Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio
Skip to content
Nova Xeira do IEM: A Groba: de A Valga a San Xián.
Martes, 27 Xullo 2010 22:46
webA Chan da Lagoa é o noso próximo punto de encontro, é a serra da Groba o obxectivo desta nova xeira. Teremos por guía a un dos homes que máis a quere e coñece: Xilberte Manso. Levaranos  polos roteiros máis fermosos e máxicos desa perola dos concellos de Oia e O Rosal. A saída é ás 18 h do próximo mércores 18 de xullo. Axuntamos a folla informativa e picando aquí o mapa do punto de encontro. Esperámolos
 
O Cabrón: Atópase un depósito arqueolóxico único en Galicia. Mañá comezan as escavacións.
Luns, 26 Xullo 2010 23:57
Logo_IEMO Departamento de Arqueoloxía do Instituto de Estudos Miñoranos comeza mañá as escavacións en O Cabrón, Concello de Arbo. O depósito contén un tesouro arqueolóxico de 150.000 anos que moi probablemente permitirá acceder aos restos tal cal o deixaron aqueles antigos habitantes de Galicia, dada as condicións xeolóxicas da zona.
Ler máis...
 
Novos muíños atopados enriquecen o patrimonio arqueolóxico do Val de Miñor.
Martes, 27 Xullo 2010 22:33
xuventude_estudos_mioranosPreto da Chan da Lagoa (Os Outeiros da Tomada de Pías) na serra da Groba atopáronse catro novos muíños naviculares de soporte fixo. O descubrimento tivo como protagonista a Anxo Rodríguez Lemos, membro da Xuventude do Instituto de Estudos Miñoranos.
Ler máis...
 
Agresión ao conxunto arqueolóxico Agua da Laxe, Vincios (Gondomar).
Luns, 26 Xullo 2010 23:00

agresion agua da laxeTraballos de canalización de augas da Consellería do Medio Rural, danaron o soporte dunha rocha con petróglifos duns 4000 a 3500 anos de antigüidade. A pedra afectada contén un grupo de alabardas que integran o "Conxunto Agua da Laxe Nº 4", a maior colección de gravados de armas de Europa.

Ler máis...
 
Reportaxe en imaxes da Xeira Rupestre de Monte Tetón
Martes, 27 Xullo 2010 19:02
Monte_tetnVisita o roportaxe en imaxes da Xeira Rupestre de Monte Tetón. Pica aquí.
 
Crónica: Xeira á Península de Monteferro
Venres, 23 Xullo 2010 20:26
nenosUn carreiro de estrelas esvara entre os piñeiros... É a Santa Compaña? Preguntan. Dende lonxe pouco se pode dicir. Temos que achegarnos. Un balbordo de voces indica que a Santa non é. Ela camiña silenciosa. Non tés que botarte ao chan. Non temas.Quérete levar, pero non ao cemiterio, se non a un sitio no que o tempo e o espazo conxugan o que foi có que é.
Ler máis...
 
<< Inicio < Anterior 201 202 203 204 205 206 207 208 209 210 Seguinte > Final >>

Páxina 207 de 213