Skip to content

IEM - Instituto de Estudos Miñoranos

Increase font size Decrease font size Default font size

Destacados

O IEM e o Concello de Gondomar homenaxean a María Victoria Moreno.

O acto terá lugar na Paradela, na praza Latino Salgueiro de Gondomar, e comezará ás 19:30 horas

Este 17 de maio, Día das Letras Galegas, o Instituto de Estudos Miñoráns, IEM, e o concello de Gondomar, a través da concellaría de Cultura, celebrarán as Letras galegas cunha homenaxe á escritora María Victoria Moreno, a quen se lle dedica a data este ano.

Os escritores Iria Misa e Miguel Anxo Mouriño lerán fragmentos da obra desta profesora estremeña que namorou da lingua galega e dedicou a súa vida a escribir en galego, especialmente para os máis novos e novas. Ese lectorado tan presente para María Victoria Moreno estará representado neste acto por alumnado do CEIP Neira Vilas e IES plurilingüe Terra de Turonio, que lerán fragmentos de Eu conto, ti cantas.

Acompañando á palabra recitada estará o grupo musical Xardín desordenado que interpretará pezas do seu último traballo, "A vitoria da luz", baseado en textos de María Victoria Moreno e pechará o acto. Tamén, durante todo o acto a pintora Irene Silva realizará un mural en directo.

Palabra, música, pintura únense así para festexar a nosa lingua, esta que tanto amou María Victoria Moreno, quen non dubidou en utilizala no ensino ou en dar aulas de lingua alí onde for requirida en tempos da ditadura franquista. Os seus versos, os seus relatos en que os animais teñen un papel principal, o seu amor pola lingua son o legado que nos deixa unha estremeña que un día namorou deste noso país.

Está en:  Inicio Conferencias e obradoiros Artigos Primeira actividade con motivo do Centenario de Cunqueiro
Skip to content
Primeira actividade con motivo do Centenario de Cunqueiro PDF Imprimir Correo-e

Ciclos conferencias e obradoiros - Artigos
Escrito por IEM   
Martes, 13 Setembro 2011 21:42
cunqueiro-iem

O Instituto de Estudos Miñoranos (IEM) en colaboración coa Vicerreitoría de Extensión Cultual da Universidade de Vigo e o Concello de Gondomar organizan unha serie de actividades en conmemoración do Centenario do nacemento de Álvaro Cunqueiro.  A primeira delas terá lugar o venres 16 de setembro no Auditorio Municipal Lois Tobío de Gondomar, ás 20:30h. e contará coa presenza de importantes figuras da poesía e da música, así como da representación dunha obra teatral.


Programa
• Recital poético de textos de Álvaro Cunqueiro a cargo da poeta Marta Dacosta e da escritora e especialista na obra de Cunqueiro Rexina Vega, ambas veciñas de Gondomar.
• Un concerto musical baseado en textos de Cunqueiro a cargo do músico e especialista en Cunqueiro, César Morán (guitarra acústica e piano) que estará acompañado polo contrabaixo de Alfonso Morán.
• Representación do prólogo do Incerto señor don Hamlet a cargo do grupo baionés "Non si? Teatro" que dirixe Mónica Sueiro.
Estas actividades son a achega que dende o Val Miñor se fai ás celebracións do Centenario de Cunqueiro impulsadas por distintas institucións culturais e educativas e terá continuidade o venres 23 de setembro coa presentación dun vido sobre Álvaro Cunqueiro dirixido polo profesor da U. Vigo Manuel Forcadela.