Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio
Skip to content
IEM - Instituto de Estudos Miñoranos
Máis de 150 persoas participaron na xeira nocturna polo Monte Tetón. PDF Imprimir Correo-e
Xeiras - Artigos
Sábado, 23 Xullo 2011 08:15

{youtube width="250" height="200"}yJwFTsj4Yl4{/youtube}

Máis de 150 persoas participaron da visita nocturna ao Eco Parque do Monte Tetón (concello de Tomiño) o pasado venres 22 de xullo . A Xeira comezou sobre as 22 horas na Casa do Consello de Tomiño cunha charla sobre arte Paleolítico a cargo de Eduardo Méndez, director da Sección Arqueolóxica do IEM. Sobre as 23 o grupo comezou a percorrida guiada polo propio Eduardo a través dos petróglifos do Tetón. Arte abstracta e figurativa, muíños fixos , coviñas, e outras figuras que compoñen un dos paneis de arte rupestre máis grande do sur galego foron amosadas e contextualizadas polo guía.

Ler máis...
 
Intervención de Xosé Lois Vilar durante a 2ª conferencia do ciclo "75 anos despois" PDF Imprimir Correo-e
Memoria histórica - Novas
Escrito por IEM   
Luns, 28 Novembro 2011 22:49

{youtube width="250" height="200"}iD7JYgm7pKc{/youtube}

Compartimos un anaco da intervención do historiador e arqueólogo Xosé Lois Vilar (IEM) durante a presentación do libro Loita de clases e represión franquista no mar (1864-1939) de Dionisio Pereira González.  Na mesma fai un breve e claro resumo dos fundamentos deste ciclo historiográfico 75 anos despois a desenvolverse polo IEM  e a Comisión Volta dos 9, neste mes de novembro na Capitanía Marítima de Baiona. O faladoiro céntrase nun resumo dos sucesos posteriores ao golpe de estado de 1936 no concello de Baiona, e nas actuais pescudas e traballos de exhumación desenvolvidos polo IEM.

 
TERTULIA do IEM con Miguelanxo Prado PDF Imprimir Correo-e
Tertulias - Calendario
Escrito por IEM   
Luns, 28 Xaneiro 2013 23:50

18213_I_Miguel-Anxel-Prado

Este venres, 1 de febreiro, TERTULIA do IEM con Migelanxo Prado, o coñecido creador vinculado á ilustración, os comics, a cinematográfía, así como a outros eidos da cultura. O convidado será
presentada polo debuxante e biólogo do CEMMA, Alfredo López (TOKIO).
Ler máis...
 
Vilvaldi, Mozart e Beethoven no Pazo do Conde de Gondomar. PDF Imprimir Correo-e
Ciclos conferencias e obradoiros - Artigos
Escrito por IEM   
Venres, 10 Agosto 2012 22:19

pazo-do-conde

Unha audición dirixida polo especialista Manuel López Benito congregará unha escolma de pezas creadas polos grandes mestres da música clásica no Patio de Armas do Pazo do Conde de Gondomar. A actividade organizada polo IEM en colaboración coa iniciativa Escenarios Musicales e o Concello de Gondomar, terá lugar este luns 13 de agosto ás 20.30. Entrada gratuíta.
Ler máis...
 
“Territorios Estraños”, de Ramón Sandoval Pérez gaña o VI Premio de Poesía Victoriano Taibo - Entidade Local de Morgadáns. PDF Imprimir Correo-e
Premio Victoriano Taibo - Artigos
Escrito por IEM   
Mércores, 18 Setembro 2013 23:53

VT-2013

O xurado do VI Premio de Poesía Victoriano - Entidade Local de Morgadáns acordou declarar gañador da convocatoria deste ano o poemario Territorios Estraños, do que é autor Ramón Sandoval.

O premio, dotado con 3000 €, escultura conmemorativa da autoría de Fino Lorenzo e publicación do libro polo Instituto de Estudos Miñoranos na colección Victoriano Taibo, será entregado no transcurso dun acto cultural que se celebrará na Escola de Guillufe de Morgadáns, sede do Premio, no mes de novembro.

Ler máis...
 
<< Inicio < Anterior 101 102 103 104 105 106 107 108 109 110 Seguinte > Final >>

Páxina 109 de 260