Skip to content

IEM - Instituto de Estudos Miñoranos

Increase font size Decrease font size Default font size

Destacados

Conferencia da artista e educadora interdisciplinaria Cristina Pato "Transcendendo disciplinas: artista sostible do século XXI". Venres 22 de xuño Ás 20:30h no Auditorio de Nigrán

O vindeiro venres 22 de xuño, ás 20:30 horas, o Instituto de Estudos Miñoráns organiza a conferencia de Cristina Pato "Transcendendo disciplinas: artista sostible do século XXI". Será presentada por Camiño Noia Campos. Nas breves interpretacións musicais será acompañada polo acordeonista miñorán, Premio Grammy, Roberto Comesaña. Terá lugar no Auditorio de Nigrán.

 

Cristina Pato (Ourense, 1980)

Artista e Educadora Interdisciplinaria.
Membro e Asesora de Educación do Silk Road Ensemble de Yo-Yo Ma

Blodgett Distinguished Artist in Residence na Universidade de Harvard (Departamento de Música).

 

Cristina Pato é unha gaiteira, pianista, produtora e educadora apaixonada. Aclamada como “unha virtuosa explosión de enerxía” polo The New York Times, e como “un dos mestres vivos da gaita” polo The Wall Street Journal, a súa vida profesional está adicada ao intercambio cultural e a forxar novos camiños para a Gaita Galega. Cristina ten actuado en grandes escenarios de todo o mundo e ten lanzado e producido seis discos como gaiteira solista e dous como pianista, e colaborado en máis de 40 gravacións como artista invitada.

 

A educación xoga un papel esencial na vida persoal e profesional de Cristina. Traballa como Asesora de Educación do Silkroad, e é artista residente na Universidade de Harvard e na Universidade de California Santa Barbara, onde desenrola proxectos educativos interdisciplinares sobre o papel das artes na sociedade.

 

Cristina posúe un Doutorado en Musical Arts pola Rutgers University (EUA) os títulos superiores de Piano, Teoría da Música e Música de Cámara polo Conservatorio de Musica do Liceu, e un Master en Artes Dixitais (Música Dixital) da Universitat Pompeu Fabra de Barcelona. Foi a fundadora do festival Galician Connection, e escribe unha columna semanal para La Voz de Galicia.

 

En 2017 Cristina Pato foi nomeada Blodgett Distinguished Artist in Residence na Universidade de Harvard (Departamento de Música).

 

Está en:  Inicio
Skip to content
Xornadas O estudo da represión non primeiro franquismo, na provincia de Pontevedra.
Martes, 19 Outubro 2010 01:00

cartelFRANQUISMO

O próximo venres 22 de outubro comezarán as Xornadas O estudo da represión non primeiro franquismo, na provincia de Pontevedra. Estado da cuestión. As que se desenvolverán durante ese día e o sábado 23. As xornadas son abertas ao público en xeral, limitado só pola capacidade do local. Aínda así pregamos confirmación da asistencia por este motivo.
Deixamos a disposición dos interesados o programa temático das xornadas, así como un texto explicativo da obra "Historia Tricolores, ou como aqueles animaliños proclamaron a República", de Cándido Pazó, que será representada polo autor o día da inauguración.
A cita é na Aula de Cultura ponte de Rosas, sede do IEM.

Ler máis...
 
AS TERTULIAS DO IEM 2010-2011
Luns, 04 Outubro 2010 23:08
as-tertuliasEste noveno ciclo consecutivo dará comezo o próximo venres 8 de outubro. Como é costume os faladoiros terán lugar preferentemente o primeiro venres de cada mes, dende outubro a xuño, e comezarán ás 20:30h. Terán lugar na sede do Instituto de Estudos Miñoranos, sita na Aula de Cultura "Ponte de Rosas" (Avda. da Feira, 10, baixo, Gondomar).
Ler máis...
 
Cándido Pazó nas TERTULIAS do IEM
Sábado, 09 Outubro 2010 15:03

{youtube width="200" height="160"}Ct9MG_bNcEA{/youtube}

A noite do venres 8 de outubro, a Aula de Cultura ponte de Rosas viviu unha xornada de humor e reflexión que tivo como protagonista a Cándido Pazó. A pesar do mal tempo, a sede do Instituto de Estudos Miñoranos viuse chea por un auditorio que gozou dende o comezo coa apertura do novo ciclo de TERTULIAS a cargo de Xilberte Manso (IEM), coa presentación do convidado por parte do Profesor Bieito Legazpi e por suposto coa brillante conferencia que nos obsequiou Cándido Pazó

Pode escoitar o audio completo do faladoiro na nosa páxina en Facebook.

Prema aquí

 
Cándido Pazó inaugura un novo ciclo de Tertulias do IEM (2010-2011)
Venres, 01 Outubro 2010 22:42

Candido_Paz

O próximo venres 8 de outubro, as 20:30h. na Aula de Cultura Ponte de Rosas, Cándido Pazó inaugura o novo ciclo de Tertulias do IEM (2010-2011). O coñecido artista será presentado pola profesora María Xosé González Chamorro.

Como é tradicional ao finalizar a Tertulia haberá unha cea co noso convidado que terá lugar no Pazo da Escola de Mañufe, para asistir á mesma é necesario facer reserva polo que os/as interesados/as podedes facelo nos teléfonos 680 644 490 ou 986 360 575

Ler máis...
 
Exposición de Antonio Soliño Troncoso
Venres, 08 Outubro 2010 21:06

{youtube width="200" height="160"}79XRv-fMzKw{/youtube}

A Aula de Cultura ponte de Rosas recibe a exposición PRE ARQUITECTURAS. PESCUDAS E ACHADOS do arquitecto Antonio Soliño Troncoso. Invitamos á inauguración o próximo venres 15 de outubro ás 20 horas na sede do IEM (Avda dá Feira Nº 10, Baixo - Gondomar).
A presentación dos traballos estará a cargo do propio autor. Como adianto deixamos estes conceptos vertidos por Antonio Soliño no díptico da mostra:

"Nesta exposición o arquitecto amosa unha pequena selección de traballos proxectados para construír arquitecturas de pequena escala, que non sempre cristalizaron. Máis ben, poucas veces. Acompáñanlles algúns cadernos de viaxe, nesta ocasión só da península ibérica; algunhas maquetas conceptuais da serie "Territorios", dun marcado carácter obxetual, nas que o título non é parte menor da obra; e unhas poucas pezas de mobiliario, entendido e deseñado como elemento complementario da arquitectura.Todo iso pretende falar das súas reflexións, intereses, influencias, afinidades, dúbidas... dos seus límites. E interrogarte acerca dos teus."
A exposición poderá ser visitada dende o 15 de outubro ata o 11 de novembro de 2011, no horario de 19 a 22 horas de luns a venres.

Ler máis...
 
Xacemento O Cabrón.
Venres, 01 Outubro 2010 21:07

{youtube width="200" height="160"}tqvo5c8coaE{/youtube}

O material paleolítico parece manar do chan do terreo O Cabrón no concello de Arbo. Logo da visita do Dr. Manuel Santonja, o equipo da Sección de Arqueoloxía do IEM continuou onte coas escavacións na terraza principal do depósito.

Ler máis...
 
<< Inicio < Anterior 191 192 193 194 195 196 197 198 199 200 Seguinte > Final >>

Páxina 197 de 212