Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio Conferencias e obradoiros Artigos
Skip to content
Artigos
Divulgación dos vídeos e materiais do curso da UIMP-IEM “A Explotación Multifuncional do Monte”. PDF Imprimir Correo-e
Ciclos conferencias e obradoiros - Artigos
Escrito por IEM   
Mércores, 11 Decembro 2013 14:19

plantacion-couso

Con motivo da celebración do curso de verán da Universidade Internacional Menéndez Pelayo no IEM tivemos a posibilidade de compartir tres xornadas de intercambio relativas ao desenvolvemento rural, nomeadamente co traballo e a explotación dos montes comunais do país. Universidades, centros de investigación forestal e agrónoma, distritos forestais e comunidades de montes foron as protagonistas desta actividade que agora achegamos a través dos vídeos das conferencias así como diversos materiais que os autores das mesmas deixaron como apoio divulgativo.

Ler máis...
 
Respirando a Álvaro Cunqueiro a través da súa obra. PDF Imprimir Correo-e
Ciclos conferencias e obradoiros - Artigos
Escrito por IEM   
Xoves, 21 Marzo 2013 00:37

ani_cesar

A grande obra de Álvaro Cunqueiro espallada en diversas revistas, xornais e outras publicación estará dispoñible na súa  case totalidade nos próximos anos, informounos César Cunqueiro, durante o coloquio titulado “Álvaro Cunqueiro e a metafísica do instante”. Unha achega que se constituirá como un gran diario persoal do autor, ademais de fornecer a biblioteca dos seguidores do escritor de Mondoñedo, dos seus estudosos e críticos.

Ler máis...
 
Charla explicativa do funcionamento das antigas minas de ouro con Brais Xosé Currás Refoxos. PDF Imprimir Correo-e
Ciclos conferencias e obradoiros - Artigos
Escrito por IEM   
Mércores, 26 Decembro 2012 23:19

brais_xose_curras

O vindeiro venres 28 de decembro visitarannos Brais Xosé Currás Refoxos (licenciado en Xeografía e Historia pola USC)co xeito de ofrecer unha charla sobre o funcionamento das antigas explotacións mineiras a ceo aberto. Nomeadamente, Currás falará co equipo de investigadores do IEM sobre as características das minas de ouro espalladas na serra da Groba as que se están a pescudar co motivo do noso proxecto "Serra da Groba, Serra do Ouro" a desenvolver no 2013. O coloquio terá lugar ás 12 horas na Aula de Cultura Ponte de Rosas (Avenida da Feira Nº10, baixo, Gondomar) e poderán participar tódalas persoas interesadas no tema.
Ler máis...
 
Xornada Micolóxica na Casa Veciñal de Couso PDF Imprimir Correo-e
Ciclos conferencias e obradoiros - Artigos
Escrito por IEM   
Xoves, 22 Novembro 2012 00:57

cogomelos-couso

A Comunidade de Montes de Couso -coa que o IEM ten asinado un convenio de colaboración- organiza este vindeiro sábado 24 de novembro unha Xornada Micolóxica . A mesma comezará ás 11 hora na casa veciñal, cun faladoiro que dará conta do proxecto de micorrización de especies autóctonas que se está a desenvolver na parroquia de Couso por parte da Comunidade. Posteriormente, un grupo de expertos fará un percorrido pola zona co público asistente, onde se explicarán as diversas especies de cogomelos que habitan o monte. A xornada é de libre acceso.
 
Faladoiro de Lean Manufacturing: Cambio de utillaxe "Setups", a cargo do enxeñeiro Jesús Fernández. PDF Imprimir Correo-e
Ciclos conferencias e obradoiros - Artigos
Escrito por IEM   
Martes, 20 Novembro 2012 20:09

jesus

En tempo de "vacas fracas" optimizar os nosos recursos no traballo, a empresa, os estudos e ata a propia vida doméstica son de abondo importantes. Unha vez máis o enxeñeiro industrial, Jesús Fernández Alonso (IEM), especialista no método Lean Manufacturing brindará un faladoiro co xeito de nos axudar nese obxectivo. O tema estará centrado no módulo Cambio de utillaxe "Setups", unha ferramenta para axilizar e facer máis efectivo o noso labor en tempos de cambio. A conferencia terá lugar na Aula de Cultura Ponte de Rosas o vindeiro venres 23 de novembro ás 20:30 horas e contará cunha presentación-introdución a cargo de Xosé Antonio Vilán Vilán, Vicerreitor de Transferencia do Coñecemento da Universidade de Vigo.
Ler máis...
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 6 de 27