Skip to content

IEM - Instituto de Estudos Miñoranos

Increase font size Decrease font size Default font size

Destacados

O IEM e o Concello de Gondomar homenaxean a María Victoria Moreno.

O acto terá lugar na Paradela, na praza Latino Salgueiro de Gondomar, e comezará ás 19:30 horas

Este 17 de maio, Día das Letras Galegas, o Instituto de Estudos Miñoráns, IEM, e o concello de Gondomar, a través da concellaría de Cultura, celebrarán as Letras galegas cunha homenaxe á escritora María Victoria Moreno, a quen se lle dedica a data este ano.

Os escritores Iria Misa e Miguel Anxo Mouriño lerán fragmentos da obra desta profesora estremeña que namorou da lingua galega e dedicou a súa vida a escribir en galego, especialmente para os máis novos e novas. Ese lectorado tan presente para María Victoria Moreno estará representado neste acto por alumnado do CEIP Neira Vilas e IES plurilingüe Terra de Turonio, que lerán fragmentos de Eu conto, ti cantas.

Acompañando á palabra recitada estará o grupo musical Xardín desordenado que interpretará pezas do seu último traballo, "A vitoria da luz", baseado en textos de María Victoria Moreno e pechará o acto. Tamén, durante todo o acto a pintora Irene Silva realizará un mural en directo.

Palabra, música, pintura únense así para festexar a nosa lingua, esta que tanto amou María Victoria Moreno, quen non dubidou en utilizala no ensino ou en dar aulas de lingua alí onde for requirida en tempos da ditadura franquista. Os seus versos, os seus relatos en que os animais teñen un papel principal, o seu amor pola lingua son o legado que nos deixa unha estremeña que un día namorou deste noso país.

Está en:  Inicio
Skip to content
Rexistros da Memoria: "Non vaiades que xa almorzaron"
Domingo, 31 Outubro 2010 21:02

{youtube width="200" height="160"}eyZL3-PycOM{/youtube}

Esta realización ten por obxectivo achegar a todos os usuarios da web, os materiais e testemuños que alicerzaron as diferentes investigacións que sobre esta cuestión está a desenvolver o IEM.

Ler máis...
 
Rexistros da Memoria.
Luns, 25 Outubro 2010 22:10

{youtube width="200" height="160"}V3ADFDaj-EU{/youtube}

A partir deste luns e con periodicidade semanal, baixo o título Rexistros da Memoria o Instituto de Estudios Miñoranos comezará a publicar parte do seu arquivo oral sobre memoria histórica. Esta realización ten por obxectivo achegar a todos os usuarios da web, os materiais e testemuños que alicerzaron as diferentes investigacións que sobre esta cuestión está a desenvolver o IEM.

Ler máis...
 
Suspéndese a TERTULIA co Xusto Beramendi.
Xoves, 28 Outubro 2010 18:36

as-tertulias

A Tertulia prevista para o venres 5 de novembro co prof. Xusto Beramendi tense que suspender. No nome de Beramendi e no noso propio pregamos desculpas. Procuraremos que a ser posible a Tertulia se poida celebrar ao longo do mes de novembro.

Ler máis...
 
Roteiro polos muíños dos ríos de Couso
Venres, 22 Outubro 2010 01:55

couso

En colaboración coa Comunidade de Montes de Couso temos elaborado un roteiro e un folleto explicativo sobre os Muíños desta parroquia de Gondomar.
O texto e as imaxes son do compañeiro Xilberte Manso de la Torre, que xunto a Xosé Antón Araúxo foron os guías deste percorrido durante a súa inauguración o pasado domingo 17 de outubro.

 

Ler máis...
 
O IEM no Foro 2010 Compostela
Martes, 26 Outubro 2010 20:15

imaxenomes

O IEM estará presente no Coloquio Internacional Memoria da Guerra, Reconciliación e Cultura de Paz. Este evento está organizado polo Foro 2010 e o Proxecto Nomes e Voces, e ten como obxectivo reunir os días 13, 14 e 15 de decembro a recoñecidos profesionais de todo o mundo, especialistas no estudo histórico e xurídico dos procesos de paz e reconciliación.

Ler máis...
 
pre ARQUITECTURAS. PESCUDAS E ACHADOS
Venres, 22 Outubro 2010 01:36

solio

A mostra PRE ARQUITECTURAS. PESCUDAS E ACHADOS, do arquitecto Antonio Soliño Troncoso foi inaugurada o pasado venres 15 de outubro. Carlos Méixome, director do IEM recibiu ó artista, quen rodeado de amigos, veciños e público presentou a súa exposición.

Ler máis...
 
<< Inicio < Anterior 191 192 193 194 195 196 197 198 199 200 Seguinte > Final >>

Páxina 195 de 211