ou Pablo Neruda (congro); no noso ámbito o poema de Goretti ten antecedentes non menos insignes; gústanos pensar esta bola formando equipo, e complementándose mutuamente, co xamón de Otero Pedrayo e o viño espadeiro de Cabanillas, e buscando, todos tres, o recuncho ledo dunha tasca e a compañía, tan tradicional, alegre e reconfortante, dos cantares tabernarios. Sexa benvida a bola de Fariña.

Preme aquí para descargar o texto

Preme aquí para ingresar ao índice das Colaboracións Literarias

 
Entrega do VII Premio de Poesía Victoriano Taibo – ELM de Morgadáns na Escola de Guillufe. PDF Imprimir Correo-e
Premio Victoriano Taibo - Artigos
Escrito por IEM   
Martes, 11 Novembro 2014 00:24

Cartel-taibo_2014entrega

Como todos os anos nestas datas temos o pracer de informar que celebraremos a VII entrega consecutiva do Premio de Poesía Victoriano Taibo  - Entidade Local de Morgadáns. Galardón que este ano correspondeu por decisión do xurado á escritora Lara Rozados Lorenzo pola obra O caderno amarelo. O acto, como sempre coordinado e deseñado coidadosamente polo noso compañeiro Miguel Anxo Mouriño, terá lugar como é tradición na Escola de Guillufe (onde exercera a docencia o mestre Victoriano Taibo), o vindeiro sábado 15 de novembro a partir das 19:30 horas.

Ler máis...
 
En defensa do Premio de Poesía Victoriano Taibo PDF Imprimir Correo-e
O IEM - destacados
Escrito por IEM   
Xoves, 03 Decembro 2015 22:25

Fino_VT

No ano 2007 o Instituto de Estudos Miñoranos decidiu que era tempo de recuperar a memoria do mestre galeguista, escritor, lingüista e académico Victoriano Taibo, inxustamente relegado a un recanto escuro do esquecemento. Como os vinte anos máis activos da súa vida transcorreron impartindo docencia en Morgadáns, acordamos confeccionar un anteproxecto de homenaxe e presentarllo ao presidente da Entidade Local menor da citada parroquia, Urbano Esmerode, cuxa sensibilidade percibiu inmediatamente a importancia da proposición e aceptou asumir o mecenado de todos os gastos inherentes á institución e mantemento do Premio de Poesía Victoriano Taibo, que levaría como apelido o engadido Entidade Local de Morgadáns. A principios do ano seguinte estivemos preparados para a convocatoria do I Premio, cuxa gala de entrega, en novembro de 2008, estivo arroupada por moitos outros actos nos que participaron un número  non pequeno de persoas vinculadas ao eido da cultura, ademais de moitísimos asistentes e espectadores; a presentación do poemario gañador estivo acompañada pola de de varios libros editados con motivo de tal evento: a reedición de Da Agra Aberta, contos e lendas, unha revista monográfica dedicada ao noso persoeiro e, nun só volume, a primeira publicación dos poemarios, ata aquel momento inéditos, Abicedo e Cabrinfollas, edición acometida pola editorial Follas Novas en edición ao coidado de Armando Requeixo. Un convenio asinado entre o IEM e a Entidade aseguraba a prórroga automática anual do compromiso se antes, cun mes de antelación, non era denunciado por ningunha das dúas partes. O Premio espertou, dende o primeiro momento, o interese dos poetas e da crítica, acadou sempre unha participación notable, comprendida entre os corenta e os cincuenta orixinais, e forneceu, ata o día de hoxe, o noso espazo cultural de nove importantes libros de poemas debidos á pluma e ao estro de dez poetas.

Ler máis...
 
TERTULIA do IEM e cea co músico Roi Casal PDF Imprimir Correo-e
O IEM - Novas
Escrito por IEM   
Luns, 02 Febreiro 2015 21:10

roi_casal

A música volve irromper nunha nova TERTULIA do IEM. Esta vez coa visita do exquisito músico e compositor Roi Casal. Fillo de Nando, "o gaiteiro" de Milladoiro, formou parte deste grupo durante 9 anos. Trala súa consagración como arpista da banda iniciou unha sonada carreira solista en 2009 que o está a levar por escenarios de medio mundo coa presentación de seus traballos discográficos. Para a presentación do acto contaremos coa grata intervención de Antón Seone, un dos fundadores de Milladoiro e habitual colaborador das nosas andainas. Será o este venres 6 de febreiro ás 20:30 horas, na Aula de Cultura Ponte de Rosas (Avenida da Feira Nº10, baixo, Gondomar).

Ler máis...
 
I ciclo de conferencias de arqueoloxía "Pedro Díaz". PDF Imprimir Correo-e
Arqueoloxía - Novas
Escrito por IEM   
Domingo, 11 Abril 2010 17:42

A sección de Xeografía, Historia, Arqueoloxía e Etnografía do Instituto de Estudos Miñoranos teñen organiza un Primeiro ciclo de conferencias sobre Arqueoloxía que leva o nome de Pedro Díaz.

Ler máis...
 
<< Inicio < Anterior 101 102 103 104 105 106 107 108 109 110 Seguinte > Final >>

Páxina 109 de 242