Skip to content

IEM - Instituto de Estudos Miñoranos

Increase font size Decrease font size Default font size

Destacados

PRESENTACIÓN EN PONTEVEDRA D’A RELIXIÓN DO MAR o venres día 26 ás 20:00 horas.

PRESENTACIÓN EN PONTEVEDRA D'A RELIXIÓN DO MAR

O Ateneo de Pontevedra organiza a presentación, na libraría Paz desta cidade, do poemario A relixión do mar, de Xosé Iglesias Lamela, que obtivo en 2016 o IX Premio de Poesía Victoriano Taibo convocado polo concello de Gondomar e xestionado polo Instituto de Estudos Miñoráns.

O autor, mariñeiro en activo, rende neste libro unha homenaxe ao mar en todas as facetas con el relacionadas e faino coa forza, a autenticidade e a creatividade de quen ama profundamente o que fai e o que di; talvez por iso o poemario tivo unha traxectoria tan afortunada con abundancia de críticas favorables e presentacións en moitos lugares de Galicia. Agora tócalle recibilo a Pontevedra da man do tamén poeta (e máis cousas: profesor, etnógrafo, activista cultural) Calros Solla, gañador en 2011 do IV Premio de Poesía Victoriano Taibo coa obra Holocausto zacoe, que compite con esta en forza, creatividade e orixinalidade, aínda que nun rexistro totalmente distinto.

O acto terá lugar o venres día 26 ás 20:00 horas na Libraría Paz, situada en rúa Peregrina nº 29 de Pontevedra.

Está en:  Inicio
Skip to content
Antón Baamonde no faladoiro "Galicia sen rumbo"- venres 24 de febreiro.
Escrito por IEM -Sec   
Sábado, 18 Febreiro 2017 19:58

captura de pantalla 2017-02-18 a las 19.16.53

O Instituto de Estudos Miñoráns convídaos a asistir este venres día 24 de febreiro ás 20:30h ao faladoiro "Galicia sen rumbo", que se desenvolverá na Aula de Cultura Ponte de Rosas, Avenida da Feira Nº 10 baixo, Gondomar , por Antón Baamondee e será presentado por Camiño Noia.

Antón Baamonde, Vilalba, 1959, é profesor de filosofía de secundaria e escritor. A súa vocación quedou establecida cando, á tenra idade dos catorce anos, un mentor prestoulle un exemplar de "Apocalípticos e integrados na cultura de masas" de Umberto Eco. Decidiu entón tomar o camiño do ensaio máis ou menos filosófico e da crítica máis ou menos cultural, onde segue. Foi mallando gran dende a semiótica ao pensiero debole, pasando, claro, por Frankfurt e pensa que algo lle quedou entre as mans. Entre os seus libros, poden destacarse "En favor da Esperanza", "Sobre o tempo e outros desatinos" "Aire para respirar" "A rosa sen por qué" e, o último, "A derrota de Galicia". En castelán poden atoparse "La reinvención de España" ( Ed. Ronsel ) "El Laberinto y sus salidas ( Ed. Tecnos ) e "La rosa sin porqué" ( Ed. Pre-Textos ).

Polo demais, formou parte da redacción da revista xeracional "Luzes de Galiza" e creou o Foro do mesmo nome que buscaba crear un espazo de opinión galeguista e progresista á marxe do conservadorismo dominante. Ademais de ter publicado numerosos ensaios e artigos en revistas ( Grial, Galicia Internacional, Luzes, etc ) foi colaborador usual de "La Voz de Galicia", de "La Opinión de A Coruña" e da edición galega de "El País". Tamén da Radio Galega e da SER. Forma parte da sección de pensamento do Consello da Cultura Galega.

 

 

 
Luis Villares nos Faladoiros Galicia 2017-2020: presente e futuros .
Escrito por IEM   
Domingo, 22 Xaneiro 2017 14:18

Streaming ofrecido por K12 comunicación

O Instituto de Estudos Miñoráns convídaos a asistir este venres día 27 de xaneiro ás 20:00h ao terceiro faladoiro do ciclo "Galicia 2017-2020: presente e futuros", no que intervirá o voceiro parlamentario do grupo político con representación no Parlamento Galego, Luis Villares, do En Marea.
O acto será presentado por Antón Araúxo (Tenente Alcalde de Gondomar) e moderará a xornada Xaime Lugilde (Licenciado en Dereito).
O contido da xornada tratará sobre a situación de Galicia 2017-2020 respecto de: Sector primario e secundario, Lingua e Cultura Galega, Demografía, Servizos Sociais, Orzamentos e Galicia no Estado Español.
A xornada desenvolverase na Aula de Cultura Ponte de Rosas, Avenida da Feira Nº 10 baixo, Gondomar.
Este evento será retransmitido por difusión en continuo e poderá seguirse igual e indistintamente dende a web do IEM e Facebook do IEM á hora sinalada coa colaboración de K12 Comunicación.
 
