Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Filoloxía e literatura Artigos A presentación do libro que recolle o epistolario Casal - Cunqueiro abriu novas lecturas sobre o escritor.
Skip to content
A presentación do libro que recolle o epistolario Casal - Cunqueiro abriu novas lecturas sobre o escritor. PDF Imprimir Correo-e

Filoloxía e literatura - Artigos
Escrito por IEM   
Xoves, 11 Outubro 2012 23:12
mesa-conferenciantes-casal-
alberto-casal-rivas
aula-de-cultura-casal-rivas
Cordas-Novas
casal-xulian-rivas
cesar-cunqueiro
  • Anterior
  • 1 of 6
  • Seguinte

A presentación do libro Saiban cantos estas cartas viren... Álvaro Cunqueiro e Alberto Casal (1955-1961),o pasado 5 de outubro na Aula de Cultura Ponte de Rodas abarrotou o Instituto de Estudos Miñoranos. A encargada de dirixilo foi a profesora e escritora Rexina Veiga; mentres que oito membros do grupo Cordas Novas de Coruxo ofreceron a parte musical que abriu o acto. O acto contou cunha mesa de conferenciantes integrada por César Cunqueiro (fillo de Álvaro Cunqueiro), así como o ex director de Faro de Vigo, Ceferino de Blas, o editor Luís Cochón e o codirector dos Cadernos Ramón Piñeiro, Manuel González , o presidente da Real Academia Galega,Méndez Ferrín e o autor e destinatario das correspondencias, o notario Alberto Casal Rivas.

Apertura "Cordas Novas"

Dim lights Embed Embed this video on your site

Dim lights Embed Embed this video on your site

Veiga indicou que "hai versos de Cunqueiro que son máis ca un verso" e brindou pola existencia deste conxunto epistolar publicado polo Centro Ramón Piñeiro xa que nel "atopamos un territorio máis privado; un amigo que le e que comprende", en alusión a Casal.

Intervención completa de Rexina Vega

Dim lights Embed Embed this video on your site

Intervención completa de Ceferino de Blas

Dim lights Embed Embed this video on your site

Pola súa banda, Manuel González, do Centro Ramón Piñeiro, cualificou o libro de "magnífico" e resaltou do mesmo a súa utilidade para coñecer a amizade que unía a ambos os dous homes pero tamén para saber máis as "penurias económicas" de Cunqueiro naquela época e a "enorme" soidade que viviu en Mondoñedo que deixaron "trazas" na súa obra. A importancia do Centro Ramón Piñeiro neste volume é fundamental xa que foi incluído dentro dos seus cadernos.

Intervención completa de Manuel González

Dim lights Embed Embed this video on your site

A continuación, Xosé Luís Cochón, o editor do libro, cualificou a Casal como mellor amigo de Cunqueiro e deste último destacou que logrou "saír airoso do oficio de vivir", sacando aos seus fillos adiante mantendo o oficio de escritor.

Na súa intervención, César Cunqueiro salientou a labor de Xosé Luís Cochón, como editor da obra. Destacou que as cartas entre o seu pai e Casal "iluminan, mostran anacos do proceso de creación" narrativo que desenvolveu o escritor.

Tras César Cunqueiro, a quenda de palabra recaeu en Méndez Ferrín. "Cada vez que se fala de Cunqueiro, síntome implicado. Coñecino cando era un señor que escribía non Faro de Vigo, cando algún crítico dicía do que era un 'vangardista disparatado', algo polo que xa me empezou a caer ben".

Respecto de Alberto Casal, coñeceulle por mor da lectura de "Merlín e familia"; na dedicatoria, aparecía o seu nome.

Ao final do acto, Alberto Casal pronunciou unhas palabras de agradecemento aos conferenciantes así como ao público presente.

Dim lights Embed Embed this video on your site

O grupo Cordas Novas  foi o encargado do broche final interpretando tres temas