Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Filoloxía e literatura Artigos Acto homenaxe no Val Miñor a Valentín Paz Andrade no Día das Letras Galegas.
Skip to content
Acto homenaxe no Val Miñor a Valentín Paz Andrade no Día das Letras Galegas. PDF Imprimir Correo-e

Filoloxía e literatura - Artigos
Escrito por IEM   
Luns, 14 Maio 2012 22:59
CARTEL


- O acto terá lugar o vindeiro xoves 17 de maio ás 19:30 horas no Auditorio Municipal Lois Tobío.
-Na actividade os empresarios do Val Miñor lerán poemas do homenaxeado e contarase coa participación do Coro Tradicional Cantares do Brión.


O Instituto de Estudos Miñoranos está a organizar un acto de homenaxe a Valentín Paz Andrade (Pontevedra 1899 – Vigo 1987), un dos máis poliédricos activistas do galego da nosa recente historia. Poeta, xornalista, avogado, empresario, político ... Paz Andrade é o galego que asumiu Galicia como tarefa e dedicoulle un anaco moi importante da súa vida. Seu tío, o poeta Xoán Bautista Andrade, contaxioulle o amor á poesía galega e a amizade de Castelao, a quen dedicaría unha parte notable da súa obra poética. Foi colaborador xornalístico dende moi novo, licenciado en Dereito pola Universidade de Santiago de Compostela, fundador e director do xornal Galicia, avogado de sona, colaborador da revista Industrias Pesqueras, membro do Seminario de Estudos Galegos, redactor do Estatuto, membro da RAG, senador pola provincia de Pontevedra... Por outra banda, foi tiroteado polos anarquistas nun gravísimo atentado, estivo desterrado polo réxime en Verín, onde padeceu outro intento de atentado por parte dun grupo de falanxistas, pasou algún tempo no cárcere por motivos políticos, ...
Finalmente queremos salientar a súa participación na fundación e funcionamento dunha empresa pioneira no mundo que revolucionou a industria pesqueira e que leva un nome galego: Pescanova. Os buques conxeladores, unha total innovación, exhibiron polo mundo nomes moi entrañables: Galicia, Ferrol, Gondomar, Betanzos .... Destacou, pois, como grande empresario e por iso este día 17 de maio a el dedicado os seus colegas, empresarios do Val Miñor, queren renderlle homenaxe recitando poemas seus no Auditorio Municipal Lois Tobío de Gondomar. Únese xenerosamente á homenaxe o coro tradicional Cantares do Brión que interpretará pezas do seu repertorio coa incorporación dunha obra creada e ensaiada para este evento ao musicar o poema "Tríadas do vento no mar", do libro Sementeira do vento. O Acto será conducido polas escritoras Marta Dacosta e Rexina Vega e comezará ás sete e media da tarde do Día das Letras Galegas, 17 de maio de 2012.
Queremos subliñar a colaboración de Asociación de Comerciantes e Hostaleiros de Gondomar (ACHEGO) e da Asociación de Empresarios e Comerciantes do Val Miñor que espallaron, con entusiasmo, entre os seus asociados a idea de participación nesta acto. Tamén salientamos a axuda de Casa Planta, do Concello de Gondomar e dun xeito especial da súa Consellería de Cultura.

 

Para descargar o cartel da Homenaxe preme aquí.