9ª XEIRA ALÉN MIÑOR, TERRAS DE BRAGA. DATAS: 25-26 Marzo de 2017
Escrito por IEM -Sec   
Sábado, 04 Febreiro 2017 15:35
bimg_0031
Na semana de principiar o equinoccio de Primavera, precedido dunha esgrevia invernía, retomamos de novo as xeiras lonxe do Val , as Xeiras Alén Miñor.
A curiosidade e a ansia de coñecemento lévanos a petar, de novo, na porta dos nosos irmáns de lingua e tradición. Braga é a cidade elixida desta volta. Difícil é non atopar unha referencia cultural en cada unha das rúas, recunchos e prazas da vila vella.
Fundada polos romanos no 16 a.c. e nomeada "Bracara Augusta" en honor do emperador César Augusto, foi capital da Gallaecia, e de aquí irradian diferentes vías romanas que comunicaban Braga con outros territorios, entre eles Galicia.
Temos por diante unha fin de semana cun apaixonante itinerario, onde percorreremos en pouco espazo físico diferentes estilos arquitectónicos e culturas milenarias, nalgúns casos moi difíciles de ver nunha visita pública, xa que algunhas das referencias están nun período de cata e prospección arqueolóxica.

NÚCLEO ARQUEOLÓXICO DA ESTACIÓN DE FERROCARRIL

Monumento de tradición indíxena prerromana. Funcionaba como balneario ritual.

Ler máis...
 
Xoaquín Leiceaga nos Faladoiros Galicia 2017-2020: presente e futuros .
Escrito por IEM -Sec   
Mércores, 18 Xaneiro 2017 17:22

Retransmitido por difusión en continuo.

O Instituto de Estudos Miñoráns convídaos a asistir este venres día 20 de xaneiro ás 20:00h ao segundo faladoiro do ciclo "Galicia 2017-2020: presente e futuros", no que intervirá o voceiro parlamentario do grupo político con representación no Parlamento Galego, Xoaquín Leiceaga, do Partido Socialista de Galicia.

O acto será presentado por Francisco Ferreira (Alcalde de Gondomar) e moderará a xornada Xaime Lugilde (Licenciado en Dereito).

O contido da xornada tratará sobre a situación de Galicia 2017-2020 respecto de: Sector primario e secundario, Lingua e Cultura Galega, Demografía, Servizos Sociais, Orzamentos e Galicia no Estado Español.

A xornada desenvolverase na Aula de Cultura Ponte de Rosas, Avenida da Feira Nº 10 baixo, Gondomar.

Este evento será retransmitido por difusión en continuo e poderá seguirse igual e indistintamente dende a web do IEM e Facebook do IEM á hora sinalada coa colaboración deK12 Comunicación.

 
Pedro Puy nos Faladoiros Galicia 2017-2020: presente e futuros.
Escrito por IEM -Sec   
Domingo, 29 Xaneiro 2017 14:19
O Instituto de Estudos Miñoráns convídaos a asistir este venres día 3 de febreiro ás 20:00h ao cuarto faladoiro do ciclo "Galicia 2017-2020: presente e futuros", no que intervirá o voceiro parlamentario do grupo político con representación no Parlamento Galego, Pedro Puy, do Partido Popular.
O acto será presentado por Ángel Manuel Rodal ( Alcalde de Baiona) e moderará a xornada Xaime Lugilde (Licenciado en Dereito).
O contido da xornada tratará sobre a situación de Galicia 2017-2020 respecto de: Sector primario e secundario, Lingua e Cultura Galega, Demografía, Servizos Sociais, Orzamentos e Galicia no Estado Español.
A xornada desenvolverase na Aula de Cultura Ponte de Rosas, Avenida da Feira Nº 10 baixo, Gondomar.
Este evento será retransmitido en directo por difusión en continuo e poderá seguirse igual e indistintamente dende a web do IEM e Facebook do IEM á hora sinalada coa colaboración de K12 Comunicación.
 
Ana Pontón nos Faladoiros Galicia 2017-2020: presente e futuros
Escrito por IEM   
Venres, 13 Xaneiro 2017 15:33
Streaming ofrecido por K12 comunicación
O Instituto de Estudos Miñoráns convida aos interesados a asistiren este venres día 13 de xaneiro ás 20:00h ao primeiro faladoiro do ciclo <> no que intervirá a voceira parlamentaria do grupo político con representación no Parlamento Galego, Ana Pontón, do Bloque Nacionalista Galego.

O acto será presentado por Sandra González (Alcaldesa de Tomiño) e moderará a xornada Xaime Lugilde (Licenciado en Dereito).

O contido da xornada tratará sobre a situación de Galicia 2017-2020 respecto de: Sector primario e secundario, Lingua e Cultura Galega, Demografía, Servizos Sociais, Orzamentos e Galicia no Estado Español.

A xornada desenvolverase na Aula de Cultura Ponte de Rosas, Avenida da Feira Nº 10 baixo. Gondomar

Este evento será transmitido en streaming coa colaboración de K12 Comunicación e poderá seguirse igual e indistintamente dende a web do IEM e Facebook do IEM á hora sinalada.
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 3 de 198