Skip to content

IEM - Instituto de Estudos Miñoranos

Increase font size Decrease font size Default font size

Destacados

IV Mostra de teatro afeccionado do Val Miñor e Oia. Dende o 12 de xaneiro ata o 2 de febreiro.

 

A partir do vindeiro sábado 12 de xaneiro o Auditorio Municipal Lois Tobío de Gondomar acollerá a IV Mostra de teatro afeccionado do Val Miñor e Oia.
Organizado polo Instituto de Estudos Miñoráns co apoio do Concello de Gondomar fomentarán e potenciarán a creatividade teatral e a representación neste mes de xaneiro que abre as portas a un ano de celebración dos 20 anos do IEM.
A programación constará dun total de oito pezas teatrais interpretadas por Vichelocrego, Tranghallada teatro, Bertorella, Pritis- Guomins, A Moura, Os cabalos rosas brincan no patín, O mellor de cada casa e Arredemo.
A entrada será gratuíta e para todos os públicos.

Programación

Sábado 12 de xaneiro- 19.30h
Jansel e Ponsel, representada por Tranghallada teatro de Nigrán.

Domingo 13 de xaneiro- 18.00h
Mamasiña que medo!, representada por Bertorella de Morgadáns.

Sábado 19 de xaneiro- 19.30h

Cóncavo-convexo, representada por Vichelocrego de Gondomar.

Domingo 20 de xaneiro- 18.00h

Rosa rosae, representada por Pritis- Guomins de Aula teatro Gondomar.

Sábado 26 de xaneiro- 19.30h
A revirada, representada por A Moura de Chaín.

Domingo 27 de xaneiro- 18.00h

Cousas da vida, representada por O mellor de cada casa de Viladesuso.

Sábado 2 de febreiro- 19.30h

O restaurante Farruco representada por Os cabalos rosas brincan no patín de Viladesuso.
Maruxas 3.0, representada por Arredemo de Gondomar.
Está en:  Inicio
Skip to content
Comeza a 12ª tempada consecutiva das Xeiras do IEM.
Escrito por IEM   
Mércores, 26 Xuño 2013 23:06

xeiras-2013

O vindeiro mércores 10 de xullo dará comezo a 12ª tempada consecutiva das tradicionais Xeiras do IEM, unha serie de visitas-guiadas a distintos lugares de especial interese histórico, artístico, natural e paisaxístico do Val de Miñor e a súa contorna. Trátase de pequenos percorridos a realizar polas tardes ou ao anoitecer dirixidos por especialistas no tema da visita.

Ler máis...
 
Presentación do libro “Lembranza da Tecedeira” no IEM.
Escrito por IEM   
Venres, 21 Xuño 2013 17:50

ligera-capa-tecedeira

Hai algo máis dun ano o noso amigo e membro do IEM Antonio Valverde facía doazón a esta institución, o Instituto de Estudos Miñoranos, dun poema de Victoriano Taibo, Lembranza da Tecedeira, escrito da súa man, asinado e datado en Morgadáns en 1947. Fora creado, manuscrito con letra coidada e preparado con cariño para servir de agasallo a un amigo do poeta. Recentemente chegou ás mans de Antonio quen, xenerosamente, decidiu incrementar con el os fondos da nosa asociación. O IEM procurou, dende o primeiro momento, a súa publicación facsimilar para que os lectores interesados puidesen desfrutar desta xoia tal e como a concibiu o mestre, e agora ten o pracer de presentar publicamente o resultado das súas xestións. Xestións que abrangueron non só aspectos editoriais e literarios, senón tamén financeiros, para o que dispuxemos dende un principio da predisposición da filla do escritor, Gloria taibo, e do seu marido, Miguel Rodríguez, que tanto interese, esforzo e admiración puxo sempre nas cousas do seu sogro; Miguel faleceu recentemente e queremos aproveitar este acto de presentación para renderlle unha entrañable e merecida homenaxe.

Ler máis...
 
Colaboracións Literarias: “24 de xullo en Bonaval”, de Marta Dacosta.
Escrito por IEM   
Martes, 25 Xuño 2013 19:13

Nesta dezaseisava achega das Colaboracións Literarias presentamos o poema de Marta Dacosta24 de xullo en Bonaval.

Preme aquí para descargar o poema.

 
De Voces Ceibes a Milladoiro: unha cita coa memoria da canción popular galega (1973-1978).
Escrito por IEM   
Mércores, 19 Xuño 2013 23:53

Milladoirofoto

A memoria do Movemento Popular da Canción Galega (1973 – 1978) queda recollida no documental recentemente estreado, De Voces Ceibes a Milladoiro. O filme está baseado no libro co mesmo título, de Antón Seoane, quen tivo a cargo o guión do audiovisual. A peza propón unha reflexión do autor sobre o trasfondo musical dun tempo vivido, marcado polo final da ditadura, pola chamada ás portas da democracia, a posta en escena dos nacionalismos, etc; un período no que a sonoridade do país virou dos cantautores á música folk. Un mosaico histórico-musical de encontros, amizades e descubertas que terá no outono do 78 á súa estación de chegada: Milladoiro.

Ler máis...
 
Xosé María Díaz Castro será o novo homenaxeado no Día das Letras Galegas en 2014.
Escrito por IEM   
Sábado, 22 Xuño 2013 00:23

diaz_castro

A Real Academia Galega  decide dedicar o Día das Letras 2014 ao poeta e tradutor de Guitiriz, Xosé María Díaz Castro (Guitiriz, 1914 – Lugo,1989).

Ler máis...
 
Para cazolear con estilo: Receitas para todos os días, de Raquel Vergara.
Escrito por IEM   
Mércores, 19 Xuño 2013 23:22
receitas-todos-os-dias
Cociñar, tarefa ardua á vez que gozosa esixe un espírito creativo que non sempre conta coa axuda das musas inspiradoras. A veciña e profesora miñorá, Raquel Vergara, achéganos unha deliciosa páxina dixital onde podemos atopar, case de xeito diario, receitas que iluminan o xantar cotián. A través de Receitas para todos os días, libéranos do estrés que enfrontamos á hora de definir "que comemos hoxe?".
Ler máis...
 
<< Inicio < Anterior 101 102 103 104 105 106 107 108 109 110 Seguinte > Final >>

Páxina 102 de 218