Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio Filoloxía e literatura Artigos Colaboracións Literarias: Amigos do IEM Versus Cianuro
Skip to content

Relacionados

Colaboracións Literarias: Amigos do IEM Versus Cianuro PDF Imprimir Correo-e

Filoloxía e literatura - Artigos
Escrito por IEM   
Martes, 12 Novembro 2013 20:26
1360872372371mina-oro-corcoestoc4

A Asociación Cultural Caldeirón promoveu recentemente a publicación dun poemario contra a iniciativa da empresa Edgewater de iniciar a extracción de ouro en Corcoesto, unha mina a ceo aberto que empregaría cantidades importantes de cianuro, coa irremediable consecuencia, segundo moitos ecoloxistas e científicos, de danos ambientais irreversibles. As actividades desta empresa na bisbarra foron suspendidas pola Xunta, pero non de forma radical, senón só por non reuniren a dia de hoxe os requisitos necesarios. Por iso a Plataforma pola defensa de Corcoesto e Bergantiños segue levando a cabo xestións para conseguir unha suspensión definitiva. Ultimamente conseguiu a adhesión de 236 personalidades do mundo da ciencia e da investigación.
No libro editado por Caldeirón, Versus Cianuro -unha morea-marea de poemas comprometidos- participan poetas de toda Galicia; algúns deles están vinculados a ou relacionados co Instituto de Estudos Miñoranos, que quixo sumarse a esta loita reunindo en breve antoloxía estas achegas de Amigos do IEM Versus Cianuro.

Preme aquí para descargar os textos

 

Os Autores
Pepe Cáccamo
Marta Dacosta
Alberte Momán
Miguel Anxo Mouriño
Carlos Negro
Elvira Riveiro