Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio Etnografía Calendario
Skip to content
Calendario


Nova TERTULIA do IEM: Mesa sobre Agricultura Ecolóxica. PDF Imprimir Correo-e
Tertulias - Calendario
Escrito por IEM   
Mércores, 27 Febreiro 2013 00:33

agricultura_ecologica

César Lema (biólogo especializado en agricultura e permacultura) e Roberto Álvarez (Facenda O Agro) analizarán a realidade da agricultura ecolóxica así como as súas perspectivas no que será o quinto faladoiro das TERTULIAS do IEM da tempada 2012-2013. O acto terá lugar este venres 1 de marzo ás 20:30 horas na Aula de Cultura Ponte de Rosas (Avda. da Feira Nº10, baixo, Gondomar). Os convidados serán presentados por Xosé Ramón García, membro da Xunta de Goberno do IEM.
Ler máis...
 
TERTULIA do IEM con Miguelanxo Prado PDF Imprimir Correo-e
Tertulias - Calendario
Escrito por IEM   
Luns, 28 Xaneiro 2013 23:50

18213_I_Miguel-Anxel-Prado

Este venres, 1 de febreiro, TERTULIA do IEM con Migelanxo Prado, o coñecido creador vinculado á ilustración, os comics, a cinematográfía, así como a outros eidos da cultura. O convidado será
presentada polo debuxante e biólogo do CEMMA, Alfredo López (TOKIO).
Ler máis...
 
Faladoiro sobre "A Mediación Familiar", coa profesora Esther González Pillado nas TERTULIAS do IEM. PDF Imprimir Correo-e
Tertulias - Calendario
Escrito por IEM   
Luns, 07 Xaneiro 2013 23:21

esther_gonzalez_pillado

Este venres, 11 de xaneiro, TERTULIA do IEM coa catedrática de Dereito Procesual da Universidade de Vigo, Esther González Pillado, encargada do recentemente creado Servizo de mediación familiar en Vigo. O faladoiro terá xustamente por título "A Mediación Familiar". A profesora Esther González Pillado será presentada polo avogado e veciño de Morgadáns, Xaime Luxilde.
Ler máis...
 
A realidade e as perspectivas do sector do viño centrará a segunda TERTULIA do IEM da tempada 2012-2013. PDF Imprimir Correo-e
Tertulias - Calendario
Escrito por IEM   
Martes, 11 Decembro 2012 20:34

tertulia_adegas

José Evaristo Rodríguez López (Adegas Moure), Arsenio Paz (Bodegas Vilerma)  e Xosé María Fonseca Moretón (Terras Gaudas) analizarán a realidade do sector vitivinícola así como as súas perspectivas no que será o segundo faladoiro das TERTULIAS do IEM da tempada 2012-2013. O acto terá lugar este venres 14 de decembro ás 20:30 horas na Aula de Cultura Ponte de Rosas (Avda. da Feira Nº10, baixo, Gondomar). Os convidados serán presentados por Antonio Soliño Troncoso, membro da Xunta de Goberno do IEM.
Ler máis...
 
O medallista olímpico Francisco Javier Gómez Noya abre a 11ª tempada das TERTULIAS do IEM. PDF Imprimir Correo-e
Tertulias - Calendario
Escrito por IEM   
Mércores, 07 Novembro 2012 00:01

paco-villanueva-gomez-noia

Francisco Javier Gómez Noya, medalla de prata nos Xogos Olímpicos de Londres 2012, abrirá a nova tempada das TERTULIAS do IEM, o vindeiro venres 9 de novembro. O faladoiro comezará ás 20:30 horas na Aula de Cultura Ponte de Rosas. Na oportunidade estará acompañado por Francisco Villanueva González, presidente da Federación Galega de Triatlón. Os convidados serán presentados por Marta Souto, do Servizo de Normalización do Concello de Vigo e ex Directora Xeral de Deportes.
Ler máis...
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 5 de 11