Skip to content

IEM - Instituto de Estudos Miñoranos

Increase font size Decrease font size Default font size

Destacados

Conferencia da artista e educadora interdisciplinaria Cristina Pato "Transcendendo disciplinas: artista sostible do século XXI". Venres 22 de xuño Ás 20:30h no Auditorio de Nigrán

O vindeiro venres 22 de xuño, ás 20:30 horas, o Instituto de Estudos Miñoráns organiza a conferencia de Cristina Pato "Transcendendo disciplinas: artista sostible do século XXI". Será presentada por Camiño Noia Campos. Nas breves interpretacións musicais será acompañada polo acordeonista miñorán, Premio Grammy, Roberto Comesaña. Terá lugar no Auditorio de Nigrán.

 

Cristina Pato (Ourense, 1980)

Artista e Educadora Interdisciplinaria.
Membro e Asesora de Educación do Silk Road Ensemble de Yo-Yo Ma

Blodgett Distinguished Artist in Residence na Universidade de Harvard (Departamento de Música).

 

Cristina Pato é unha gaiteira, pianista, produtora e educadora apaixonada. Aclamada como “unha virtuosa explosión de enerxía” polo The New York Times, e como “un dos mestres vivos da gaita” polo The Wall Street Journal, a súa vida profesional está adicada ao intercambio cultural e a forxar novos camiños para a Gaita Galega. Cristina ten actuado en grandes escenarios de todo o mundo e ten lanzado e producido seis discos como gaiteira solista e dous como pianista, e colaborado en máis de 40 gravacións como artista invitada.

 

A educación xoga un papel esencial na vida persoal e profesional de Cristina. Traballa como Asesora de Educación do Silkroad, e é artista residente na Universidade de Harvard e na Universidade de California Santa Barbara, onde desenrola proxectos educativos interdisciplinares sobre o papel das artes na sociedade.

 

Cristina posúe un Doutorado en Musical Arts pola Rutgers University (EUA) os títulos superiores de Piano, Teoría da Música e Música de Cámara polo Conservatorio de Musica do Liceu, e un Master en Artes Dixitais (Música Dixital) da Universitat Pompeu Fabra de Barcelona. Foi a fundadora do festival Galician Connection, e escribe unha columna semanal para La Voz de Galicia.

 

En 2017 Cristina Pato foi nomeada Blodgett Distinguished Artist in Residence na Universidade de Harvard (Departamento de Música).

 

Está en:  Inicio
Skip to content
De A a X. Unha historia de amor e resistencia. Venres 24 de novembro ás 20:30h.
Escrito por IEM -Sec   
Luns, 20 Novembro 2017 01:00
folleto mano f to x iem
O vindeiro venres 24 de novembro ás 20:30 , o IEM acollerá a obra De A a X. Unha peza de teatro contada en cartas de John Berger. Unha historia de amor e resistencia.
O acto terá lugar na sede do IEM, na Aula de Cultura Ponte de Rosas, Avda da Feira 10 baixo, Gondomar.

Xela Marx e Fiona Battersby convidan a compartir a escritura deste poeta, humanista, activista que deixou este mundo no comezo do ano.

Nas súas palabras:

"Cada ser é de máis breve de todas as cousas. Todo o mundo é todo o mundo; e a única cousa que nos frea nese coñecemento, é este ego que é mortal "

De A para X é uma história escrita em forma de cartas. John Berger a escreveu depois de escutar hora tras hora histórias das pessoas na Palestina. A história, porém, poderia acontecer em qualquer lugar.
Aida escreve ao seu amado Xavier que está na prisão. É uma ode ao amor tanto quanto um grito contra a injustiça no mundo.
As palavras que foram infundidas com ternura e uma profunda consciência do estado humano, são chamadas a serem encarnadas.
John Berger escreve: " Uma história escrita é como uma linha reta, um caminho que vai em direção ao horizonte.
Quando as palavras entram no teatro, porém, se convertem em parte de um círculo. "

 
Faladoiros do IEM: «Presenza das mulleres»
Escrito por IEM -Sec   
Xoves, 09 Novembro 2017 20:24

cartel-mulleres-web1

O Instituto de Estudos Miñoráns comeza un novo ciclo cos faladoiros do IEM.

Dedicado á muller, «Presenza das mulleres», amosa como fío condutor a importancia e participación desta na sociedade.

PROGRAMA:

VENRES, 17 DE NOVEMBRO

 

Eugenia Trigo Aza. Escritora
- 20:00 h. 'Da motricidade humana ao paradigma vida"
Presenta:
Adela Mirás Calvo
IES Val Miñor de Nigrán

 

MÉRCORES 22 DE NOVEMBRO

 

Adriana Nogueira Gassent. Oceanógrafa
- 20:00 h. ¨A bioloxía pesqueira e as biólogas do mar”
Presenta:
Xosé Ramón García
Xunta de Goberno do IEM

 

MÉRCORES 29 DE NOVEMBRO

 

Chis Oliveira. Doutora en Filosofía
- 20:00 h. ¨Comando da igualdade, a mocidade implicada"
Presenta:
Pilar Vázquez Fouce
Diplomada Universitaria en Enfermería e membro do IEM

 

MÉRCORES 13 DE DECEMBRO

 

Ana Ulla Miguel. Astrofísica
- 20:00 h. ¨A astronomía de hoxe que as astrónomas galegas fan"
Presenta:
María Lemos
Xunta de Goberno do IEM

 

As xornadas desenvolveranse na Aula de Cultura Ponte de Rosas, Avenida da Feira Nº 10 baixo nas datas indicadas e ás 20:00h.

