Skip to content

IEM - Instituto de Estudos Miñoranos

Increase font size Decrease font size Default font size

Destacados

Laura Ramos Cuba gaña o XIº Premio de poesía VictorianoTaibo coa obra presentada baixo o título de A situación actual

O xurado do certame poético VictorianoTaibo que convoca o Concello de Gondomar en colaboración co Instituto de Estudos Miñoráns, integrado polos escritores e escritoras Iria Misa, Gonzalo Navaza, Miguel Anxo Mouriño, Marta Dacosta en nome do IEM e Rafa Vilar, gañador da Xª edición, resolveu que o libro gañador desta XIª edición era o presentado co título de A situación actual que, unha vez aberta a plica, resultou ser da autoría de Laura Ramos Cuba.

O xurado valorou que se trata dunha obra absolutamente contemporánea en que atopamos unha voz intimista moi forte. Unha voz dunha grande radicalidade, capaz de reflectir unha situación límite, unha crise emocional. Destaca a capacidade de poetizar o cotián con sinxeleza e fondura a un tempo. O xurado tamén salientou a unidade do libro, que mantén ao longo da lectura o pulso e o ritmo.

Laura Ramos Cuba, é unha moza burelá graduada en xornalismo e comunicación audiovisual pola Universidade de Santiago de Compostela. Este é o seu primeiro premio e, será, o seu primeiro libro publicado, co que o certame Victoriano Taibo ten a satisfacción de permitir que saia á luz esta voz actualísima que nos fala desde as súas propias coordenadas inseridas neste século XXI.

A entrega do premio será o día 17 de novembro nun acto que decorrerá no Auditorio Lois Tobío de Gondomar.

 

Está en:  Inicio
Skip to content
Sons e imaxes da audición musical no Patio de Armas do Pazo do Conde de Gondomar.

Mércores, 15 Agosto 2012 01:27
conde-lopezbenito

Érase unha tarde de verán en Gondomar, fresquiña e có ceo ameazando choiva. Sesenta e cinco cadeiras rodeaban o escenario imaxinario onde o musicólogo Manuel López Benito ía dirixir unha das súas fantásticas audicións musicais, esta vez no senlleiro Patio de Armas do Pazo do Conde de Gondomar. A velada resultou toda unha experiencia para as máis de duascentas persoas que gozaron en directo dunha escolma de música clásica que lles fixo viaxar por catro séculos da man dos grandes mestres e os relatos contextualizados do especialista.
As cadeiras e os programas quedaron curtos para unha asistencia que mutiplicou por catro as previsións da organización. A soleira do Pazo fixo de palco improvisado e o céspede do Patio de Armas foi a tribuna elixida polos que decidiron gozar da audición en contacto directo coa natureza. Os muros medievais do Pazo dende onde Don Diego Sarmiento de Acuña (I Conde de Gondomar) outeaba as andainas de Francis Drake polas costas do val, recibiron esta merecida homenaxe.
Compartimos unha escolma de imaxes e sons da velada celebrada o pasado luns 13 de agosto de 2012.
Dim lights Embed Embed this video on your site