Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio
Skip to content
Convocatoria Asemblea de Socios 2014 do Instituto de Estudos Miñoranos
Escrito por IEM   
Martes, 09 Decembro 2014 23:22

Logo_IEM

O INSTITUTO DE ESTUDOS MIÑORANOS, convócate á XUNTA XERAL 2014, que se celebrará o vindeiro XOVES 18 de decembro de 2014, ás 20:30 horas na Aula de Cultura Ponte de Rosas, para tratar os seguintes puntos do día:

Ler máis...
 
Caderno de campo: Recollida de topónimos na parroquia de Panxón (Nigrán): Nº2
Escrito por Beatriz Pérez González   
Xoves, 04 Decembro 2014 23:04

panxon-porto-desfile

Unha vez feita a recollida da toponimia que aparecía no Catastro do Marqués de Ensenada, continúo coas pescudas.

Agora é necesario acudir a outras fontes documentais, neste caso revisarei os libros de  amillaramento para ver se atopo topónimos novos.

O amillaramento é unha serie documental manuscrita que contén unha relación nominal alfabética dos contribuíntes dun municipio, indicando as súas propiedades urbanas, rústicas e gandeiras, e o líquido impoñible de acordo coa súa valoración, facendo unha descrición dos terreos, se son cultivos e de que tipo, se son montes, baldíos, etc.

Ler máis...
 
“O estado de cousas ao que nos están sometendo é unha forma moi efectiva de opresión”
Escrito por Montse Dopico   
Martes, 09 Decembro 2014 20:19

 

250-lara
Lara Rozados gañou o Premio de Poesía Victoriano Taibo con 'O caderno amarelo', un libro nado do xeito de opresión que é a precariedade laboral, mais tamén da confianza no colectivo como resposta.

 

Hai moito desacougo en 'O caderno amarelo', o libro coa que Lara Rozados gañou o Premio de Poesía Victoriano Taibo. E ten que ver co desemprego e coa precariedade laboral, con non saber de que se vai vivir os próximos meses. Síntoma dun tempo no que a opresión se exerce, outra vez, desta e doutras moitas maneiras como a represión da disidencia. Contra iso revóltase 'O caderno amarelo'. Que é tamén, di a súa autora, irmandade fronte á barbarie. Procura do colectivo fronte á neoliberalización das vidas.

Ler máis...
 
Caderno de campo: Recollida de topónimos na parroquia de Panxón (Nigrán): Nº1
Escrito por Beatriz Pérez González   
Martes, 02 Decembro 2014 22:09

panxon

O IEM vén de firmar un convenio de colaboración co IES Primeiro de Marzo para a realización da formación en centros de traballo  co alumnado de FP. Neste primeiro ano de colaboración, o meu labor como persoal de prácticas consiste en pór en marcha o seguinte proxecto: “A recollida da toponimia da parroquia de San Xoán de Panxón” xunto con “actividades socioculturais” que potencien e afiancen nos usuarios a necesidade de coñecer e pór en valor o patrimonio cultural, inmaterial e paisaxístico da súa  contorna dunha forma lúdica e participativa.

Ler máis...
 
Cea e TERTULIA do IEM con Xurxo Manuel Souto Eiroa.
Escrito por IEM   
Martes, 09 Decembro 2014 19:09

xurxosouto

Músico, escritor, locutor, produtor e unha multitude de oficios vencellados á comunicación enxoian a traxectoria de Xurxo Manuel Souto Eiroa (Galicia, 1966), protagonista da vindeira TERTULIA do IEM. O arqueólogo Xosé Lois Vilar será o encargado de presentar ao convidado quen nos visitará este venres 12 de decembro ás 20:30 horas, na Aula de Cultura Ponte de Rosas (Avenida da Feira Nº10, baixo, Gondomar).

Tamén como é tradicional, despois do acto aberto ao público en xeral haberá unha cea coa persoa convidada que terá lugar no Pazo da Escola de Mañufe Gondomar á que se poderá asistir facendo a correspondente reserva de praza no teléfono 986 360 575 ou ben no correo electrónico oficina@ minhor.org  . Pregamos facelo antes do vindeiro xoves pola noite.

Ler máis...
 
Fondo Documental Victoriano Taibo García
Escrito por IEM   
Martes, 02 Decembro 2014 19:41

01-sinatura-convenio

O Instituto de Estudos Miñoranos vén traballando dende hai moitos anos na recuperación da figura e traxectoria do mestre e literato Victoriano Taibo García (Santiago 22/4/1885 – Vigo 13/3/1990). Mestre de Morgadáns entre 1930 e 1950 cun intervalo de catro anos nos que estivo desterrado en Villadar de los Comuneros  (Valladolid - 1938). Membro da RAG e do Instituto de Estudos Miñotos, é autor dos poemarios Abrente, Da vella roseira, Abicedo e Cabrinfollas e moitos poemas soltos entre os que destaca Lembranza da tecedeira editada en versión facsimilar polo Instituto de Estudos Miñoranos. En prosa publicou Da agra aberta: contos e lendas así como unha multitude de colaboracións en revistas galegas e americanas.

Ler máis...
 
<< Inicio < Anterior 41 42 43 44 45 46 47 48 49 50 Seguinte > Final >>

Páxina 49 de 213