Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Filoloxía e literatura Artigos O Auditorio Lois Tobío acolleu o primeiro acto-homenaxe do Val Miñor ao Centenario de Álvaro Cunqueiro.
Skip to content
O Auditorio Lois Tobío acolleu o primeiro acto-homenaxe do Val Miñor ao Centenario de Álvaro Cunqueiro. PDF Imprimir Correo-e

Filoloxía e literatura - Artigos
Escrito por IEM   
Luns, 19 Setembro 2011 22:08
homenaxe-cunqueiro

Á tardiña, Rexina Vega, a súa filla Sara Salceda e mais Marta Dacosta poñían voz a unha escolma de poemas de Álvaro Cunqueiro. Así comezaba o acto - homenaxe celebrado no Auditorio Lois Tobío, na Vila de Gondomar, o pasado venres 16 de setembro, organizado polo IEM en colaboración coa Vicerreitoría de Extensión Cultural da Universidade de Vigo e o Concello de Gondomar. O centenario do escritor nado en Mondoñedo, continuou coa representación do prólogo da súa obra "O incerto Señor Don Hamlet, Príncipe de Dinamarca" a cargo da Escola Non Si? Teatro de Baiona.

O público tamén gozou dun fermoso concerto do músico César Morán (guitarra e voz), acompañado no contrabaixo por Alfonso Morán (Real Filharmonía de Galicia) os que interpretaron versos musicalizados de Cunqueiro. O concerto consistiu nun adianto dun libro - disco do músico, a piques de publicarse.
Estas actividades son a achega que dende o Val Miñor se fai ás celebracións do Centenario de Cunqueiro impulsadas por distintas institucións culturais e educativas e terá continuidade o venres 23 de setembro coa presentación dun vídeo sobre Álvaro Cunqueiro dirixido polo profesor da Universidade de Vigo, Manuel Forcadela.