 
Faladoiros do IEM: Presenza de mulleres-Adriana Nogueira Gassent, oceanógrafa, con “A bioloxía pesqueira e as biólogas do mar”. Mércores 22 de novembro ás 20:00h.
Escrito por IEM -Sec   
Domingo, 19 Novembro 2017 18:30

adriana nogueira

O Instituto de Estudos Miñoráns ofrecerá o vindeiro mércores 22 de novembro ás 20:00h, o faladoiro "A bioloxía pesqueira e as biólogas do mar" que Adriana Nogueira Gassent, oceanógrafa, continuará dentro do ciclo Presenza das mulleres. Será presentada por Xosé Ramón García, membro da Xunta de Goberno do IEM.

 

O acto terá lugar na sede do IEM, na Aula de Cultura Ponte de Rosas, Avda da Feira 10 baixo, Gondomar.

 
ACTO DE ENTREGA DO X PREMIO DE POESÍA “VICTORIANO TAIBO”. Sábado día 18 de novembro
Escrito por IEM -Sec   
Martes, 07 Novembro 2017 23:19

vt2017

vt20171

O xurado do X Premio de Poesía Victoriano Taibo, formado polos profesores e escritores Xulián Maure, Iria Misa, Gonzalo Navaza, Xosé Iglesias Lamela e Marta Dacosta acordou concederlle o galardón ao poeta de Cee Rafa Vilar polo poemario titulado Erosións.

Trátase dun libro que combina a paixón e a intimidade cunha exquisita sinxeleza e intensidade lírica, froito dun coidadoso traballo de construción poética en que desaparecen as concrecións de xénero para converter os poemas na expresión total do amor. Un amor que non pode desprenderse da realidade e, mentres o eu poético constata a erosión do paso do tempo e as feridas da vida, convida a persoa amada a crear un horizonte "a salvo de naufraxios", a través de cen poemas breves que empregan as palabras imprescindíbeis para construír imaxes intensamente poéticas.

O premio está dotado con 3000€ e unha peza escultórica da autoría de Fino Lorenzo.

O acto de entrega, conducido pola escritora Marta Dacosta, terá lugar o próximo sábado día 18 de novembro ás 19:30 horas no auditorio municipal Lois Tobío, co seguinte programa:

  • A banda de gaitas Balcón do Miñor, de Morgadáns, abre o acto.
  • O autor recibe o galardón da man do alcalde de Gondomar, Francisco Ferreira, e recita algúns poemas da súa obra.
  • Intervención do director do IEM, Xulián Maure e do alcalde de Gondomar, Francisco Ferreira.
  • Actuación do Coro Cantares do Brión.
  • Á saída, no vestíbulo, estará agardando un albaroque de confraternización durante o cal o autor asinará libros para quen o desexe.
Organiza: Concello de Gondomar e Instituto de Estudos Miñoráns
Colabora: Panadaría Copena, Adegas Val Miñor e Construcións Metálicas Meixoeiro.
 
Faladoiros do IEM: Presenza das mulleres- "Da motricidade humana ao paradigma vida" Uxía Trigo Aza. Venres 17 de novembro ás 20:00h.
Escrito por IEM -Sec   
Domingo, 12 Novembro 2017 22:31

O vindeiro venres 17 de novembro ás 20:00h, o Instituto de Estudos Miñoráns dará comezo a un ciclo de faladoiros que terá como fío condutor a presenza da muller na sociedade. O acto terá lugar na sede do IEM, na Aula de Cultura Ponte de Rosas, Avda da Feira 10 baixo.

Eugenia Trigo Aza, escritora, doutora en Filosofía e Ciencias da Educación pola UNED (1989) e doutora en Educación Física pola UDC (1999). Galega de nacemento, viaxeira e cidadá do mundo participará con nós tratando o tema 'Da motricidade humana ao paradigma vida". Presenta Adela Mirás Calvo do IES Val Miñor de Nigrán.

“Con este faladoiro pretendo amosar o camiño da vida que me levou a esculcar en diversas áreas do coñecemento e vivir en distintos contextos socio-culturais, para instaurarme actualmente nunha investigación que nos permita progresar no ser corpóreo como cidadáns do mundo e do universo.

Un transcorrer que principiou nas aulas de educación física nos anos 70, proseguiu coa formación de mestres en diversas áreas e universidades europeas e latinoamericanas e derivou, na actualidade, en procesos de investigacións que me permiten ver e estar no mundo dende outras ópticas paradigmáticas.“

 
Presentación do libro " Os nomes do terror" Martes 7 de novembro ás 20:00h Auditorio municipal de Nigrán
Escrito por IEM -Sec   
Mércores, 01 Novembro 2017 22:56
cartaz miorns

Seguindo co fío de " Nigrán a través da Memoria", o vindeiro martes 7 de novembro ás 20:00h, organizado polo Instituto de Estudos Miñoráns en colaboración co concello de Nigrán, o Auditorio municipal acollerá a presentación do libro "Os nomes do terror", que fóra aprazada da súa data inicial en outubro.

Coordinado polos historiadores Xosé Ramón Ermida, Dionisio Pereira, Eliseo Fernández e Xoán Carlos Garrido. Nel participan moitos dos principais investigadores desta época en Galicia, como Emilio Grandío, Carlos Nuevo Cal, Bernardo Máiz, Xosé Álvarez, Manuel Pazos, Judith Carbajo, Ana Cebreiros, Carlos F. Velasco ou Julio Prada.

Intervendrán na presentación:

Xosé Lois Vilar. Historiador

Xoán Carlos Garrido. Coordinador do libro

Xosé Álvarez Castro. Co-autor do libro

Marga Romero Lorenzo. Conselleira de Sermos Galiza
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 7 de 212