Skip to content

IEM - Instituto de Estudos Miñoranos

Increase font size Decrease font size Default font size

Destacados

PROSPECCIÓN ARQUEOLÓXICA, DOCUMENTACIÓN E RESTAURACIÓN DOS PETRÓGLIFOS DE GARGAMALA (Mondariz, Pontevedra)

Este proxecto de prospección arqueolóxica, documentación e restauración dos petróglifos de Gargamala (Mondariz), promovido polo Servizo de Arqueoloxía da Dirección Xeral de Patrimonio Cultural da Consellería de Cultura e Turismo, será executado polo equipo técnico multidisciplinar do Instituto de Estudos Miñoráns (IEM) dirixido e coordinado polo historiador e arqueólogo Xosé Lois Vilar Pedreira e do que forman parte: María Dolores Álvarez Rey, Eloy Martínez Soto, Bruno Centelles García, Xilberte Manso de la Torre, José Antonio Viña Arias, Eduardo Méndez-Quintas, Andrea Serodio Domínguez, Manuel Ledo Bernárdez e Jesús Rodríguez Diéguez coa colaboración especial, nas tarefas de prospección, de Cándido Verde e José Álvarez Alonso (O Buraco).

Nos días 5 e 6 de outubro de 2018 un incendio arrasou 150 Ha das parroquias de Sabaxáns e Gargamala (Mondariz) que afectou a área nuclear dos petróglifos de Gargamala con distinto grao de incidencia (termoclastos, ennegrecemento da superficie, arrastes de depósitos sobre as superficies) e deixando unha paisaxe depauperada e a pracer dunha forte erosión da tona terrea.

O conxunto de petróglifos obxecto desta actuación sitúase entre os 400 e os 470 m.s.n.m.. A gran maioría deles ocupando a parte alta dos outeiros (GA 36030023-18-11), as valgadas entre eles no caso do Campado (GA 36030055-14-15-54), chans como Campo Redondo (GA 36030038) cun amplísimo dominio visual ,que chega á Serra do Galiñeiro, parello ó emprazamento dos petróglifos da Coutada (Taboexa, As Neves) ou As Portaxes no Monte Tetón (Tebra, Tomiño) tamén obxecto de prospección, estudo, posta en valor e musealización por parte do Instituto de Estudos Miñoráns.

Na zona de actuación destaca a presenza dun ulleiro aproveitado polos veciños para a traída de augas doméstica e na outra vertente hai varios muíños hidráulicos.
Estamos ó redor das coordenadas 545.686/4.679.970 
(datum: ETRS 1989, fuso 29).

Esta concentración de petróglifos atópase na parroquia de Gargamala, no concello de Mondariz, composta polas aldeas de Vedrelos e O Soutiño na zona meridional e A Rúa, Mourelle, Boente e O Barro. A parroquia está rodeada por Frades, Riofrío, Sabaxáns e Toutón como freguesías do mesmo concello e polo norte polas de Traspielas e Ventín do concello de Fornelos de Montes. Estamos no sur do Suído nun mundo de serra onde as aldeas escasean e foi zona tradicional de pastoreo que deixou pegadas etnográficas nos chozos, neveiras, cerres para o gado e nos foxos de lobo.
Estamos no val medio-alto do río Tea cara o que drenan os núcleos habitados de Gargamala. A zona noroeste do Castro Chouso, O Foxo do Lobo, A Chan de Cairón... botan as augas no río Barragán que desauga no río Oitavén ó pé do castro da Cidade (Calvos, Fornelos) na mesma presa das Eiras.


