Skip to content

IEM - Instituto de Estudos Miñoranos

Increase font size Decrease font size Default font size

Destacados

XV XEIRA ALÉN MIÑOR CERDEDO - MONTE SEIXO (5 de maio de 2018)

Percorreremos, guiados pola sensata palabra colmada de sentimento de Calros Solla, o Monte Do Seixo, mítico cimeiro da Terra de Montes, biqueira da Serra do Cando. Cos seus picoutos, encostas e bosques, con vistas maravillosas (cando o vento norte limpa de nubes o horizonte) á Ría de Pontevedra,os concellos veciños de A Lama, Beariz e Forcarei.

Unha serra parcialmente esnaquizada por un parque eólico no ano 2000, pero que todavía conserva unha forte pegada etnográfica, con moitísimas lendas e referencias prehistóricas, castrexas e de sabedoría tradicional. Esta montaña máxica que para os devanceiros era un medio de comunicación coas deidades celestes atesoura un abraiante patrimonio material, natural e inmaterial: túmulos, vereas, marcos, pedrafitas, milladoiros, foxos, neveiros, afloramentos graníticos de caprichosa feitura. A natureza exprésase nas mandas de garranos e de vacas que campan pola serra tendo conta das súas vidas cando o lobo llo permite. O vento mareiro deloura cornos e crinas nos piricotos orientados cara ó mar.

 

Está en:  Inicio Conferencias e obradoiros Artigos Xornada de estudo e reflexión sobre a enerxía eólica convocada pola Plataforma en Defensa do Galiñeiro.
Skip to content
Xornada de estudo e reflexión sobre a enerxía eólica convocada pola Plataforma en Defensa do Galiñeiro. PDF Imprimir Correo-e

Ciclos conferencias e obradoiros - Artigos
Escrito por IEM   
Mércores, 22 Febreiro 2012 00:19
Mesa-redonda-galineiro-iem

A Plataforma pola Defensa da Serra do Galiñeiro convoca para este sábado 25 de febreiro a unha XORNADA DE ESTUDO E REFLEXIÓN SOBRE A ENERXÍA EÓLICA. O encontro terá lugar no Auditorio Municipal do Areal (Antigo Reitorado), na Rúa Areal nº 46, en Vigo. De 17 a 20 horas desenvolveranse unha serie de palestras para dende as 20 ás 21 horas pasar a unha mesa redonda coa participación dos asistentes.
No evento unha serie de expertos disertaran sobre os beneficios económicos da enerxía eólica, a avaliación do impacto ambiental desta enerxía e a implantación da enerxía eólica en Galicia. Farase unha comparativa co caso da Comunidade Valenciana para posteriormente e xa en mesa redonda confrontar a explotación eólica por empresas multinacionais coa explotación da enerxía eólica como enerxía alternativa fronte aos combustibles actuais non renovables.
RELATORES:
-Charla: EMILIO MENÉNDEZ. Universidade Autónoma e Politécnica de Madrid. – ENERXÍA EÖLICA EAVALIACIÓN DE IMPACTO AMBIENTAL.
-Charla: DAMIÁN COPENA. Grupo de Investigación en Economía Ecolóxica e Agroecoloxía (GIEEA) da Universidade de Vigo - A ECONOMÍA DA ENERXÍA EÓLICA E SOBRE A GUÍA PARA PROPIETARIOS DE TERREOS AFECTADOS POR PARQUES EÓLICOS.
-Charla: XOSÉ VEIRAS. Verdegaia - A IMPLANTACIÓN DA ENERXÍA EÓLICA EN GALICIA.
-Charla: MARIANO TOMÁS. Activista do movemento "Contra parques eólicos de Valencia" – A LOITA VALENCIANA CONTRA PROXECTOS DE ENERXÍA EÓLICA.
-Charla: IVÁN NOVOA. Técnico instalador de enerxías renovables –EÓLICOS DE PEQUENA POTENCIA E USOS COMPLEMENTARIOS DOS RECURSOS ENERXÉTICOS.
-Charla: PAULA VIDAL. Amigos da Terra - A EXPERIENCIA DO CENTRO DE EDUCACIÓN AMBIENTAL "AS CORCERIZAS".