Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Fosas de San Xián Tres das cinco persoas atopadas nas fosas de San Xián descansan nos nichos familiares
Skip to content

Relacionados

Tres das cinco persoas atopadas nas fosas de San Xián descansan nos nichos familiares PDF Imprimir Correo-e

Memoria histórica - Fosas de San Xian
Martes, 03 Agosto 2010 21:09
urnas-das-persoas-exhumadas
Logo dun ano de comezados os traballos no devandito cemiterio, Abilio Araújo Losada, Manuel Prudencio do Rosario e seguramente Manuel ou Jesús "O palero de Laureana" recibiron sepultura o pasado sábado pola tarde.
Ao mediodía foron entregadas nun acto emotivo as tres urnas cos restos atopados aos familiares de Abilio e Manuel. Bastante máis dun cento de persoas achegáronse ao Aula de Cultura Ponte de Rosas para acompañar aos parentes dos asasinados.
Os presentes foron informados dos traballos de investigación histórica, arqueolóxica e forense a través dun conxunto de paneis con textos e imaxes (links plotters) . A escritora Rexina Vega tivo a seu cargo a presentación e desenvolvemento do acto. As tres urnas sobre a bandeira de Galicia presidiron a cerimonia. Fixeron uso da palabra o director do IEM, Carlos Méixome, o arqueólogo encargado das escavacións Xosé Lois Vilar (IEM), Fernando Serrulla, antropólogo-forense da Unidade de Antropoloxía Forense do Instituto de Medicina Legal de Santiago, Lourenzo Fernández Prieto catedrático da Universidade de Santiago e director do proxecto "Nomes e voces", a ex conselleira de Cultura da Xunta de Galicia, Ánxela Bugallo, Álvaro Araújo Losada e Angelina Prudencio Penedo, fillos de Abilio e Manuel respectivamente.
O proxecto non está pechado. Quedan por rematar as investigacións sobre a identidade de dúas persoas: Joaquín de la Iglesia Portela (xa no laboratorio para probas de ADN), e outra da que non temos datos fiables ata o de agora. Picando aquí o álbum de imaxes do acto.