Skip to content

IEM - Instituto de Estudos Miñoranos

Increase font size Decrease font size Default font size

Destacados

PROXECTO EQUUS CONFIRMANDO O NOVO PARADIGMA. A ARTE DESPOIS DOS LUMES.

PROXECTO EQUUS
CONFIRMANDO O NOVO PARADIGMA.

A ARTE DESPOIS DOS LUMES.

Hoxe, venres 29 de decembro, nunha roda de prensa no salón de actos do Centro de Interpretación do Patrimonio de Taboexa (As Neves) presentouse ao público a que, sen dúbida, é a mellor superficie de arte rupestre descuberta en Galicia nas últimas dúas décadas.

Estiveron presentes na mesa Xosé Manuel Rodríguez, alcalde de As Neves; Cándido Verde, Xosé Álvarez "O Buraco" e Xilberte Manso, descubridores do petróglifo, Xosé Lois Vilar, Eloy Martínez e Manolo Ledo, da sección de arqueoloxía do IEM, acompañados polo presidente da Comunidade de Montes de Taboexa.

Os participantes apoiaron as súas intervencións na proxección de fotografías e renderizados de modelos 3D resaltando as principais características e singularidades do conxunto de petróglifos descuberto.

Ó remate da roda de prensa desprazáronse á zona do descubrimento para completar as súas explicacións.

Desde o Instituto de Estudos Miñoráns continuaremos cos traballos que nos leven a completar o estudo deste extraordinario conxunto de gravados rupestres considerado xa un dos mellores de Galicia polo seu tamaño, pola súa tipoloxía e pola cantidade e variedade de figuras representadas.

Está en:  Inicio
Skip to content
XEIRAS VERÁN IEM: Tomiño - Monte Tetón. Mércores 12 de xullo ás 21:00H
Escrito por IEM -Sec   
Luns, 10 Xullo 2017 10:27

mtetn

Este mércores 12 de xullo gozaremos dunha nova xeira dentro do programa Xeiras do verán 2017 do IEM, e coa colaboración do concello de Tomiño, no Monte Tetón.
O punto de encontro será no Alto do Padrón ás 21:00 H e o especialista que guiará a mesma será Xosé Lois Vilar.

 

A ter en conta:

Levar lanternas.

Enlace Google maps Alto do Padrón:

https://drive.google.com/open?id=15haC-1_rMFiW8ijA6fT5tjZ_U_0&usp=sharing

 
Eduardo Méndez Quintas, arqueólogo e doutor en Evolución Humana no faladoiro " Pasado e presente no coñecemento das primeiras ocupacións humanas de Galicia", o venres 30 de xuño ás 20:30H.
Escrito por IEM -Sec   
Domingo, 25 Xuño 2017 17:49
O Instituto de Estudos Miñoráns organiza o vindeiro venres 30 de xuño ás 20:30H o faladoiro "Pasado e presente no coñecemento das primeiras ocupacións humanas de Galicia" por Eduardo Méndez Quintas, arqueólogo e doutor en Evolución Humana e membro do IEM, que se desenvolverá na Aula de Cultura Ponte de Rosas, Avenida da Feira Nº 10 baixo, Gondomar.
eduardo

PASADO E PRESENTE NO COÑECEMENTO DAS PRIMEIRAS OCUPACIÓNS HUMANAS DE GALICIA

O coñecemento sobre o “cando” e o “como” da orixe do poboamento humano do que hoxe coñecemos como Galicia sufriu un forte retraso na investigación con respecto a outros períodos da nosa Prehistoria. É máis as escasas nocións que se tiñan sobre este período esbozaban unha imaxe de atraso e de conservadorismo anacrónico, que sustentaban o a decimonónica idea do “atraso secular e Galicia”. Na actualidade as investigacións desenvoltas en diferentes puntos de Galicia, nomeadamente na bacía do rio Miño permite ter unha idea totalmente diferente desta época.Estes traballos permítennos falar do intre no que os primeiros grupos humanos establécense na rexión fai algo máis de 300.000 anos. As mostras das actividades destes primeiros galegos as podemos observar en xacementos tan representativos como as Gándaras de Budiño, O Cabrón ou Porto Maior. En Porto Maior temos as primeiras mostras seguras de presenza humana en Galicia, datadas en cerca de 300.000 anos. Tamén atopamos un escenario de ocupación, caracterizado por unha grande acumulación de útiles, a cal non atopa paralelo estrito en todo o continente europeo. Gándaras de Budiño e O Cabrón nos falan dos últimos grupos que empregan unha forma de traballar a pedra que chegou de África miles de anos antes. Os humanos que habitaban estes dous xacementos son dos últimos exemplos das xentes que usaban esta tecnoloxía e xa son
Ler máis...
 
