Skip to content

IEM - Instituto de Estudos Miñoranos

Increase font size Decrease font size Default font size

Destacados

O IEM e o Concello de Gondomar homenaxean a María Victoria Moreno.

O acto terá lugar na Paradela, na praza Latino Salgueiro de Gondomar, e comezará ás 19:30 horas

Este 17 de maio, Día das Letras Galegas, o Instituto de Estudos Miñoráns, IEM, e o concello de Gondomar, a través da concellaría de Cultura, celebrarán as Letras galegas cunha homenaxe á escritora María Victoria Moreno, a quen se lle dedica a data este ano.

Os escritores Iria Misa e Miguel Anxo Mouriño lerán fragmentos da obra desta profesora estremeña que namorou da lingua galega e dedicou a súa vida a escribir en galego, especialmente para os máis novos e novas. Ese lectorado tan presente para María Victoria Moreno estará representado neste acto por alumnado do CEIP Neira Vilas e IES plurilingüe Terra de Turonio, que lerán fragmentos de Eu conto, ti cantas.

Acompañando á palabra recitada estará o grupo musical Xardín desordenado que interpretará pezas do seu último traballo, "A vitoria da luz", baseado en textos de María Victoria Moreno e pechará o acto. Tamén, durante todo o acto a pintora Irene Silva realizará un mural en directo.

Palabra, música, pintura únense así para festexar a nosa lingua, esta que tanto amou María Victoria Moreno, quen non dubidou en utilizala no ensino ou en dar aulas de lingua alí onde for requirida en tempos da ditadura franquista. Os seus versos, os seus relatos en que os animais teñen un papel principal, o seu amor pola lingua son o legado que nos deixa unha estremeña que un día namorou deste noso país.

Está en:  Inicio Conferencias e obradoiros Artigos Resumo do faladoiro "Orde e limpeza 5S", dirixida polo Enxeñeiro Industrial Jesús Fernández Alonso.
Skip to content
Resumo do faladoiro "Orde e limpeza 5S", dirixida polo Enxeñeiro Industrial Jesús Fernández Alonso. PDF Imprimir Correo-e

Ciclos conferencias e obradoiros - Artigos
Escrito por IEM   
Martes, 14 Febreiro 2012 01:56
jesusealejo
Download this file (Entrega.pdf)
Download this file (Resumen.pdf)
  • Anterior
  • 1 of 3
  • Seguinte

Achegamos a ficha cun resumo da  conferencia "Orde e limpeza "5S", dirixida polo Enxeñeiro Industrial  Jesús Fernández Alonso, o pasado  xoves 9 de febreiro, na Aula de Cultura Ponte de Rosas. Este foi o segundo faladoiro que Jesús Fernández dirixiu no IEM, co obxecto de divulgar as ferramentas de xestión empresarial do método LEAN MANUFACTURING. A charla contou coa participación de Miguel Ángel Alejos Castro, Vicepresidente da Asociación de Empresarios do Val Miñor.

Orde e Limpeza “5S” é unha das ferramentas mais básicas e fundamentais do  LEAN MANUFACTURING. Consta de 5 etapas que en xaponés empezan pola letra “S”. Iniciouse en TOYOTA nos anos 60 co obxectivo de lograr lugares de traballo mellor organizados, mais ordenados e limpos para obter unha maior produtividade e un mellor entorno laboral. As 5S teñen unha ampla difusión e son numerosas as organizacións de diversa índole que o implantaron. É aplicable a empresas industriais, de servizos, hospitais, centros de ensino, asociacións, …

Jesús Fernández Alonso, natural e veciño de Gondomar,  é Enxeñeiro Industrial e realizou a especialidade en organización industrial. É tamén Técnico Superior en Riscos Laborais, especialidade de Seguridade no traballo, Hixiene Industrial, Ergonomía e Psicosocioloxía Aplicada. Realizou tamén cursos  de  Loxística e é especialista en Lean Manufacturing, tema sobre o que hai uns meses pronunciou unha conferencia

Realizou traballos para diversas empresas da área de Vigo e do Miñor e dende 2005 e responsable de produción e calidade de Figueiró Forjados (Nigrán). Ten publicado artigos na revista do Colexio de Enxeñeiros.

 

Attachments:
Conferencia completa[ ]1081 Kb
Resumo Orde e limpeza 5S[ ]4 Kb