Skip to content

IEM - Instituto de Estudos Miñoranos

Increase font size Decrease font size Default font size

Destacados

IV Mostra de teatro afeccionado do Val Miñor e Oia. Dende o 12 de xaneiro ata o 2 de febreiro.

 

A partir do vindeiro sábado 12 de xaneiro o Auditorio Municipal Lois Tobío de Gondomar acollerá a IV Mostra de teatro afeccionado do Val Miñor e Oia.
Organizado polo Instituto de Estudos Miñoráns co apoio do Concello de Gondomar fomentarán e potenciarán a creatividade teatral e a representación neste mes de xaneiro que abre as portas a un ano de celebración dos 20 anos do IEM.
A programación constará dun total de oito pezas teatrais interpretadas por Vichelocrego, Tranghallada teatro, Bertorella, Pritis- Guomins, A Moura, Os cabalos rosas brincan no patín, O mellor de cada casa e Arredemo.
A entrada será gratuíta e para todos os públicos.

Programación

Sábado 12 de xaneiro- 19.30h
Jansel e Ponsel, representada por Tranghallada teatro de Nigrán.

Domingo 13 de xaneiro- 18.00h
Mamasiña que medo!, representada por Bertorella de Morgadáns.

Sábado 19 de xaneiro- 19.30h

Cóncavo-convexo, representada por Vichelocrego de Gondomar.

Domingo 20 de xaneiro- 18.00h

Rosa rosae, representada por Pritis- Guomins de Aula teatro Gondomar.

Sábado 26 de xaneiro- 19.30h
A revirada, representada por A Moura de Chaín.

Domingo 27 de xaneiro- 18.00h

Cousas da vida, representada por O mellor de cada casa de Viladesuso.

Sábado 2 de febreiro- 19.30h

O restaurante Farruco representada por Os cabalos rosas brincan no patín de Viladesuso.
Maruxas 3.0, representada por Arredemo de Gondomar.
Está en:  Inicio Conferencias e obradoiros
Skip to content
Venres 25 de xuño. Presentación de As colareiras do Grove de Patricia Arias Chachero e Antón Mascato PDF Imprimir Correo-e

Filoloxía e literatura - Artigos
Venres, 11 Xuño 2010 12:23
as_colareiras_do_grove

Venres 25 de xuño
Ás 20:30h. na Aula de Cultura Ponte de Rosas (Avda. da Feira, 10, baixo, Gondomar)
Presentación de As colareiras do Grove de Patricia Arias Chachero e Antón Mascato García
Interveñen: os autores, Miguel Muñiz (director da Editorial todogrove) e Serafín e Enrique Lorenzo propietario de Nacamar de Sabarís

As Colareiras do Grove: Pese á fonda tradición que este oficio ten na vila do Grove, son moi escasas as publicacións que fan referencia á labor que durante moitas décadas desenvolveron as colareiras na Illa da Toxa creando xoias coas cunchas que a marea abandona nos areais. Neste rigoroso traballo de investigación que se completa cunha valiosa escolma de fotografías dos últimos cen anos, Patricia Arias e Antón Mascato presentan unha visión poliédrica deste oficio, remóntanse ao pouco que se sabe das súas orixes e afondan nas transformacións que esta profesión moitas veces invisible foi sufrindo ata o día de hoxe.

Patricia Arias Chachero: Fixo estudos de Filoloxía galego-portuguesa. Foi bolseira na Fundación Otero Pedrayo. Exerce como profesora de Lingua e literatura galega. Actualmente é membro dos consellos de redacción da revista de pensamento feminista Andaina e de Longalingua, revista de lingua e sociedade. En ambas publicacións colabora con asiduidade. Xunto con Mónica Pazos Martínez preparou a edición dos dous tomos de Cartas á nai de Ramón Otero Pedrayo (Galaxia, 2007), nese mesmo ano editou unha Antoloxía comentada, centrada na vida e na obra da poeta María Mariño (Galaxia, 2007). Coautora do libro Lingua Galega e Literatura de 1º Bacharelato (Galaxia 2008) e de 2º de Bacharelato (Galaxia, 2009). Foi a coordinadora da edición do libro Mecas. A memoria das mulleres (IES As Bizocas, 2009), realizado polas alumnas e alumnos do IES As Bizocas de San Vicente do Grove, centro no que traballa.

Antón Mascato García: Estudou Filoloxía galego-portuguesa. Traballa no sector editorial, onde dirixe unha empresa, ademais ten exercido cargos directivos na Asociación Galega de Editores e na Federación de Gremios de Editores de España. Actualmente é membro da Comisión do Arquivo Sonoro do Consello da Cultura Galega, da xunta Directiva do Instituto de Estudos Miñoranos. É concelleiro de Cultura/Patrimonio histórico e Normalización lingüística no Grove. Ten publicadas as obras Paco del Riego. Unha historia de restauración cultural de Galicia (Cumio, 2005) e A Ruta do Mar de Arousa (Cumio, 2004). Xunto con Isaac Díaz Pardo e Vitor Freixanes foi co-director de Proxecto Século XXI no que foron publicadas obras de referencia como a Diciopedia, ou o Dicionario da Lingua Galega, entre outras das que tamén foi redactor. Participou como co-autor na edición da obra Laxeiro. Catálogo Universal (NovaGalicia, 2009) promovido pola Fundación Laxeiro.