Skip to content

IEM - Instituto de Estudos Miñoranos

Increase font size Decrease font size Default font size

Destacados

IV Mostra de teatro afeccionado do Val Miñor e Oia. Dende o 12 de xaneiro ata o 2 de febreiro.

 

A partir do vindeiro sábado 12 de xaneiro o Auditorio Municipal Lois Tobío de Gondomar acollerá a IV Mostra de teatro afeccionado do Val Miñor e Oia.
Organizado polo Instituto de Estudos Miñoráns co apoio do Concello de Gondomar fomentarán e potenciarán a creatividade teatral e a representación neste mes de xaneiro que abre as portas a un ano de celebración dos 20 anos do IEM.
A programación constará dun total de oito pezas teatrais interpretadas por Vichelocrego, Tranghallada teatro, Bertorella, Pritis- Guomins, A Moura, Os cabalos rosas brincan no patín, O mellor de cada casa e Arredemo.
A entrada será gratuíta e para todos os públicos.

Programación

Sábado 12 de xaneiro- 19.30h
Jansel e Ponsel, representada por Tranghallada teatro de Nigrán.

Domingo 13 de xaneiro- 18.00h
Mamasiña que medo!, representada por Bertorella de Morgadáns.

Sábado 19 de xaneiro- 19.30h

Cóncavo-convexo, representada por Vichelocrego de Gondomar.

Domingo 20 de xaneiro- 18.00h

Rosa rosae, representada por Pritis- Guomins de Aula teatro Gondomar.

Sábado 26 de xaneiro- 19.30h
A revirada, representada por A Moura de Chaín.

Domingo 27 de xaneiro- 18.00h

Cousas da vida, representada por O mellor de cada casa de Viladesuso.

Sábado 2 de febreiro- 19.30h

O restaurante Farruco representada por Os cabalos rosas brincan no patín de Viladesuso.
Maruxas 3.0, representada por Arredemo de Gondomar.
Está en:  Inicio
Skip to content
Cine e Memoria II : Pase do documental A VOLTA DOS NOVE no Auditorio Municipal de Gondomar.
Escrito por IEM   
Venres, 10 Outubro 2014 21:38

5434039841-a-volta-dos-nove

Como xa informáramos na presentación do Ciclo Cine e Memoria II, que dende principios de mes estamos a desenvolver todos os mércores, o vindeiro 15 de outubro ás 20:30 horas terá lugar o pase do documental, Volta dos Nove, do director gondomareño, Antón Caeiro.  Nesta ocasión a proxección terá lugar no Auditorio Municipal de Gondomar “Lois Tobío”. No acto contaremos coa presenza do director da película.

Ler máis...
 
Saída didáctica á Serra do Galiñeiro co CEIP Chano Piñeiro de Gondomar.
Escrito por IEM   
Xoves, 09 Outubro 2014 21:45

galinheiro-xeira

O vindeiro sábado 11 de outubro a partir das 10 horas terá lugar unha saída á Serra do Galiñeiro cos escolares do CEIP Chano Piñeiro de Gondomar. Andaina na que tamén participarán mestres e familiares e cuxo obxectivo como sempre será a posta en valor do noso patrimonio. Nesta instancia a compañeira María Lemos (coordinadora destas saídas didácticas), contará coa colaboración do profesor Pablo Casal, autor da recente e xa esgotada Didáctica da Serra do Galiñeiro (IEM,2014).

Ler máis...
 
“Calendoscopio”, mostra plástica de Vicente Prego na Aula de Cultura Ponte de Rosas.
Escrito por IEM   
Venres, 10 Outubro 2014 19:12

capa

Calendoscopio, a mostra plástica de Vicente Prego segue aberta ata o vindeiro 21 de novembro de luns a venres de 19 a 21 horas na Aula de Cultura Ponte de Rosas. A mesma abrangue unha selecta escolma da súa obra. Licenciado en Belas Artes pola Universidade de Vigo e graduado na Escola de Artes e Oficios Mestre Mateo de Santiago de Compostela, a súa traxectoria artística estivo ligada nos seus comezos á Galería Trinta de Santiago.

Ler máis...
 
O ciclo “Cine e Memoria II” acolle o documental “O meu nome é Luis Ferreiro” este mércores no IEM.
Escrito por IEM   
Luns, 06 Outubro 2014 21:23

luis_ferreiro

O Ciclo Cine e Memoria II acolle este mércores 8 de outubro (20:30 horas) a exhibición do documental O meu nome é Luís Ferreiro. Unha historia do antifranquismo galego (Galicia, 2010). O filme dirixido polos vigueses Roi Caxiao e Fernando Llor, transita pola vida de Luis González Vila “Ferreiro”, militante comunista na clandestinidade durante o franquismo.  O traballo aborda diferentes etapas e cuestións relativas á loita contra a ditadura en Galicia: guerrilla, exilio, emigración, e a estratexia da folga nacional pacífica non tramo final do réxime.

A exhibición enmárcase no ciclo “Cine e Memoria II”, organizado polo Instituto de Estudos Miñoranos, como parte da homenaxe anual que lembra a memoria dos miñoranos asasinados na Volta dos 9.  A actividade terá lugar  na Aula de Cultura Ponte de Rosas, na Avenida da Feira, 10, baixo Gondomar. A entrada é libre.

Ler máis...
 
Inscricións abertas para un curso de Paleografía Medieval Galega con Xulián Maure no IEM.
Escrito por IEM   
Venres, 10 Outubro 2014 18:17

calistrino

Abrimos inscricións para o curso de "Paleografía Medieval Galega" a desenvolver polo profesor Xulián Maure Rivas na Aula de Cultura Ponte de Rosas (Avenida da Feira Nº10, Gondomar). Os interesados deben dirixirse ao correo oficina@minhor. org ou polo teléfono 986360575 de luns a venres de 18 a 22 horas. A convocatoria ten un límite de dez prazas e remata o vindeiro venres 25 de outubro.

Ler máis...
 
Presentación do libro homenaxe a Javier Alonso Salgueiro e descubrimento de placa conmemorativa.
Escrito por IEM   
Venres, 03 Outubro 2014 21:23

panel-mozodabandeira-v2

No marco da homenaxe veciñal organizada na parroquia de Chaín á memoria do seu veciño Javier Alonso Salguerio, este domingo 5 de outubro ás 12 horas terá lugar a presentación do libro Javier Alonso Salgueiro. O mozo da bandeira.(IEM,2014) e o descubrimento dunha placa conmemorativa. O acto contará coa presenza de familiares e amigos e contará coas intervencións de Javier Alonso Carrera (fillo de Javier), Carlos Méixome Quinteiro (director do IEM), Purificación Martínez (comisión organizadora) e Fernando Guitián Guitián, alcalde de Gondomar.

Ler máis...
 
<< Inicio < Anterior 51 52 53 54 55 56 57 58 59 60 Seguinte > Final >>

Páxina 58 de 218