Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Filoloxía e literatura Novas Estrea da curta documental AUGA, TERRA, AIRE… (A BOLSA) de Pablo Casal.
Skip to content
Estrea da curta documental AUGA, TERRA, AIRE… (A BOLSA) de Pablo Casal. PDF Imprimir Correo-e

O IEM - Novas
Escrito por IEM   
Mércores, 21 Maio 2014 00:21
docu-pablo

O vindeiro venres 23 de maio ás 20:30 horas terá lugar a estrea da curta documental AUGA, TERRA, AIRE… (A BOLSA), dirixida por Pablo Casal e realizada por Ollomol Audiovisual. O acto contará coa presenza de Pablo Banga (fotografía e edición) e Pablo Casal (guión e dirección) e será presentado por Pedro Telmo Rodríguez, publicista e director do xornal Valminor.info.

A curta trata da perdurabilidade dos obxectos que nos rodean. E unha crítica a sociedade de consumo, ao “só un uso” de moitos dos  materiais que se desbotan á primeira de cambio. A protagonista é unha bolsa de plástico azul típica dos pequenos establecementos de comestibles. Durante os, aproximadamente,  13 minutos que dura este traballo, desprazarase polos tres elementos (terra, auga e aire) e protagonizará diferentes situacións (cotiás e non tanto) que esperamos cheguen a ter a repercusión que perseguimos.

O Director

Pablo Casal Núñez é licenciado en Educación Física pola Universidade da Coruña. Senderista e corredor de montaña, leva percorrendo dende hai máis de trinta anos diferentes espazos naturais. Colaborador dende o 2003 na organización das carreiras de orientación organizadas pola Universidade de Vigo e no Lago  Castiñeiras; así como no “Proxecto Ríos” para os ríos do Miñor, nomeadamente no ámbito do río Zamáns. Membro do Instituto de Estudos Miñaros.

Ten publicado: Educación Física ESO (Bahía Edicións, 1999), Educación Física (Proxecto curricular, ESO-Bacharelato, 1999), o Plano “Rutas Urbanas Saudables” (Concello de Vigo, 2010); Unidade Didáctica da Serra do Galiñeiro (IEM, 2013), así como diversas colaboracións en publicacións especializadas.

Descargar a sinopse do filme.