Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Fosas de San Xián Homenaxe ás vítimas das fosas de San Xián.
Skip to content

Relacionados

Homenaxe ás vítimas das fosas de San Xián. PDF Imprimir Correo-e

Memoria histórica - Fosas de San Xian
Mércores, 28 Xullo 2010 00:10
Como xa se vos informou nun anterior artigo o próximo sábado 31 de xullo ás 12 da mañá, na sede do IEM (Aula de Cultura Ponte de Rosas, avda. da Feira 10 baixo, Gondomar) procederemos á entrega aos seus familiares dos restos de Abilio Araújo Barbosa e Manuel de Prudencio del Rosario que exhumamos na Fosa 1 de San Xián (O Rosal).
Os dous están debidamente identificados polo informe anatómico forense realizado polo doutor Fernando Serrulla e polo análise de ADN realizado polo Instituto de Medicina Legal da Universidade de Santiago que dirixe o prof. Carracedo.
Así mesmo faremos entrega dos restos do terceiro cadáver sen identificar e que supomos pertence a un mozo chamado Manuel ou Jesús e que traballaba na panadería de Laureana en Gondomar e que a familia de Abilio Araújo vai soterrar con este.
No acto, aberto a todas aquelas persoas que queiran render homenaxe a estas tres vítimas da brutal represión desencadeada despois da sublevación militar-fascista de xullo de 1936, estarán presentes ademais dos familiares de Abilio e Manuel e dos membros do IEM que participaron na investigación histórica e na escavación arqueolóxica e será conducido pola escritora e profesora Rexina Vega e contará con breves intervencións de Carlos Méixome e Xosé Lois Vilar, do doutor Fernando Serrulla, do catedrático da Universidade de Santiago e director do proxecto Os nomes, as voces, os lugares, Lourenzo Fernández Prieto, da ex-conselleira de Cultura, Ánxela Bugallo e dos familiares de Abilio e Manuel.