Está en:  Inicio
Skip to content
Xoaquín Fernández Leiceaga, no cuarto e último faladoiro do ciclo "Galicia 2017-2020: presente e futuros” Problemáticas do territorio en relación coa Lei de Montes e a Lei de Fomento de Iniciativas Empresariais. Venres 16 de marzo ás 20:30h.
Escrito por IEM -Sec   
Venres, 09 Marzo 2018 20:31

fernndez leiceaga xoaqun

O Instituto de Estudos Miñoráns (IEM) presenta o cuarto e último faladoiro do ciclo "Galicia 2017-2020: presente e futuros" este venres 16 de marzo ás 20:30 horas, no que intervirá Xoaquín Fernández Leiceaga, portavoz parlamentario do PSdeG.
Nel trataremos a situación de Galicia respecto de problemáticas do territorio en relación coa Lei de Montes e a Lei de Fomento de Iniciativas Empresariais" xa desenvolvidas nos anteriores faladoiros.
A xornada desenvolverase na Aula de Cultura Ponte de Rosas, Avenida da Feira Nº 10 baixo, Gondomar.
 
Luís Villares no segundo faladoiro do ciclo "Galicia 2017-2020: presente e futuros” Problemáticas do territorio en relación coa Lei de Montes e Lei de Fomento de Iniciativas Empresariais . Venres 2 de marzo ás 20:30 h.
Escrito por IEM -Sec   
Sábado, 24 Febreiro 2018 12:55
villares naveira luis
Luís Villares, voceiro do grupo parlamentario En Marea, participará o vindeiro venres 2 de marzo ás 20:30 horas no segundo faladoiro do ciclo "Galicia 2017-2020: presente e futuros" no que trataremos a situación de Galicia respecto de problemáticas do territorio en relación coa Lei de Montes e Lei de Fomento de Iniciativas Empresariais".
A xornada desenvolverase na Aula de Cultura Ponte de Rosas, Avenida da Feira Nº 10 baixo, Gondomar.
 
XIV XEIRA ALÉN MIÑOR-PONTEVEDRA 7 DE ABRIL 2018
Escrito por IEM -Sec   
Xoves, 08 Marzo 2018 00:19

p5180078

XIV XEIRA ALÉN MIÑOR-PONTEVEDRA

 

7 DE ABRIL 2018

Pontevedra, lugar onde se atopa unha ponte vella.

A construción arredor do século II por parte dos romanos dunha rede viaria de camiños que favorecería as vías de comunicacións e transporte de alimentos e mercadorías entre Braccara Augusta , Lucus Augusti e a Asturica Augusta, concretamente a vía XIX, favoreceu o asentamento e consolidación de pequenos núcleos de poboación que servían de apeadeiro ou lugar de descanso temporal para todo aquel que percorrese dita vía. Un destes pequenos asentamentos, localizado no que é a actual Pontevedra, chamouse Turoquia.

As orixes medievais de Pontevedra, con case total seguridade, gardan relación co reinado de Fernando II de León. A aparición dun documento, en 1163, que recolle a doazón por parte de dito rei da metade da igrexa de Santa María ao mosteiro de Poio, así o corrobora.

Pontevedra, ao igual que na época romana, ten ligado o seu destino ao Lérez, a ponte e os camiños. A vella ponte desapareceu (Vetula Ponte), dando paso, no medievo, a outra que tivese un protagonismo maior e axudase a sentar as bases dun novo núcleo que non deixou de medrar ata os nosos días.

A súa topografía no século XII vese claramente condicionada por atender a dúas funcións loxísticas: O control visual da ría e o territorio circundante e a defensa da cabeceira da ponte.

O máximo esplendor da vila acontece no sc. XV, cando se constrúen as catro igrexas medievais da cidade.

Outórganlle a capitalidade provincial en 1833.

Algunhas localizacións a visitar:

Igrexa de Santa María (Gótico Serodio): O cerne da cidade estableceuse ao redor desta igrexa. A orixinal esmoreceu a finais do sc. XV dando paso á nova construción. O gremio de mareantes foi o gran benfeitor para a súa construción. Naquel momento esta irmandade era das máis representativas na bisbarra, grazas a que conseguira que a pesca da ría se xestionase dende a vila. Foron as xentes mariñeiras as que levantaron este templo, que no sc. XX pasaría a ter a categoría de basílica.

