Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio
Skip to content
Abrimos inscricións para un curso de creación literaria a cargo da escritora Marta Dacosta no IEM.

Escrito por IEM   
Xoves, 28 Agosto 2014 23:29
MARTA_DACOSTA

O vindeiro mes de outubro dará comezo un obradoiro de creación literaria a cargo da escritora Marta Dacosta. Baixo o título "II obradoiro de creación literaria Victoriano Taibo: Desenvolvendo o nobelo", 25 persoas poderán participar desta actividade que se desenvolverá durante sete sesións na nosa sede, Aula de Cultura Ponte de Rosas cas seguintes características:


Datas: Outubro: 4, 11, 25 / Novembro: 8, 15, 22 , 27.
Horario: Sábados de 11 a 12:30 horas, agás o 27 de novembro, xoves que será ás 20:30 horas.
Lugar: Aula de Cultura Ponte de Rosas, Avenida da Feira Nº 10, baixo –Gondomar.
Matrícula: 20 euros o curso completo.
Prazas: Máximo 25 e cun mínimo de 10 inscritos para desenvolver o curso.
Inscricións: A través do correo oficina @minhor.org / de luns a venres de 18 a 22 horas no teléfono 986360575.
Sesións: Iniciaremos cada sesión cunha reflexión inicial sobre: a importancia da lectura para a persoa que escribe, o uso das figuras retóricas, a selección das fontes literarias, a inspiración, a técnica... e a partir desa reflexión inicial realizarase a creación dun texto que logo leremos e comentaremos entre todas e todos. En varias ocasións traballaremos con textos de Victoriano Taibo, autor que dá nome ao Obradoiro.

 

Programa do curso preme aquí para descargar