Skip to content

IEM - Instituto de Estudos Miñoranos

Increase font size Decrease font size Default font size

Destacados

Eduardo Méndez Quintas, arqueólogo e doutor en Evolución Humana no faladoiro " Pasado e presente no coñecemento das primeiras ocupacións humanas de Galicia", o venres 30 de xuño ás 20:30H.
O Instituto de Estudos Miñoráns organiza o vindeiro venres 30 de xuño ás 20:30H o faladoiro "Pasado e presente no coñecemento das primeiras ocupacións humanas de Galicia" por Eduardo Méndez Quintas, arqueólogo e doutor en Evolución Humana e membro do IEM, que se desenvolverá na Aula de Cultura Ponte de Rosas, Avenida da Feira Nº 10 baixo, Gondomar.

PASADO E PRESENTE NO COÑECEMENTO DAS PRIMEIRAS OCUPACIÓNS HUMANAS DE GALICIA

O coñecemento sobre o “cando” e o “como” da orixe do poboamento humano do que hoxe coñecemos como Galicia sufriu un forte retraso na investigación con respecto a outros períodos da nosa Prehistoria. É máis as escasas nocións que se tiñan sobre este período esbozaban unha imaxe de atraso e de conservadorismo anacrónico, que sustentaban o a decimonónica idea do “atraso secular e Galicia”. Na actualidade as investigacións desenvoltas en diferentes puntos de Galicia, nomeadamente na bacía do rio Miño permite ter unha idea totalmente diferente desta época.Estes traballos permítennos falar do intre no que os primeiros grupos humanos establécense na rexión fai algo máis de 300.000 anos. As mostras das actividades destes primeiros galegos as podemos observar en xacementos tan representativos como as Gándaras de Budiño, O Cabrón ou Porto Maior. En Porto Maior temos as primeiras mostras seguras de presenza humana en Galicia, datadas en cerca de 300.000 anos. Tamén atopamos un escenario de ocupación, caracterizado por unha grande acumulación de útiles, a cal non atopa paralelo estrito en todo o continente europeo. Gándaras de Budiño e O Cabrón nos falan dos últimos grupos que empregan unha forma de traballar a pedra que chegou de África miles de anos antes. Os humanos que habitaban estes dous xacementos son dos últimos exemplos das xentes que usaban esta tecnoloxía e xa son
Está en:  Inicio
Skip to content
IX Premio de Poesía Victoriano Taibo
Escrito por IEM -Sec   
Sábado, 10 Setembro 2016 00:46

IX Premio de Poesía Victoriano Taibo

 

A novena edición do Premio de Poesía Victoriano Taibo enceta unha nova etapa deste importante certame ao estar agora integramente patrocinado polo Concello de Gondomar e ter a súa sede oficial na vila condal. Agardamos que esta nova andaina sexa polo menos tan frutuosa como a anterior, cousa que parece probable dada a importante participación acadada (44 orixinais) semellante á de todas e cada unha das edicións precedentes. O día 8 de setembro, en reunión deliberativa, o xurado resaltou a gran calidade de moitos deles e elixiu as obras finalistas, que resultaron ser, citadas a continuación por orde de entrada, as que ostentaban os seguintes títulos:

Entullo

Sobre a beleza

Relixión do mar

Dos nomes do fume

Capetón

O veredicto definitivo darase a coñecer nos próximos días, momento no que se fará público o gañador ou gañadora desta nova edición.

 
Contos saharauís en galego
Escrito por IEM -Sec   
Venres, 26 Agosto 2016 00:31

Mañá venres os nenos e nenas saharauís e as súas familias acolledoras serán recibidos no IEM para facer entrega duns agasallos, e presentar o conto saharauí gañador. Algúns destes nenos e nenas compartiron con nós os seus contos de tradición oral para traducilos á nosa lingua galega ( “Río de bágoas”, “ Hadala”, “ A manta da jaima”, “O paxariño da jaima e as tres nenas”, “ Os tres irmáns e o mendigo” ) Todos estes contos serán publicados na páxina web da Biblioteca Virtual da Asociación de Tradutores Galegos.

Dende o IEM queremos agradecer ás familias miñoranas este intercambio cultural e recibimos o seu exemplo solidario como un agasallo máis nestes tempos de crise, desexando que o próximo verán poidamos agrandar a colaboración destes nenos e nenas, que son a mellor semente dun futuro en paz.

 

O acto de presentación será na sede do IEM ás 18:30h.

a

c

b

 
Concerto de Son do Val na Santa Casa de Paz e Misericordia
Escrito por IEM -Sec   
Luns, 05 Setembro 2016 00:28

O Instituto de Estudos Miñoráns (IEM) e a Santa Casa de Paz e Misericordia de Baiona organizan un concerto do grupo de corda e voz Son do Val na Capela da Misericordia o sábado 10 de setembro ás 20:00 horas, dando así continuidade ó proxecto de colaboración destas dúas entidades na programación de actos culturais.

son do val

 
7ª Xeira Alén Miñor, Terras de Chantada e o Saviñao, 8 e 9 de outubro
Escrito por IEM -Sec   
Martes, 23 Agosto 2016 21:02

santo_estevo

Despois dun verán abundante de Xeiras pola nosa contorna, polo noso Val, amosando a beleza e a riqueza patrimonial que atesoura, retomamos as Xeiras Alén Miñor. Iniciamos o novo curso desta sección con moitos folgos e ganas de seguir coñecendo o País.

O ano pasado, por estas datas, celebramos a primeira parte do ciclo de dúas Xeiras pola Ribeira Sacra, que rematamos agora con esta segunda proposta.

Durante dous días cativarémonos co encanto do Románico (case todas as referencias do século XII), mesturado cunha paisaxe de vizosa beleza. Paisaxe domesticada polo home nunha gran medida (viñedos) pero tamén con redutos case prístinos, como son os bosques de carballos, castiñeiros, sobreiras e demais árbores senlleiras que aínda amosan a súa beleza por aquelas terras, e deixan un ronsel de cores e recendo. E máis nesa época.

 

Ler máis...
 
PASEO LITERARIO POLA RÍA DE VIGO: 20.000 leguas nas ondas do mar de Vigo (Prazas esgotadas)
Escrito por IEM -Sec   
Venres, 02 Setembro 2016 23:46

A Concellaría de Normalización Lingüística organiza (en colaboración co Instituto de Estudos Miñoráns) un paseo literario pola ría de Vigo e a illa de San Simón. A lírica medieval, os trobadores da ría de Vigo e a presenza de Verne na nosa cidade e ría serán os temas desta “singradura”.

Xosé Ramón Pena e Eduardo Rolland guiarán esta ruta literaria.

 

Ler máis...
 
Aínda quedan prazas para a última xeira do IEM o próximo martes 23
Escrito por IEM -Sec   
Venres, 19 Agosto 2016 17:53

Aínda estades a tempo de reservar prazas para a “Xeira nocturna en barco polo mar de Panxón. Talasonimia e naufraxios” o próximo martes 23 de agosto. Contaremos como experto con Xosé Lois Vilar. O punto de encontro será o Porto de Panxón ás 22 horas.

Podedes reservar a través do noso correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando: nomes e apelidos das persoas e, moi importante, deixando un número de contacto para calquera eventualidade. Ou tamén a partir das 17h no teléfono 986 36 05 75.

Tedes tempo ata o martes a última hora.

Esperámosvos.

xeiras-2016-barcos

 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 8 de 199