XEIRAS IEM GONDOMAR- Vincios: Antiga parroquia de señorío. Xoves 6 de xullo ás 18:00H.
Escrito por IEM -Sec   
Sábado, 01 Xullo 2017 13:39

ermida_de_santa_luca_en_vincios_gondomar

Iniciamos as xeiras do IEM de este verán 2017 e coa colaboración do concello de Gondomar o vindeiro xoves 6 de xullo, "Vincios: Antiga parroquia de señorío".

O punto de encontro será no local do IEM (Avda. Da Feira, 10 baixo), ás 18:00H e o inicio da mesma na Capela de Santa Lucía.

O especialista nesta xeira será Antonio Soliño Troncoso.

 
Presentación do segundo traballo de Zurrumalla " Camiño por ti" o venres 16 de xuño ás 20:30H.
Escrito por IEM -Sec   
Domingo, 04 Xuño 2017 19:53
praia2_21
O Instituto de Estudos Miñoráns presentará o vindeiro venres 16 de xuño ás 20:30H o segundo traballo do grupo musical Zurrumalla " Camiño por ti". Composto por Patri González: Pandeireta, pandeira e voz, Carlos Sabaríz,"Pelouro": Bombo, Suso Comesaña: Gaitas, saxo soprano e voz, Juan Comesaña, "Viti": Tamboril, Nacho Álvarez: Acordeón e voz, Bieito Lobariñas: Gaitas, cunchas, pandeireta e voz. O acto terá lugar na sede do IEM (Aula de Cultura Ponte de Rosas, Avda. Da Feira , 10 baixo. Gondomar) e será presentado por Xilberte Manso de la Torre.
"Zurrumalla naceu como grupo ala por febrero do ano 2000 cando un grupo de amigos decidimos dar pulo aos nosos anceios e ás nosas inquedanzas musicais. Desde o inicio, co esforzo e o tempo roubado aos nosos quefaceres cotiáns para os ensaios por acá e acolá, fonos quen de ilusionarnos e gozar coas notas que iamos arrincando á historia e tradición musical da terra. Arredor dela creamos un universo no que nos sentimos unidos, ledos e orgullosos. O noso desexo é compartir este gozo, esta ledicia e este orgullo amáis de que entre todos e todas, dignifiquemos a tradición. Por iso, durante estes anos da vida do grupo, e ao longo dos moitos concertos pola xeografía do país, procuramos ofrecer o mellor que como gaiteros podemos arrincar de nós".

Podedes acceder a máis info en: https://zurrumalla.wordpress.com

 
XEIRAS IEM VERÁN 2017
Escrito por IEM -Sec   
Mércores, 28 Xuño 2017 16:42

XEIRAS IEM VERÁN 2017

O Instituto de Estudos Miñoráns organiza ás xeiras para este verán 2017. Son trece visitas guiadas e dirixidas por especialistas no tema da visita, de interese histórico, artístico, natural e paisaxístico que se realizarán nos tres concellos do Val de Miñor: Gondomar, Nigrán e Baiona e no Baixo Miño: Tomiño.

A duración media das xeiras é de 3:00H a 3:30H, agás na xeira en barco por Panxón que será de 2:30H aproximadamente.
Para xeira de Nigrán: " Xeira nocturna polo mar de Panxón. Talasonimia e naufraxios" haberá que confirmar praza no teléfono do IEM, 986 36 05 75, de 10:00 h a 13:00 h.
O prezo para socios/as é 12 € e non socios/as 15 €.

 

2017-xeiras. d-vern iem 2017

 
Presentación do libro: Carlos Casares. Vida e literatura. De Damián Villalaín.
Escrito por IEM -Sec   
Sábado, 27 Maio 2017 23:33

10009389013

Presentación de

Carlos Casares. Vida e literatura.

De Damián Villalaín.

Unidos pola amizade con Carlos Casares, Camiño Noia desde a súa etapa de compañeiros de carreira na Universidade de Santiago e Damián Villalaín compartido responsabilidades na Editorial Galaxia durante máis dunha década, ambos amigos ofrecerán unha breve “tertulia” á maneira do lembrado e celebrado Carlos Casares.
Damián Villalaín (Vigo, 1958) é licenciado en Historia da Arte e na actualidade profesor da Escola Superior de Arte Dramática de Galicia. Escritor, crítico teatral, editor e xornalista, traballou na revista "Tintimán" e nos xornais "Atlántico diario" e "La Voz de Galicia", foi director do Centro Dramático Galego e subdirector da editorial Galaxia (1991-2002). En 2002 encargouse, xunto con Xan Carballa, da edición do libro Carlos Casares. Os amigos, as imaxes, as palabras. Membro da Fundación Carlos Casares, é un dos mellores coñecedores da figura humana e literaria deste escritor.
O acto terá lugar o vindeiro venres 2 de xuño ás 20:30 horas, para poder rematar ás 22:00, na Aula de Cultura Ponte de Rosas, Avenida da Feira, 10 baixo en Gondomar.
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 9 de 208