Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio Conferencias e obradoiros Artigos Presentación da novela "Dark Butterfly", de Rexina Vega na Aula de Cultura Ponte de Rosas.
Skip to content
Presentación da novela "Dark Butterfly", de Rexina Vega na Aula de Cultura Ponte de Rosas. PDF Imprimir Correo-e

Ciclos conferencias e obradoiros - Artigos
Escrito por IEM   
Luns, 28 Maio 2012 20:16
DSC03241-Custom
dark1
  • Anterior
  • 1 of 2
  • Seguinte

A Aula de Cultura Ponte de Rosas acollerá presentación do libro Dark Butterfly, do que é autora a profesora, escritora e crítica Rexina Vega, membro activo da nosa asociación. O acto terá lugar na sede do IEM, av. da Feira, 10, baixo, o vindeiro xoves 31 de maio ás 20:30 horas.

Esta obra, cun título metafórico que, ademais, reproduce a lingua estraña que a protagonista adopta para tratar de evadirse da realidade ingrata, augur dunha terrible derrota, supón un testemuño excepcional (a causa dunha historia familiar semellante á narrada literariamente), documentado e estremecedor que se apodera do lector e faino participar na amarga loita contra o inferno da esquizofrenia. A introdución do acto correrá a cargo de Carlos Méixome, mentres a presentación propiamente dita correspóndelle á autora apoiada por Begoña Outeiro, Lucía Riveiros,
Paz Raña Lama, Iolanda Zúñiga, Marta da Costa e Rafael Álvarez, xerente
da Asociación Avelaíña do Val  Miñor, formulada como unha intervención artística con breves parlamentos sobre a novela. Proxectarase, tamén, un vídeo feito por Manuel Forcadela na Asociación Velaíña.

A noticia do nacemento da novela apareceu en diferentes medios (por exemplo en El País) e mereceu excelentes críticas, entre as que podedes consultar a de Francisco Martínez Bouza e a de Armando Requeixo.