Skip to content

IEM - Instituto de Estudos Miñoranos

Increase font size Decrease font size Default font size

Destacados

Acto de entrega do XI Premio de Poesía Victoriano Taibo. inicio tamén da I Semana poética Victoriano Taibo.

O Auditorio Lois Tobío acolle o acto de entrega do XI Premio de Poesía Victoriano Taibo

Desde este sábado, dá inicio tamén a I Semana poética Victoriano Taibo que enmarca a entrega do premio

 

Organizado polo Concello de Gondomar e o Instituto de Estudos Miñoráns.

E para achegarnos á data no ambiente poético propicio, o IEM inicia, este sábado día 10, a I Semana poética Victoriano Taibo, que encherá de versos a vila de Gondomar, unha festa poética que terá un fermoso ramo o día 17 coa entrega do premio desta décimo primeira edición a Laura Ramos Cuba.

I Semana poética Victoriano Taibo:

O sábado 10, ás 21:00 h. no Café Rañolas comeza esta celebración poética e será cun Slam poético, un recital aberto en que pode participar quen quixer co único requisito de que os textos que recite, dous, sexan de autoría propia e estean na nosa lingua. Cómpre tan só inscribirse previamente no correo electrónico do IEM (oficina@iem.gal). Un xurado escollido entre o público asistente seleccionará ao gañador ou gañadora da noite.

O luns día 12 a poesía tomará os balcóns e as fachadas de Gondomar, ondeando os seus versos en lonas que reproducirán, entre outros, poemas de autores premiados co Victoriano Taibo.

Nesa semana repartiranse tamén entre 14 establecementos hosteleiros manteis ilustrados con poemas.

E no medio da semana, nun lugar céntrico e frecuentado, podermos gozar dunha sorpresa poético-musical que non poderá ser máis anunciada para que, efectivamente, sexa unha sorpresa.

E así chegaremos ao sábado 17, data de entrega do XI Premio Victoriano Taibo.

A banda de gaitas Balcón do Miñor, de Morgadáns, amenizará o acto en que a autora recibirá o galardón da man do alcalde de Gondomar, Francisco Ferreira, e recitará algúns poemas da súa obra. No acto tamén intervirá o director do IEM, Xulián Maure. Á saída, no vestíbulo, estará agardando un albaroque de confraternización durante o cal a autora asinará libros para quen o desexe.

O premio está dotado con 3000€ e unha peza escultórica da autoría de Fino Lorenzo.

Está en:  Inicio Conferencias e obradoiros Artigos Presentación da nova editorial Contos Estraños.
Skip to content
Presentación da nova editorial Contos Estraños. PDF Imprimir Correo-e

Ciclos conferencias e obradoiros - Artigos
Escrito por IEM   
Martes, 17 Abril 2012 21:59
Fernando Cimadevila e Tomás González
urco
  • Anterior
  • 1 of 2
  • Seguinte

O Instituto de Estudos Miñoranos ten o pracer de convidarvos á conferencia de presentación da nova editorial Contos Estraños que terá lugar na nosa sede (Avda da Feira 10, baixo, Gondomar) o próximo xoves, 19 de abril, ás 20:30 horas.

 

 

O seus promotores Tomás González Ahola e Fernando M. Cimadevila teñen moitas cousas en común; ambos os dous son mozos con inquietudes culturais, ambos os dous son músicos, ambos os dous son escritores, ambos os dous son editores e ambos os dous se senten engaiolados polas literaturas “distintas”. Por iso coincidiron nun tempo recente nun proxecto musical e por iso coinciden agora nun proxecto editorial atraente e ambicioso. Despois de que Tomás puxese en marcha Urco Editora, un proxecto valente e atrevido, tanto como interesante e necesario para encher un baleiro no sistema literario galego, decidiron, xuntos, pór a andar a editorial Contos Estraños inspirada na revista “pulp” americana do mesmo nome (Weird Tales) de grande éxito na primeira metade do século pasado. Empresarios, pois, novos, valentes, galegos e galeguistas que van compartir con nós parte das súas inquedanzas.

Podedes ver un artigo publicado en El País sobre os nosos invitados e os seus proxectos: http://www.box.com/s/6bfe90a710de1b0059f1.

Os convidados serán presentados polo director da Sección de Filoloxía e Literatura do IEM, Miguel Anxo Mouriño.