Igrexa de San Bartolomeu O Vello: A edificación orixinal tivo igual destino ca anterior. Temos referencias da primeira construción dende o século XIII, posteriormente( sc.XV- XVI), os xesuítas edificaron a nova igrexa, baseándose no barroco romano.

No sc. XIX demoleuse e no seu lugar construíuse o Teatro Principal.

Ler máis...
 
Semana 12-18 de febreiro.
Escrito por IEM -Sec   
Domingo, 18 Febreiro 2018 23:11

IEM Proxecto EQUUS Laxe da Coutada Taboexa TVG A revista

Emisión do 15 de febreiro de 2018 no programa "A REVISTA" da TVG dando conta do achado dunha das mellores superficies gravadas da arte rupestre galega na LAXE DA COUTADA, en Taboexa, concello das Neves.

https://www.youtube.com/watch?v=TnXjQUkjBw0&t=3s

 

IEM: GALICIA 2017-2010. Ana Pontón (BNG) 16/02/18

As problemáticas do territorio. Lei de Montes e Lei de Fomento de Iniciativas Empresariais.

https://www.youtube.com/watch?v=fz9kt2mwA3A&t=54s

 

Xosé Lois Vilar (As Neves 17/02/2018)

Intervención de Xosé Lois Vilar Pedreira (IEM) na presentación do audiovisual "E VEU O LUME" no auditorio municipal de As Neves. Sábado 17 de febreiro de 2018

https://www.youtube.com/watch?v=AfELE3LMOAc&t=33s

 

Tino Baz (As Neves 17/02/2018)

Intervención de Tino Baz na presentación do audiovisual "E VEU O LUME" no auditorio municipal de As Neves.

https://www.youtube.com/watch?v=cPcQCmOo6n4&t=5s

 
José González no terceiro faladoiro do ciclo "Galicia 2017-2020: presente e futuros”. Problemáticas do territorio en relación coa Lei de Montes e Lei de Fomento de Iniciativas Empresariais. Venres 9 de marzo ás 20:30 h.
Escrito por IEM -Sec   
Domingo, 04 Marzo 2018 00:24

gonzlez vzquez jos

José González, voceiro do Partido Popular de Galicia na Comisión de Agricultura, Gandaría e Montes, participará o vindeiro venres 9 de marzo ás 20:30 horas no terceiro faladoiro do ciclo "Galicia 2017-2020: presente e futuros" no que seguiremos a tratar a situación de Galicia respecto das problemáticas do territorio en relación coa Lei de Montes e a Lei de Fomento de Iniciativas Empresariais".

Moderará a xornada David Reinero, xornalista de Praza Pública.

A xornada desenvolverase na Aula de Cultura Ponte de Rosas, Avenida da Feira Nº 10 baixo, Gondomar.

 
Faladoiros Galicia 2017-2020. Presente e Futuros. Problemáticas do territorio: Lei de Montes e Lei de Iniciativas Empresariais.
Escrito por IEM -Sec   
Mércores, 14 Febreiro 2018 00:31
5a7c2201620a0-catro

O Instituto de Estudos Miñoráns (IEM) presenta o primeiro faladoiro 2018 este venres 16 de febreiro no que intervirá a portavoz do BNG, Ana Pontón.
Os faladoiros centraranse en cuestións relacionadas co territorio, respecto ao recollido na Lei de montes e a Lei de fomento da implantación das iniciativas empresariais, na que cada poñente ofrecerá a súa visión sobre o tema proposto.
Nos faladoiros actuarán como presentador Xulian Maure Rivas, director do IEM e como moderador David Reinero, xornalista de Praza Pública.
Os faladoiros terán lugar ás 20.30 horas na sede do IEM, Aula de Cultura Ponte de Rosas, Avenida da Feira, 10, Gondomar.
 
<< Inicio < Anterior 1 2 3 4 5 6 7 8 9 10 Seguinte > Final >>

Páxina 9 de 217